balerditik

Bedaioko 4. Mendi martxa ekainaren 20ean

balerditik — Thu, 10 Jun 2010 06:45:40 +0000

Aurtengo edizioan berrikuntza bat gehitu dute Bedaiotarrek. Mendi martxa eta BTT hutsez aparte, nahi duenak biak baturik mendi duatloia egiteko aukera izango du. Honela Duatloia egiteko asmoa azaltzen dutenek (8:30etan bizikletaz abiatuko dira, lehenengo kontrol gunean bizikleta utzi eta igoera bertikalari ekingo diote Artubi mendira, jetsiera azkarra egin ondoren, bizikleta berriro hartu eta markaturiko bidea burutu beharko dute.

Aurreko urteetan bezala goizeko 7:30etan abiatuko dira Bedaioko Frontoitik 6 -7 ordu bitarteko martxa hau burutzeko. Mendi martxa honek oso bide desberdinak jorratzen ditu. Frontoitik (389m) abiaturik segituan Aralar Parkean sartzen gara, Amezketa aldera jotzen dute mendizaleek eta Larrondo (720m) aldera abiatu, handik Tolosako mendirik gailurrena den Artubi (1244m)mendira igoaz. Mallo Zaharra (Balerdi) ondoan izanik.
Artubitik behera eginez gero esan daiteke mendi martxaren zatirik fuertena pasa dugula baina oraindik bada zer ikusi eta disfrutau noski.
Urdilleko lepora (717m)jeitsiko gara Larrrondtik bueltan berriro. Urdilleko lepoa Gipuzkoa eta Nafarroa muga dugu eta Azkarate herrira jeitsiko gara (449m).
Hemen bigarren zati batean sartuko gara mendia alde batera utzirik pagadi sakonetan sartuz, eta zuhaitzek utzitako argiuneak aprobetxatuz igotako Artubi mendiaren beste ikuspegi bat izango delarik.

Txirrindulariek ibilbide paretsutik joaten dira, noski ezin dute Artubi mendira bizikletan igo. Aurten agian izango da norbait , bizikletan ez, korrika edo oinez igoko denik, nahi duenak Mendi Duathloia egin dezake, hau da, lehenik bizkletan hasi, Larrondotik Artubira eta buelta oinez edo korrika egin eta ondoren bizikleta harturik gainontzeko bidea burutu. Lehenengo urtea izanik ez dago denbora markarik baina antolatzaileek diotenez zaila izango dute 3 ordutik jeistea.

Azken edizioan txirrindularien bidea murrizturik suertatu bazen ere, aurten luzeagoa izango da. .

Bedaio ezagutzeko asmotan antolatu zuten Mendi eta BTT martxa hau, iraileko zaldi raidarekin batera inguruaz ikasi eta gozatzeko modu desberdinak daudela erakutsiaz.
Bedaioko Mendi martxa honetan hainbat laguntzaile hartzen dute parte, dirurik ez baina mota desberdinetako materialak biltzen saiatzen dira gero denen artean zozketa egiteko asmoz. Agian goiz pasa polit bat egin ondoren mendiko bota, bizikleta maillota edo Bedaio bertako gazta batekin etxera bueltatzeko aukera izango da.

Izen ematea egunean bertan egin badaiteke ere komeni da aurretik egitea, zenbait bide dago izena emateko. Internetez hemen. E-postaz mendimartxa[abildua]bedaio.com edo 620199166 telefonoan.

Izen ematea 10euro (goizeko kafea, bukaerako pintxoak eta zozketa barne).

Mendizaleen irteera goizeko 7:30etan Bedaioko frontoitik eta txirrindularia eta duatloian parte hartu beharrekoak goizeko 8:30etan irtengo dira.

Artubi Kultur elkartekoek Mendi egun honetan parte hartzera gonbidatzen zaituztegu eta animo natura eta kirola atsegin duzuen guztiei!!!!.

Bedaioko 2. zaldi raid-a

balerditik — Wed, 23 Sep 2009 15:53:07 +0000

Igande hontan, irailak 27, ospatuko da, irteera goizeko 9etan izango da baina aurretik, raid batek eskatzen duen betebearretako bat burutuz, albaitari kontrola izango da, zaldiaren osasuna aztertzeko, denean zaldia baita protagonista. Zaldi raid lasteketak, normalean, 40 eta 120 kilometro bitartekoak izaten dira, baino Bedaion 25 kilometroko zirkuitoa prestatu dute, federatu eta ez federatuentzako, raid baten teknika eta baldintzak ikuspegi arinago batetik ezagutarazteko eta kirol honetan trebatzen hasteko.
Informazio gehiago hemen.
Iazkoak arrakasta haundia izan zuen, jendea orokorrean pozik joan zen, hona hemen iazkoaren irudi batzuk (nik editatutako lehenengo bideoa!)

Izar behoka jaiotzen

balerditik — Fri, 12 Jun 2009 13:27:59 +0000

Oso zaila da behor bat erditzen ikustea. Normalean guaez edota, izktuan egiten bai dute. Guk izugarrziko suerte izan genuen, ta gainera, beste lan bat egiteko, kamara soinean genuen. Irudiak zenbait momentutan ez dira oso onak, badakit, momentuko nerbioak. Gainera behorra lasai egotea ezinbestekoa zen, ez genuen enbarazorik egin nahi. Erditzen ikustea harrigarria bada ere, are eta gehiago, jaio eta handik bi ordutara behoka saltoka jolasean ikustea. Ta hau dena Balerdi mendiaren magalean…

Bedaioko 3. mendi martxa

balerditik — Fri, 05 Jun 2009 10:34:03 +0000

Klikatu irudiaren gainean haundiagoa ikusteko.

Ekainak 14, igandean izango da zita. Oinezkoak goizeko 7.30etan irtengo dira eta bizikletaz egin nahi dutenek, goizeko 8.30etan. Oinezko ibilbidea 6 ordutan egin daiteke, eta bizikletan aldiz 3-4 ordutan. Aurten ze aitzeki jarri behar det? Aspaldian sasoi gutxikin egon arren…

tagzaniapaste
Bedaioko Mendi martxa

ARAUAK:

* Federatuak eta ez federatuak parte har dezakete.
* Izen ematea Ekainaren 14an irteera baino ordu erdi lehenago.
* Ibilbideko kontrol guztietan sinadura eta ordua jaso behar dira.
* Kontrol txartela 10 € truk izango da. Bukaera arte, ondo jaso txartel hau amaieran jatekoaz trukatu eta hainbat produkturen zozketan erabiltzeko.
* Amaierako kontrola 17:00 bukatuko da.
* Zakarrak kontrol guneetan bota.
* Ingurugiro naturalean zaude, animaliak ez uxatu eta landaretza errespetatu.
* Landa lurrak eta jabetza pribatuak errespetatuz zeharkatu.
* Antolakuntzak ez du inolako ardurarik izango gertatu daitekeen edozein istripuaren aurrean.

Beraz, herria ezagutu eta naturaz eta paraje ederrez gozatu nahi duenak, ekainaren 14an du zita, izena hemen eman dezakezu.

Transgenikoak (berriz)

balerditik — Thu, 23 Apr 2009 07:48:17 +0000

Atzo Berrian irakurri nuen albistea, Eusko Jaurlaritzak transgenikoak landatzeko aukera zabalduko du . Berdintasunaren izenean, helburua, «laborariek edozein nekazaritza era aukeratzeko egiazko gaitasuna edukitzea» omen da! Ja Ja!
Nekazaritza ekologikoa eta trangenikoak koexistitzea nahi dute, jakinda eziñezkoa dela, ohiko landaketa eta ekologikoa transgenikoek kutsatu egiten ba dute.
2007an Eusko Jaurlaritzak, Euskadiko Autonomi Erkidegoa transgenikorik gabeko eremu izendatu zuen, ta orain…

Sorpresa… aurten ez tau sagardoik, likor de naranja in beharko deu!

TRANSGENIKOAK STOP!

Earth hour

balerditik — Fri, 27 Mar 2009 08:31:08 +0000

Itzali argiak, piztu Lurra.

Aldaketa klimatikoari aurre egitea posiblea dela erakusteko, bihar, martxoak 28, 20:30etatik 21:30etara, argiak itzaltzeko gonbitea luzatu du WWF taldeak. Ekimen hau, 2007an jarri zuten martxan lehenengo aldiz, Sydneyen, Australian. Orduan 2,2 milloi pertsonak argia itzali zuten ordubetez.
Iaz bigarrengo urtez antolatu zen eta 35 herrialdeetan 100 milloi pertsonak parte hartu zuten. Eta aurten, 64 herrieldeek ekimenean parte hartuko dutela esan dute, zuk ere ez galdu aukera. Hiri haundietan monumentuak illunpetan geratuko dira, gure herriko monumentuak ilargiak argitzen dituenez eta hau itzaltzea posible ez denez, nik etxeko argiak itzaliko ditut.
Bitartean…

Probatu lights out jokua. Ea zenbat argi itzaltzeko gai zaren, oraindik garaiz zabiltza.

Ta orain bi buru!

balerditik — Sun, 15 Feb 2009 16:52:54 +0000

Lehen ikusi genuen bi ipurdi zituen sagar bat, ba oraingoan, txahal bat bi burukin jaio da Bedaioko Eletxe baserrian. Bueno, egie esan, behiaren sabelean hilda zegoen txahaltxoa, eta behi gaixoaren sufrimenduarekin bukatzearren, zesarea egin behar izan diote. Hala azaldu digu, Eletxe baserriko, Joseba Zulaika behizañak.
Naturaren misterioak, seguru Johan biologoak baduela honentzako esplikazioren bat.
Zergatik gertatzen ote die horrelakoak?

Hemen beste argazki bat ikusteko modue .

Edukiontzi laranja

balerditik — Sun, 08 Feb 2009 17:50:59 +0000

Sukaldeetan erabilitako olioa jasotzeko edukiontzia jarri du Tolosaldeko Mankomunitateak, Artubi Elkartearen kanpokaldean. Sukaldeetan erabilitako olioa plastikozko pote edota botiletan sartuta utzi beharko da edukiontzian, tapoia ondo itxita. Ondoren, plastikozko ontzi guztiak birziklatu egingo dira eta olioa biodiesela egiteko erabiliko da. «Hodiak ez trabatzea, uren kutsaketa eta baliabide bat alferrik galtzea eragoztea» du helburu.
Informazio gehiago nahi duenak Tolosaldeko Mankomunitatera deitu dezake, 943 676 216 telefono zenbakira.
Benetan zoriontzekoa da hain denbora gutxian, birziklatzeko edukiontzirik ez izatetik; orain, kartoia, kristala, ontziak eta olioa birziklatzeko aukera degu.

Hacienda Bedaiogolf, Hotel & Country Club.

balerditik — Sun, 28 Dec 2008 01:01:37 +0000

Atzo abenduaren 27a, larunbata, herri honek inoiz izan ez duen bixita izan zuen, izan ere Juan Jose Ibarretxe, Autonomi Erkidegoako Lehendakari Jauna, bertan izan zen.
BedaiGOLf proiektua aurkeztu zuten, eta Ibarretxek hitz batzuk eskeñi zizkion proiektu honi. Herritarek harriduraz jarraitu zituzten bere hitzak, kanpoan golf zelaiaren kontrako konzentrazioa izan zen. Euskadi 2012 proiektu estrategikoaren barruan kokatu zuten, Hacienda bedaiGOLf Hotel & Country Club-a. Inbertsio haundiak egingo dira eta herriaren itxuraldaketa nabarmena ekarriko du. Azpiegitura berriak egingo dira, adibidez, estrazarra konpondu eta Eskoletxen Bearnetik barrena garai bateko bidea berreskuratuko da, parking gune zabalak eraikiko dira, Bizakten urtegi txiki bat egingo da (aurrerantzean ur kirolak eskeintzea aurreikusten da), zezen plaza txiki bat eraikiko da Larrañetako zelaietan, 800 bifamiliar egitea ereaurreikusten da, Spa, Zaldi Club-a, eta gauz gehio aurreikusten dira, baino faseka egingo denez, hauek proiektuan daude oraindik.
Planoaren xehetasunak.
A) Arrupeko kruzean Country Clubera sarrera. (Herrikoek ez dute peajerik pagatuko).
B) Club etxea. (Ez galdetu zer den).
C) Lote residentzialak.
D) Praktika Tee-a/ Putin green.
E) Urtegia. (Bizkateko bordatik ikuspegi paregabeak)
F) Hotela.
G) Spa (oraindik proiektuan).
H) Eliza (oraingoa honera mugituko dute, egie esan, ez nuen ulertu zergatik)
I) Zaldi Klub-a (oraindik proiektuan).
J) Zezen plaza (Larrañetako zelaian, Itziarko zezentxoentzako plaza txiki bat eraikitzea estudiatzen ari dira. Despedidetako etab.)
Irudia haundiagoa ikusteko, klikatu gañean.

2. Azoka berezie ( 2008 12 14 )

balerditik — Mon, 15 Dec 2008 09:50:14 +0000

Lehena oraiña bihurtuz, etorkizune eraiki.

Azken egunetako egualdie ikusita zeñek esan behar tzuen, atzo, holako egualdie ingo zunik. Giro ederra, fresko, baño ateri, ta illuntzen elurre mara-mara. Eune konpleto.
Artilearekin harie egin, altzairu eta lanabes zaharrak, otarrak egin, margolanak, mila kolore eta zapore duten barazkiak, taloa, txoisoa, kroketak, gaztañek, …eta labetik atera berrie “2009ko egutegie”.
Bertan ekoiztu eta bertan kontsumitu, hori da bidea.
Abere asko izan zen, zaldi, behor, idi, koneju, ollo, ardi, indiollar, …

Aipatzekoa, herritarren parte hartze handia, zorionak!

Datorren urtean berriz, binbittarten… to argazkik!

Bedaioko 2. Azoka berezie

balerditik — Tue, 09 Dec 2008 13:47:01 +0000

Aurten ere ospatuko da Ganadu eta Barazki azoka berezie. Igande hontan, Abenduak 14, izango da. Azken egun, aste eta ilabetetako eguraldia ikusi eta gero, iazkoa errepikatzea zaila izango da. Bitartean iazko argazkiekin gozatu.

Bedaio geolokalizatzen

balerditik — Thu, 13 Nov 2008 00:03:01 +0000

Bedaio geolokalizatzeko (geografikoki kokatu, alegia) modu asko daude, argazkien bidez Panoramio, Flickr-en etab., bideoak Youtube-en, etab … baña azkena ezagutu dudana, eta oso interesgarrie iruditu zaitena, ibilbideak geolokalizatzeko Wikiloc izan da. Bertan erabiltzaileok ibilbideak (oinez, bizikletaz, zaldiz, 4x4 erabiliz,eskalatzekoak,…) gorde eta partekatzeko aukera dugu.
Tontokaletik blogan oso ondo azaldu zigun Iñigok nola geolokalizatzen diren ibilbideak.
Adibide gisa, honako ibilbidea aukeratu det, momentuz Bedaion dagoen bakarra, edo bakarrenetarikoa da, baño seguro nago gehio izango direla. Beraz, GPS bat badezu eta mendian ibiltzeko gogoa, badakizu, ibilbidea jaso eta partekatu. Ta hobena, igota dauden ibilbideak GPS-ra pasa ditzazu.
Zaldin ibiltzeko proposamena da honako hau, noski oñez ere egin daiteke. Paraje ederrak ikusteko aukera paregabea dudarik gabe.
Ibilbide hontatik asko gustatu zait eta eskertzekoa da, laita-k egiten duen komentarioa:
“Recorrido que une los pueblos Guipuzcoanos de Bedaio y la hermita de San Martin de Amezketa”, eskerrikasko laita, nahiz eta erderaz egon ederki ulertu degu eta!
Bi irudi hauetan ikusten den bezela informazio oso konpletoa dator gañera. Ibilbidearen luzera, altuera ta jetsierak, zailtasuna etab. eta Google Maps-en ibilbide bera markatuta, gertuatu, urrundu, etab egiteko aukerarekin, Jesulinek hau ikusten badu, zera esango du:
“Bi hitzetan: Iki Arrie!
.
.
.
.
.
.
.
.
.
.
.
.
.
.
.
.
.
.
.
.

.
.
.

Bi ipurdi

balerditik — Mon, 10 Nov 2008 17:44:10 +0000

Ño, izenburu sugerentea ezta?

Ba ez da zuek pentsatzen dezuena, izan ere, atzo Bizkateko sastin honako sagar errezille ale hau topatu nuen. Ez nuen sekulan halakorik ikusi. Kuriosoa iruditu zait eta horregatik argitaratu det. Gar bertan bibisekzioa egin eta jan egingo det, je, je, je!
Haundigon ikusteko klikatu iridiaren gañen.

Bioaniztasunetik bloganiztasunera

balerditik — Fri, 31 Oct 2008 13:35:34 +0000

Gaur egun pozgarria da, eguraldi txarra dagoen arren.
Gaur jaio da, sortu du, forma eman dio, nahi dezuen bezala esan, baiño Altzoazpiko Johanek bere blog-a sortu du. Bloga interesgarrie izango dela dudarik ez det, guretik oso gertu dagoen bioaniztasuna erakutsiko digu, etxetik bi pausoetara degun bioanitzasuna.
Aspaldi hontan txntxarriMEDIAn gozatu degu bere argazki eta “txapekin”, orain bere blogarekin gozatuko degu.
Bidaio on Johan, ta ongietorri.

Tontokaletik, Balerditik, Menditik, Ugartetik,… ta orain BIOANIZTASUNETIK .
Egin TIK ikusteko.

Euskal Herriko biobloganiztasuna, zuregandik gertu.

Bedaioko 1. zaldi raid-aren bideoa

balerditik — Wed, 29 Oct 2008 18:22:47 +0000

Beno, beno, ordenadoreari firewire portue gehitu diot ta orain bideoekin jolasteko aukera det, beraz badakizue zer datorkizuen….

1. zaldi raid-eko argazkiak

balerditik — Mon, 29 Sep 2008 10:43:29 +0000

Atzo izan zen Bedaion 1. zaldi raid-a. Dena ondo atera zen, eguraldia, parte hartzea, giroa, mondejuk ta kroketak, sagardoa ta txakoliñe,…
Zorionak antolatzalleei, Artubi elkartea, Belen, Marian, Txus, Narziso, etab, etab. Egun ederra igaro genuen behor eta zaldi artean.
Bukaeran denak gustora, zaldun bakoitzak Diva pentsu zaku bat eta EKI produktu sorta bat jaso zuen.
Nik ere nere ekarpena egin nahi izan det, argizki sorta hau, zaldun batzuek ala eskatuta.

Bedaioko 1. zaldi raid -a

balerditik — Wed, 24 Sep 2008 16:09:18 +0000

Datorren irailak 28, Igandea, Bedaioko I Raid lasterketa ospatuko da. Heziketazkoa izango da, 20km ibilbidea prestatu dute eta irteera goizeko 10etan izango da Bedaiotik.

Raid lasterketak 40 km-tik 120 km bitartekoak izaten dira baina lehengo honetan Bedaion 2 fasez osaturiko 20 km-ko zirkuitua osatu dute. Irteera goizeko hamarretan izango da. Zirkuitu laburra da aurtengoa. Inguruan zaldun asko dagoela ohartuz zaldiarekin trebatzeko proposamena luzatzen dute, zaldia eta zaldunaren arteko taldea osatuz

Raid lasterketa bat erresistentzia motako lasterketa bat da, non lehenengo iristea garrantzitsua bada ere, garrantzitsuagoa da zaldia egoera físiko onean iristea. Zaldiari albaitari kontrolak egiten zaizkio, bihotz taupadak, hidratazioa, pausua zuzen eramatea etab. Horiek gainditu gabe geratuz gero, lehenengoak iristeak ez du baliorik.

Lasterketa honen bidez Bedaiotarrek heziketazko lasterketa bat proposatzen dute, zaldia gehiago ezagutzeko lasterketa bat, non bakoitzaren aberea kontrolatzen erakutsiko duten eta bien arteko erlazioa sendotzeko balio duen.

Zer esanik ez, Bedaion izanik, zirkuitu konpleto bat izango dela ez dago dudarik, aldapa gora, eta aldapa behera, belardia, pista eta asfaltoa, zeharkaldi eta paraje politaz disfrutatzeko eta zaldiaz eta Naturaz gozatzeko.

Izen emateko 620199166 telefonora deitu edo hemen eman izena.

Izen ematea irailak 25ean itxiko da eta 10 euroko prezioa izango du.

Energia 2.0, zergatik ez?

balerditik — Fri, 19 Sep 2008 10:54:43 +0000

Gaur goizean irakurri det, google.dirson.com-en, Google eta General Electrics-ek Sistema elektriko berrietan ikerkuntza eta inbertsioak egin behar dituztela. Energi berriztagarriei bultzada bat emateko asmoz. Eta bere poltsikoak betetzen segitzeko, noski!
Ala eta guztiz ere, albiste bera baino garrantzitsuagoa da niretzat kontzeptua, kontzeptu berria. Energia 2.0.
Interneten pasa zen bezela web 1.0tik web 2.0ra pasatzerakoan. Hasieran web-gune haundiek orri mordo bat sortzen zituzten eta pertsonak ikusle soilak giñen, gero ikusletik gure informazioaren sortzaile izatera pasa giñen.
Ba energiarekin berdin, kontsumidore izatetik, sortzaile izatera pasa gaitezke, energia deszentralizatuz eta gu geuk gure energia kudeatuz.

Energia 2.0, hori da bidea.

Lokatza lepo, Bedaioko mendi martxan.

balerditik — Mon, 09 Jun 2008 08:28:49 +0000

Denen ahotan izan zen lokatzaren kontue, izan ere azken egun, aste eta hilabeteetako eurien ondorioz, ez zen harritzekoa atzo Bedaioko mendi martxan lokatza topatzea. Euskalerri tropikala…
140 lagun inguru bildu ziren, batzuk oinez ta beste batzuk bizikletan.
Hona hemen argazki sorta txiki bat. (Datorren urtean ea beste toki batetik ateratzen ditudan, animatuko ote naiz???)

Zaldi raid-ari buruz hitzaldia I

balerditik — Sun, 08 Jun 2008 00:56:05 +0000

Hitzaldi erakustaldi ederra jaso genuena atzo, Marian (Zaldi Federazioa), Narziso (Hezitzallea) eta Txusen (Albaiteroa) eskutik. Irailaren 28n ospatuko den Raidaren nondik norakoak azaldu zizkguten bertaratutakoei.
Lehengo zatian arauak zeintzuk diren ikusi genituen, kaskoa erabiltzea, federatuta egotea (nahiz ta Bedaioko kasuan beharrezkoa ez den izango),etab. Eta bigarrengo zatia praktikoa izan zen. Mendi lasterketa hauetan kontrol gune batzuk izaten dira, bertan zaldi-behorrak nola dauden aztertzen du albaitariak. Hidratazioa, pultsometroaren erabillera, herrenik baduen ikusi etab.
Jendearen zalantzak ere argitu zituzten.
Bedaioko I Raid honen helburua, inguruko zaldun afizionatuak, Raidak nolakoak diren ezagutzea da, eta zaldi zaletasuna bultzatzea.
Hitzaldi erakustaldiaren ondoren Taloak janez giro polita sortu zen.

Zaldi raid-ari buruz hitzaldia

balerditik — Thu, 05 Jun 2008 09:49:07 +0000

Irailean ospatuko den Zaldi raid-ari lotuta, larunbat honetan, Ekainak 6, arratsaldeko 4 t´erdietan, hitzaldi-erakustaldi bat izango de Artubi Elkartean. Bertan, Marian Guridi epailea eta Narziso Arrillaga zaldi hezitzaile eta hazitzailea izango dira.
Raid edo mendiko karrera hauetan, zaldiekiko hartzen diren neurriak edo kontrolak zeintzuk diren azalduko dute, pultsazioak, hidratazioa,…bi zaldi eramango dituzte eta erakustalditxo bat egingo dute. Gehien bat raid-ean parte hartuko dutenei zuzenduta badago ere, edozein gerturatu daiteke, ekitaldi irekie da. 2 orduko saioa izango da.
Ta nola ez, ondoren talo jatea izango da,taloa, txoisoa, irugiarrea, txokolatea, …, beraz badakizue, han izango gea.

Gelditu aht!

balerditik — Tue, 03 Jun 2008 08:10:10 +0000

Hona hemen Fermin Muguruzak eta konpañiak, Gelditour-erako prestatu zuten abestia. Hementxe ondoan, Askaten grabatu zuten.

Eta hemen Bruce Springsteen-en bertsioa, Uztailean Brucek Donostian egingo ote dio bertsioa bere bertsioari?

Bedaioko 2. mendi martxa

balerditik — Fri, 30 May 2008 07:40:53 +0000

Eguna iristear dago, ekainaren 8an izango da Bedaioko mendi martxa, aurreko post batean idatzi nuen bezala.
Aurtengoan berrikuntza batekin dator gainera, ibilbidea oinez edo bizikletaz egiterik izango da.
Ibilbidea ia berdiñe da, bizikletaren kasuan Artubira igo beharrik ez da izango.
Oinezko ibilbidea 6-8 ordutan egin daiteke, eta bizikletan aldiz 3-4 ordutan.
Oinezkoari hasiera goizeko 7.30eta emango zaio eta bizikletakoari 8.30etan.

ARTUBI ELKARTEAK antolatu du eta honako araudia prestatu dute:

ARAUAK:

* Federatuak eta ez federatuak parte har dezakete.
* Izen ematea Ekainaren 8an irteera baino ordu ½ lehenago.
* Ibilbideko kontrol guztietan sinadura eta ordua jaso behar dira.
* Kontrol txartela 10 € truk izango da. Bukaera arte, ondo jaso txartel hau amaieran jatekoaz trukatu eta hainbat produkturen zozketan erabiltzeko.
* Amaierako kontrola 17:00 bukatuko da.
* Zakarrak kontrol guneetan bota.
* Ingurugiro naturalean zaude, animaliak ez uxatu eta landaretza errespetatu.
* Landa lurrak eta jabetza pribatuak errespetatuz zeharkatu.
* Antolakuntzak ez du inolako ardurarik izango gertatu daitekeen edozein istripuaren aurrean.

Beraz, herria ezagutu eta naturaz eta paraje ederrez gozatu nahi duenak, ekainaren 8an du zita, izena hemen eman dezakezu.

Beko itturrie.

balerditik — Mon, 21 Apr 2008 16:20:05 +0000

Bedaion, Larrañeta baserritik behera, Ezkolborro aldera abiatu gara. Errekara iristean zubi txiki bat topatu dugu eta, hara gure atsekabea, zubi txiki polita erortzeko arriskuan dago, hau zoritxarra.
Aurrera jarraitu dugu eta errekara begira goazela han behean iturri bat dirudien zerbait bistatu dugu. Berehala bueltatu eta bertara jeitsi gara. Zoragarria, arropako jotzeko harria, putzua, iturria, benetan liluragarria. Hemen ere nahigabea, hau ere erabat utzia eta kaltetua bait dago.
Gure atsekabe eta nahigabe guztiarekin gorantz abiatu eta Amona Mariari galdetu diogu paraje horietaz. Gure harridura eta lilura haundituz doaz berak kontatutakoa entzutean.
Zubi txiki polit hartatik, gurdiak pasatzen omen ziren. Sinest eziña.
Iturrian berriz arropa garbitzen omen zuten, eta neguan ur epel epela izaten zuela kontatu digu, iturriko ura paregabea zela dio.
Berriro ere denok hori ikusteko aukera izateko, ezin dugu horrela utzi paraje hau, berreskura dezagun denon artean, auzolanean, edota Amezketa eta Tolosako Udalei gonbitea zuzenduta, zerbait egin dezaten.

Bedaioko II. mendi martxa

balerditik — Sun, 13 Apr 2008 09:59:54 +0000

Aurten ere ospatuko da iaz estrenekoz egin zen mendi martxa.
Ekainaren 8an izango da, ibilbidea iazko berdiña izango da, Tagzanian ibilbidea ikus dezakezue.
24.83 km-tako luzera du eta ondo bidez 6-8 ordutan egiten da (iaz bakarren batek 5 ordu azpitik egin bazuen ere).
Ea aurtengoan, iazko 162 partaideak gainditzen diren.

2007ko I. mendi martxako argazkiak ikusgai - Argazkiak: Xa2

Transgenikoak

balerditik — Fri, 29 Feb 2008 20:57:19 +0000

Aste hontan, Greenpeacek, Elikagai transgenikoen gida berdea eta gorriaren 4. edizioa aurkeztu du. Honek, Hego Euskalerriko dendetan aurkituko ditugun elikagaien osagaien jatorria zein den erakusten du.
Europear Batasunean orokorrean artoa eta soiaren genetikoki manipulatutako deribatuak erabiltzen dira elika-katean.

* Soia: iriña, proteina, olioa eta koipea (askotan olio/koipe begetala bezela “izkutatzen” dira), lezitina E-322, azido koipetsuen mono eta diglizeridoak (E471), azido koipetsuak.
* Artoa: Iriña, almidoia*, olioa, semola, glukosa, glukosa xarabea, fruktosa, dextrosa, maltodextrina, isomaltosa, sorbitola (E420), gozokia (E150), grits.

*“almidoi modifikatuak” ez du zertan transgenikoa izan beharrik, modifikatu honek almidoiak jasaten duen aldaketa fisiko-kimiko bati erantzuten dio.

Gida hau baliagarria izan daiteke elikagaiak aukeratzerako garaian.

P.D. Galdera bat sortarazten dit honek, artiriñe, taloak,… zein jatorriko artoa darabilgu eskuartean?

TRANSGENIKOAK STOP!

Proxima estación Esperanza.

balerditik — Sat, 24 Nov 2007 23:57:37 +0000

View Larger Map
Hona hemen ahtgelditu-k prestaturiko mapa, bertan, AHT-k zeharkatuko lituzkeen udalerriak nahiz “Euskal Y”ren eraikuntza lanek eragingo lituzketen hondakindegiak kokatu dituzte, baita haiei buruzko informazio zehatzak, hala nola, udalerri bakoitzean AHT-ren ibilbideak izango lituzkeen ezaugarri nagusiak, eragingo lituzkeen kalte nagusiak, etab. Urdiñez tunelak, horiz biadukto edo zubiak eta gorriz lur azal gaineko zatiak dira.
Egie esan behar ba dut, hitzik gabe geratu naiz hau ikusterakoan, a zer nolako… potrok!
Bedaioko kasuan mapan ikus daiteken bezela Ugarten lur azpin sartu eta Esolas Aroztegin paren ateratzen da lur azalera, Saberri baserriaren gainetik biadukto baten bidez errepidea eta gero erreka pasatu ta berriz lur azpin sartzeko, azkenik eskoletxe paren biaduktoa eta berriz lur azpira kasi Beteluraino, ta hori dena zertarako?

Beste aukera bat mapa ikusteko Google Earth programa deskargatu eta fitxero hau zabaltzea izango litzateke, bertan 3D moduan ikustea dago.

Proxima estación Esperanza.

Abiadura Handiko Trena

balerditik — Wed, 31 Oct 2007 09:35:33 +0000

Ibarretxe, gure, lehendakari jauna egunero aditzen dut, Espainiak herri honen erabakia errespetatu beharko duela, hori dela demokrazia. Kontsultaren emaitzak onartu eta errespetatu beharko direla… horrelako hitz politez betetzen du bere ahoa. bla, bla, bla…

Alegi eta Itsasondok eman zuten bere iritzia, baña beraien eskabadora eta makiñekin gañetik pasako dira. Bost inporta herriek kontsultetan esandakoa, horri hipokresia deitzen zaio ezta?
Gure inguruetako herriak mehatxupean daude, baina gurea ere bai. Euskal Y-arekin lotzeko Nafarroako korridorea aurrera atera nahi dute, eta horietako aukera bat Alegitik abiatu eta Bedaiotik pasatuz Irurtzun aldera joango litzateke. ( F alternatiba edo H2)

Noski, kontsulta bat egingo dute, a! ez, ez nahastu naiz.

Nafarroako erriberako aiton batek esan zuen bezala:
“El que tenga prisa, que se joda y madrugue, pués”.

Deskargatu “AHTren inpaktua Aralarren” dossierra.

Murriztu! Berrerabili! Birziklatu?

balerditik — Mon, 20 Aug 2007 20:49:41 +0000

Bedaio, udala, espaloi eta birziklatzeko ontzirik gabeko herria…

Murriztu, berrerabili eta birziklatu…
Hori zen Tolosaldeko Mankomunitateak 2002 urtean hasitako kanpainaren leloa.
Murriztu, murriztu dezaket, berrerabili berrerabili dezaket, baina oso zaila da Bedaion birziklatzea.
Birziklatzeko ontzi bakarra dago, Artubi Elkartearen parean aurkituko dugu beira birziklatzeko ontzia. Ez dago kartoia birziklatzeko ontzirik, hau da ontzi urdina, ezta ere brick, lata eta plastikozko potok birziklatzeko ontzirik, hau da ontzi horia, ezta pilak, olio etab. biltzeko ontzirik.

Lastima da, baino jendeak oraindik segitzen du Luizi beltza, Bizkate eta horrelako tokietan zaborra botatzen, agian sentsibilizazio eta komunikazio kanpaina bat eta erraztasun gehiagoekin lortuko genuke horrelako parajeetan jendeak zaborrak ez botatzea. Aralarko ateetan eta zaborra bilatu daiteke erreka zulo eta bazterretan. Gure lurra zaindu dezagun.

Ez dakit zeinen ardura izango da, baina zergak Tolosako Udalak kudeatzen dituenez, bitartekoak berak jarri edo bideratu beharko lituzke.

Ez ahaztu kontsumo arduratsua egitea, birziklatzea azken neurria izan dadila!

Aralar lur azpitik.

balerditik — Sun, 24 Jun 2007 23:13:03 +0000

Bedaio gazta bat bezala zulatua dago, askotan aditu dugu azpian ura dagoela, askotan pentsatu dugu zer dugun oinen azpian, orain ikusteko aukera dugu.

Dena O.K (Ondo zeoK)

balerditik — Wed, 13 Jun 2007 09:42:17 +0000

Kriston martxa, kriston giroa, kriston antolakuntza, kriston hamaiketakoa, kriston herrie.

This album is powered by BubbleShare - Add to my blog
Hona hemen Ekainak 10, Bedaion eginiko 1. mendi martxan ateratako argazkiak, argazkiak Xa2er Eskisabel-enak dira, bertan izaterik izan ez genuenok argazki hautekin goza dezakegu.

162 lagun atera ziren lehengo mendi martxa honetan, zorionak parte hartzaile eta antolatzaileei.
Alegiatik ere zaldunak gerturatu ziren, eta Larrondoraino zaldiz egin zuten.

Kriston martxa dabil…

balerditik — Wed, 06 Jun 2007 21:30:51 +0000

Kriston martxa dabil!
Fermin Muguruzak horrela zioen Sarri, sarri kantuan baina gure kasuan, kriston martxa dago.
Bai, eta ea eguraldiak laguntzen duen. Azkenean iritsi da eguna, igande honetan goizeko 7.30etan abiatuko da Bedaioko 1. Mendi martxa. Hona hemen ibilbidearen mapa.

Bedaio Tagzanian

balerditik — Sat, 26 May 2007 21:10:49 +0000

Bedaiotarrok badugu lan berri bat: Bedaio tagzanian etiketatzea, oraindik ezer gutxi baitago etiketaturik. Zer etiketatu dezakegun? baserriak, eraikinak, mendi tontorrak, … ibilbideak ere markatu daitezke. Adibide bat ikusteko jo ezazue Donostiara eta ikusi bertan markatutako leku desberdinak eta toki horiek markatzeko erabili diren etiketak. Etiketatze lana egiteko tagzaniara sartu, erabiltzaile berri gisa erregistratu eta lekuak markatzen hastea besterik ez da. GoogleEarth eta GoogleMaps aplikazioek ere etiketatze sistema erabiltzen dute.

Bedaioko I. Mendi Martxa

balerditik — Thu, 17 May 2007 07:52:50 +0000

Bedaioko lehen Mendi Martxa izango da ekainaren 10ean. Goizeko 7:30etan irtengo gara bedaioko frontoitik. Izena emateko sartu Kontaktatu atalean eta honela bete:

"Zure izena" jartzen duen lekuan Izen-abizenak ere ipini eta " Idatzi mezua" jartzen duen lekuan Mendi Martxa idatzi, horrela badakigu nor zaren eta zertarako den mezua.

Hemen duzue mendi martxako araudia:

· Mendizale federatuak eta ez federatuuek parte hartzea daukate.

· Izen ematea ekainaren 10etan goizeko 7:15etan itxiko da

· Mendi martxaren irteera goizeko 7:30etan izango da Bedaioko frontoitik
· Irteera 20 pertsonaka egingo da 2 minutuko tartearekin

· Ibilbideko kontrol guztietan ordua eta sinadura jaso behar dira

· Kontrol txartela 5€ truk banatuko da

· Amaierako azken kontrola pasa ondoren zozketarako balea emango da.

· Amaierako kontrola 17:00etan itxiko da

· Zakarrak kontrol guneetan izango diren zakar ontzietan uzteko aukera dago

· Ingurugiro naturalean zaude, animaliak ez uxatu eta landaretza errespetatu

· landa lurrak eta jabetza pribatuak errespetoz zeharkatu kalterik eragin gabe.

· Antolakuntzak ez du inolako ardurarik izango gertatu daitekeen edozein istripuren aurrean.

Alegiatik Amezketara, Bedaiotik pasatuz.

balerditik — Mon, 23 Apr 2007 22:57:58 +0000

Ihesi: Urreako Haitza, Alegiatik Amezketara Aralarren zelatapean

Oria ibaiak bustitzen duen Alegian hasiko dugu txangoa (100 m); zangoak berotzeko denborarik gabe, Altzo herrirako igoerari ekingo diogu berehala, Altzo Muino izanik jomuga, Altzo Azpi auzotik doan errepidearen adarra aukeratuz. Horrela, bide honetan gora kilometro eskasa osatu ostean, Altzoko Erraldoiaren jaiotetxe izandako Ipintza Handi baserrira doan bidegurutzera helduko gara. Baserrira eramango gaituen bidexka hautatu eta bertara inguratzen goazen heinean, Migel Joakin Eleizegiren harrizko erliebe handia irudikatuko dugu parez pare. Erliebearen oinera heltzean ohartuko gara, ordea, bere benetako handitasunaz. Begien aurrean dugun erliebea Eleizegi zenaren islada zehatza bada, ez da harritzekoa, bere garaian Euskal Herrian eta Euskal Herritik kanpo Altzoko seme honek jendearengan sorrarazi zuen miresmena.

Altzo Muino, Altzo herriko gune nagusia, begien bistan dugu dagoeneko. Ipintzatik Lizarreta baserrira doan bidexka hartu eta zelaian gora egingo dugu, Mendizabal baserriaren albotik igaroz pilotalekua eta Santa Barbara ermita dauden muinora heltzeko. Baserri eta etxe dotorez osaturiko Altzo Muinon gaude, Otsabio mendiaren oinean, eguneko igoera nagusiari aurre egiteko prest. Herria zeharkatu eta honen amaieran Altzoko eremu garaieneko baserri sakabanatuen bila atsedenik gabe abiatzen den pista jarraituko dugu pare bat kilometrotan, harik eta bidegurutze erabakior batean margo-ikur zuri-horiak jarraitzeari utzi eta «Otsabio» dioen gezi bati jaramon eginaz mendiko bidexka lokaztu batean barneratu arte. Ibilbidearen gogortasun eta edertasuna neurri berean hazten doazela somatuko dugu Otsabioko maldak gaindituz goazen heinean. Ernio, Uzturre edo Murumendi bezalako gertuko mendiak izango ditugu ikusgai gibelean, aitzinean Otsabio bera izango baitugu ikuspegia eragotziko diguna. Bada, Otsabio mendiaren gailurrera heldu baino lehen, zenbait bidegurutze «nahasgarri» ere; haatik, bide nagusia nahiko nabarmena da uneoro, eta gure mendigoizale senari jarraiki, gorantz egingo dugu zalantzak uxatuz, Otsabioko gurutzera heldu arte (802 m). Zuhaixkek mugatuko dute Otsabio gailurretik dugun ikuspegia, baina Txindoki, Balerdi eta Amezketako Malloa izenez ezaguturiko Aralar mendimultzoko eremuaren ikuspegi ez hain ezagun eta zoragarriaz gozatu ahal izango dugu, landarediak aske utziriko zirrikituetan begiratuz.

Lapamendi, puntu garaiena

Jarraian datorkigunaren aurrerapen txiki bat izan dira Otsabioko igoerako azken metro harritsuak; eguneko puntu garaiena (Laparmendi, 812 m) igo eta Añiko basora heldu bitartean, harritsu xamarra bilakatuko da tupustean bidea, biderik dagoen lekuetan, bederen. Bide nabarmenik gabe aurrera egitea tokatzen denean, altuera ez galtzea hartuko dugu irizpide baleko eta bakar. Eremua hezea balego, kontu handiz eman beharko genuke pauso bakoitza, orkatila bihurritzeko arriskua baitu harri punta zorrotz hauen gainean erdi saltoka ibiltzeak. Gailurreria kontu handiz jarraitzea da, beraz, Laparmendiko gurutzera heldu eta berau jaitsi bitartean ezinbestean egin beharko duguna. Laparmendiko gailur soilak, Otsabiok ez bezala, ikuspegi ederra eskainiko digu: Aralar, Aizkorri, Gorbea, Anboto, Izazpi, Murumendi edo Ernio dira begien aurrean izango ditugun mendi esanguratsuenetako batzuk. Jomuga dugun Balerdi mendiaren magala geroz eta gertuago somatzeak poztuta, ikuspegi paregabeaz gozatuz, mokadutxo batekin xahuturiko indarrak berrituko ditugu. Eremu harritsuaren azkeneko zatia amaitzeko gogoz, Zarateko leporako jaitsierari ekingo diogu.

Zarateko lepora

Bidea eroso izango zaigu, uneoro gailurreriatik aldendu gabe, Laparmendi atzean uzten goazen heinean. Ehiza postuz josiriko baso eder eta bakartietan -ehiza garaian salbu, noski- zehar ibiltzeak, hausnarketarako tartea eskainiko digu, ordekan edo maldan behera goazela. Illarrazutik datozen -gure ezkerrera daukagun Araxes ibaiak zeharkatzen duen haranetik, Kaxiano soinujole handiaren Lizartza herritik gertu- eta une jakin batean gure ibilbidearekin bat egingo duten Gipuzkoako Bira (GR-121) ibilbideko margo-ikur zuri-gorriak jarraituz osatuko dugu Zarateko leporainoko jaitsieraren zati handi bat. Zarateko lepoko (475 m) bidegurutzera heltzerako, 13 km inguruko ibilbidea osatuko dugu.

Aukera ezberdinak eskainiko dizkigu Zarateko lepoko igarobide estrategikoak; Nafarroako Azkarate herrirako jaitsiera azkarra abiatzen da ezkerrera (2 km), eta Gipuzkoako Bedaio herrira jaisteko aukera izango dugu eskuineko bidea hautatuz gero (3 km). Gure bideak, berriz, aurrera egingo du, Balerdi handiaren anaia txikia den Urreako Haitza mendi koxkorra ezkerretik saihestuz Urdilleko lepora eramango gaituelarik.

Urreako Haitza saihestuz Urdillera

Urdilleko leporako igoerak estu hartuko gaitu aspaldiko partez. Urdilleko leporainoko hau, ordea, eguneko azkeneko igoeretako bat dela pentsatu behar dugu, Balerdi handiaren behatoki paregabea den belar goxozko lepo eder honetara izerdia isuriz inguratzen goazen neurrian. Merezitako atsedena hartuko dugu Urdilleko lepoan, Balerdiren benetako magalean (715 m). Jauzi batean, Urreako Haitza (785 m) mendixka igo genezake, 70 metroko igoeratxo laburrean. Zinez merezi du azken ahalegintxoak, zeharkatu berri dugun Otsabio-Laparmendi mendi multzoaren ikuspegi panoramikoa eskainiko baitigu, Balerdiren itzalean egoteak are apalago bilakatzen duen gailur apal baina jator honek. Kontuan hartu behar da, baita ere, joan-etorri labur hau osatzeko ez dugula denbora gehiegi beharko.

Sasoi betean dauden mendizaleek, Balerdi igoaz luzatu dezakete eguneko ibilaldia, Urdilletik Astunaldeko leporainoko igoera gogorrari aurre egin, Balerdiko gailurrera heldu, Buruntzuzineko txaboletara jaitsi eta hemendik Amezketa herrira inguratuz.

Amezketara jaitsiera

Gure kasuan, Balerdi eskuinetik inguratzen duten GR-20 (Aralarko Bira, Azkaratetik datorren bidea) eta GR-121eko margo-ikur zuri-gorriei jarraituko diegu Larrondoko zelaietan Amezketarako bidea hartzeko ordua heldu arte.

Margo-ikur zuri-gorriei jarraiki osatuko dugu ibilaldiaren azken zatia; Balerdi mendia inguratzeari ekingo diogu bide lau bezain ederretik, Amezketa herria geroz eta gertuago ikusteko aukera izango dugularik.

Alegitik abiatu garenetik 18 kilometro ibili ondoren, bidegurutze garrantzitsu eta egoki adierazitako batera helduko gara, Larrondoko larreetatik gertu, zeinetan GR-121 (Gipuzkoako Bira) eta GR-20 (Aralarko Bira) banatzen diren. Lehenak, Aralarreko goi larreetarako bidea hartzen du, Buruntzuzineko txaboletara, eta bigarrenak, beherantz egingo du, 3 kilometro eskaseko jaitsiera azkarrean Amezketara heltzeko. Azken hau aukeratuko dugu gure ibilbidea osatzeko.

Luze baino lehen, bidexka baso-pista batekin elkartuko da eta eroso osatuko ditugu azken kilometroak. Amezketako herrigunera iritsi aurretik, San Martin ermitatik igaroko gara, eta azken metroak osatu ondoren, San Bartolome elizarekin topo egiteak Amezketara heldu garela adieraziko digu (200 m).

Ibilaldia leku berean hasi eta bukatu ez dugunez, nolabait Alegiara heltzeko modua egin beharko dugu; Tolosatik Alegia, Amezketa, Abaltzisketa eta Larraitzera doan autobusa hartu beste aukerarik ez dugu izango kotxera itzultzeko. Edo, gomendagarriagoa dena: etxetik Alegiara eta Alegiatik etxerakoa garraio publikoz egitea. Irudimena lagun, zeharkaldi ederrak osatu daitezke euskal geografian barrena autoa etxetik mugitu gabe…

Textua: Gorka Azkarate.

Glaziarrak urtutzen.

balerditik — Fri, 16 Mar 2007 17:56:58 +0000

Eguraldia aldatzen ari dela begi-bistakoa da, sahatsa aspaldin loretan dago, baño ikusi bi argazki hauek, lehenengo argazkia 1941koa eta bestea gaur egungoa, biak toki berberrean.
Ikusi nola glaziarrak urtutzen ari diren.

Euskal herri tropikala ezagutuko ote dugu ba!

Iturria: http://nsidc.org/data/glacier_photo/special_collection.html

Ingelesez dago. 14 glaziarrek azkeneko 120 urte hauetan izan dituzten aldaketak aztertzen dituzte.

Arto transgenikoa

balerditik — Tue, 13 Mar 2007 22:10:09 +0000

Gaur zabaldutako albistea da, ikerketa baten arabera, ganadu eta giza-kontsumorako erabiltzen den arto transgeniko batek arazoak sortzen ditu gibelean eta giltxurdinetan. Arto hau MON863 bezela ezagutzen da, beraz baztertu hau eta transgenikoak diren guztiak.

Europar Komisioak pentsutan erabiltzeko baimena eman zuen 2005eko abuztuan eta 2006ko urtarrilean giza-kontsumorako baimendu zuen.

Informazio gehiago nahi baduzu, sakatu argazkian, informazioa erdaraz dago.

Bedaioko mugarriak

balerditik — Wed, 24 Jan 2007 21:39:26 +0000

Argazki honen bidez Bedaioko mugarriak non dauden jakingo dugu, eta bakoitzaren deitura. Enirio-Aralarko mugan 28 mugarri daude, eta ez ditut denak mapan ipini, mugarri asko berdin izendatuta agertzen dira foru Aldundiko artxiboetan. Izenak bertan agertzen diren bezela jarri ditut.

Mendi irteera deialdia

balerditik — Sun, 21 Jan 2007 07:59:19 +0000

Heldu den igandean, Urtarrilak 28, Alegiko Tontokaletik, goizeko 9tan, mendi irteera baterako deialdia egin du Alegiako mendi asanbladak.

Irteera Alegitik izango da ta, Arterreka, Aristizabal, Iruña ta Jazku goikotik ibili ondoren Eskoletxen izango du bukaera, bertan autobusa izango da Alegira bueltatzeko. Beraz, badakizue paraje ederrez gozatzeko aukera hau ez galdu.

Bedaioko mugak

balerditik — Tue, 16 Jan 2007 22:03:05 +0000

Post honen bidez, Bedaioko mugak zein diren ezagutarazi nahi dut, aurrerago mugarriak kokatzen jaongo naiz. Kolore ezberdinez bereiztu ditu herri desberdinak:

Morea:Alegia

Laranja: Altzo

Horia: Lizartza

Larrosa: Gaztelu

Urdiñe: Azkarate

Urdiñe/Gorria-ren artean (Artubigañe): Enirio-Aralar

Beltza: Ugarte

Gorria: Amezketa

Balerdira txangoa

balerditik — Wed, 10 Jan 2007 22:30:54 +0000

Jarraian azaltzen den ibilbidea, Amezketatik abiatuta Artubi eta Balerdiko tontorretara iristen da. Igo beharreko altuera handia denez ibilaldi gogor xamarra da. Eta Balerdiko gandor zorrotza zeharkatzeak xarma berezia ematen dio.

AMEZKETA (205 m.)

Ibilaldia Amezketako elizatik hasiko dugu, honen eskuinaldetik hilerrirantz, eta han errepidea utzi eta hilerriaren ezkerretik gorantz doan bidezidorra hartuko dugu. Laster errepidearekin egingo dugu topo. Errepidea gurutzatu eta beste bidezidor batetatik jarraituko dugu, bertan behera utzitako baserri txiki batera iritsi arte. Espila Saletxe du izena eta Fernando Amezketarra bertsolari ezaguna jaio zen bertan. Baserrira iristen den errepidetik gora egingo dugu tarte labur batez, ezkerretara bidezidor bat ikusi arte.

Bidezidor hau jarraituz, errepidearekin egingo dugu topo berriz ere. Metro gutxi batzuk errepidetik egin eta ezkerraldetik abiatzen den bidezidorra hartuko dugu, hasieran zelai baten ertzetik, nolanahi ere beti zuhaitz artean, eta gero basoan zehar, errepide batetara irten arte. Oraingoan errepidetik jarraituko dugu bihurgune itxi batetara iritsi arte.

Bihurgune honetatik gertu Arritzaga erreka pasatzen da. Errepidea utzi, egurrezko zubi batetatik erreka gurutzatu eta erreka jarraituz gorantz egiten duen bidezidor batetatik jarraituko dugu. Amezketatik honaino aldapan gora etorri gara eten gabe, baina lasai xamar. Hemendik aurrera aldapa gehixeago izango dugu. Bide honek, Arritzaga bailaran gora Igaratzaraino eraman gaitzake, baina guk Buruntzuzineko mehatzetaraino bakarrik jarraituko dugu.

Hasieran baso artean joango gara. Txabola baten ondotik pasatuko gara. Ondoren basotik irten, eta errekako zenbait ur-jauzi eta putzu ikusiko ditugu. Zertxobait gorago, aipatutako Buruntzuzineko mehatzetara iritsiko gara.

BURUNTZUZIN

Duela zenbait urte mehatze ustiapenak egon ziren inguru honetan. Gaur egun eraikin batzuen hondakinak, eta materiala garraiatzeko erabiltzen zuten polea eta kable bidezko sistemaren hondarrak ikus daitezke, mehatzen ahoez gain.

Zeharka gora egiten duen bidetik jarraituko dugu, beste bide bati elkartu arte. GR 121 (Gipuzkoako bira) ibilbidearen marka zuri-gorriak ikusi ditzakegu bide honetan. Gorantz egin eta Buruntzuzineko artzain-txabolak dauden sakonune txikian sartuko gara (850 m.; 1h15’).

Ipar-ekialderantz joko dugu, Artubi eta Uakorri arteko bailara aldapatsuan gora, atsedenik gabe, Astunaldeko lepora iritsi arte.

ASTUNALDEKO LEPOA (1220 m.; 1h40’)

Ibilaldiko zatirik gogorrena gainditu dugu. Artubiko tontorra gertu-gertu dugu, iparraldean (1262 m.; 1h45’).

Artubitik Balerdira joateko, bi tontorren arteko gandor zorrotza zeharkatzea baino ez zaigu falta. Horretarako, ekialderantz jaisten hasiko gara. Hasieran gandorra nahiko zabala da, baina laster estutu egiten da, eta derrigorrean bere puntatik joan beharko dugu. Kontu handiarekin ibili behar dugu tarte honetan, zaila ezten arren ezker-eskuin dagoen altuerak pausu bakoitza arretaz ematea eskatuko digute.

BALERDI (1195 m.; 2h)

Artubitik Balerdira ia dena aldapan behera da. Bukaeran bakarrik igo behar da, baina metro batzuk baino ez, Balerdiko tontorreko gurutze eta buzoiak harrapatzeko.

Aipatu behar, nola ez, Artubi eta Balerdi arteko gandorrak arreta handia eskatzen duela, eta bustita baldin badago arriskutsua izan daitekeela.

Irudia: Euskal-herria.org

Txangoa

balerditik — Sat, 23 Dec 2006 17:02:35 +0000

Bedaio Goikotik (1) atera eta errepidean zehar jaitsiko gara Gurbila-Haundiko bidegurutzera (2) iristeko. Baserri horretatik bide zahar bati ekingo diogu Zarate (3) muinora igotzen den bidea hartzeko. Nafarroako Azkarate herrira doan bidea hartu eta laster utziko dugu pagadi baten gora igotzeko Urdile muinorako bidea.
Urraitz mendigainaren azpitik jarraitu eta muinora iritsiko gara, Urdille lepoan gaude (4), metro batzuk igo eta Balerdiren magaletik Amezketara eramango gaituen bidearen seinalea ikusiko dugu. Berehala pagadi bat zeharkatu eta hortik behera berriro Bedaiora jaitsi ahalko gara. Guztira 7,7 km inguru egin ditugu.