balerditik

Blog sarreren etenaldi iraunkorra

balerditik — Tue, 21 Dec 2010 13:44:24 +0000

Duela lau urte, gaurko egunez idatzitako post honekin jarri nuen martxan Balerditik bloga. Egie esan ez nekien non sartzen nintzen, ez nekien blog bat zer zen, eta hare gutxiago nola kudeatzen zen. Lau urteren bueltan ikaragarri ikasi dudala esan beharra dauket, baino “ikasketa” mota hau ez da inoiz bukatzen…
Ez det laburpenik egingo, dena hemen dezue. Blog hau jaio zen helburutako zati haundi batekin bete dudala iruditzen zait. Informazioa bilatu eta biltzea zen asmo horietako bat. Bilatu eta biltzeaz gain, sortu ere egin degu, beraz gustoa egoteko arrazoiak ditugula iruditzen zait.
Lehengo larunbatean BAP! taldearen “Atzera Begira” kantaren bertsio egin genuen, baino orain, aurrera begiratzeko momentua da, erronka eta proiektu berriak. Ilusio eta ametsak.
Blog sarreren etenaldi iraunkor baten aurrean gaude beraz, seguru nago nonbaitean ikusiko dugula elkar, bitartean…
Ondo bizi!

PD. Eskerrikasko bidai honetan bidelagun izan zareten guztioi, bihotzez, Tx4rLi.

Giza sareak

balerditik — Thu, 16 Dec 2010 17:09:40 +0000

Definizioz, giza sarea, “grafo bat edo gehiagoren bidez irudikatu daitekeen gizarte egitura da. Grafoaren nodoetan indibiduak jartzen dira eta ertzetan beraien arteko erlazioa. Erlazio horiek adiskidetasuna, sexu harremanak, finantza-harremanak, eta beste hainbeste modukoak izan daitezke… “ (eu.wikipedia)
Askotan, teknologia berriei lotutako kontzeptu bat dela iruditu zait, internet giza sareak sortu, kudeatu eta komunikazioa errazteko erraminta egokia da/ditu… baño ba dago bizia internetetik at, eta giza sareak ere sortzen dira.
Horren adibide garbia, Manillares Iturriaga musika taldea da. Duela 6 hilabete, hiru lagunek jarri zuten martxan, Julen Goikoetxea eta Manex Elola, alegitarrak, eta Unai Iraola bedaiotarrak hain zuen.

Eta hiru lagunen proiektua hazten joan da, ahoz aho, auzoz auzo, herriz herri, … horrela larunbat honetan, abenduak 18, gaueko 11etan Alegiko Gaztetxean 26 lagun izango gara oholtza gainean. Instrumentu berriak, estilo berriak, aurpegi berriak, musika eta herria, herria eta musikaren inguruan sortutako sare soziala da Manillares Iturriaga.
Badakigu’ta kantatzen duen herria ez dela inoiz hilko.
Bibak zuek!

(Eskerrikasko Manex, Julen eta Unai, plazer haundia izan da zuek ezagutu eta musikaz disfrutatzea elkarrekin, badezue meritue gu aguantatzen )

Laboa eta Lete

balerditik — Sun, 05 Dec 2010 11:35:16 +0000

Bi haundi joan zaizkigu, bi urteren bueltan. Bi maixu, haundi. Laboa duela bi urte eta atzo Xabier Lete.
Biak izan ditugu gogoan etxean, familian kantari, igande goiz hotz eta euritsu honetan, Xabierren hitzak, Mikelek musikatutako “Izarren hautsa” kantarekin.
Gugan bego Xabier!

…Gu sortu ginen enbor beretik sortuko dira besteak,
burruka hortan iraungo duten zuhaitz-ardaska gazteak…

Abaetxe, taberna jatetxea.

balerditik — Tue, 30 Nov 2010 16:27:59 +0000

Irailean zabaldu zituen bere ateak Abaetxe Jatetxeak, Gurdillaundiko Jaokin eta Izaskun Jauregi anai-arrebak dira arduradunak. Dagoeneko 2 hilabete pasa dira zabaldu zuenetik, eta beraiekin elkartu gera ea nola dijoakien jakiteko.

Kontatu digutenez, ia 2 urte pasatu dira anai-arrebak tabernaren ardura hartzeko prest zeudela esan zutenetik, baino irailean, herriko festetan zabaldu zituen ateak Abaetxe Jatetxeak. Harrera ezin hobeagoa izan duela aitortu digute, asteburuan bakarrik dago irikita, eta orain arte, egunero beteta. Beraz, aldez aurretik mahaia erreserbatzea ezinbestekoa da, bertaratu eta sorpresarik ez izateko.

Baina zer eskeintzen du Abaetxe-Jatetxeak?
Batipat, bertako jeneroa. Tokian tokiko eta garaian garaikoa eskeintzen degu. Orain udazkenean, babarrunak, aza eta odolkiekin, eta baserriko oilaskoa; mondujuak eta ardi gisatua. Eta harrera oso ona izan duten, Bakailoa saltsa berden kokotxakin, eta Txuleta Zaharrarena. Karta ere badegu.

…ta postreak?
Postreak ahal dan neurrian guk egindakoak eskeintzen ditugu, “petit suisssak”, sagar tartak, mamia eta horrelakoak etxean egiten ditugu, gazta guk egin ez baino Bedaiokoa da!
Gaztain erreak eskeini genituen aurreko asteburuan…

Kartatik aparte jatekorik bai?
Bai, bai, eguardietan egie da kartarekin edota aldez aurretik egindako eskaerekin ari garela lanean, baino iluntzeetan plater konbinatuak jateko aukera dago. Plater konbinatuak ere kalitatezko jeneroarekin osatzen ditugu, xolumo, hirugiarrea, etab. ere kalitate onekoak izaten dira.

Beraz, gustora ari zarete lanean?
Hasi berrik gera oraindik, baino orain arte gustora, jende asko dabil eta gustora.

Etorkizunari begira?
Logelak alokatu, bizikletak ere, … ikusiko degu.

Zuekin harremanetan jartzeko?
Ba, deitu lasai zenbaki honetara: 630114215 edo 943650234

Beraz, ez dago aitzakiarik, Bedaiora inguratzen den edozeinek trago, pintxo, kafe edota bazkari edo afari eder bat egiteko aukera du eta.

Nagusietxe edo Abaetxe bezela ezagutu degun eraikina, Jauntxo eta Abadeen bizileku izandakoa, orain Herriarena, bi Bedaiotarrek kudeatuta.

Zorte on pareja!

Pottoka, musikaria berriro errepidean

balerditik — Wed, 17 Nov 2010 11:37:02 +0000

“Kalifornia aldean lau mille ardikin” aspaldian “ibilia” Pottoka, Pantxo Etxebere, berriro ere errepidean degu. Baztango Amaiur herriko musikari-artzaia berriro entzuteko aukera degu, nik azkena Alegiko Gaztetxean ikusi nuen, “Balerdi-Balerdi” taldearekin batera… pentsa noizko kontuak…
Andoni Tolosak, “Morau” eo “Talo” bezela ere ezaguna , Hernanin La Bodega tabernan emandako kontzertuaren bideoa eskegi du ta nik hona ekarri. “Ameriketara joan ginen paradisuen bile, ta eguzki bero bar bertzerik ez ginuen aurkitu…”

Agur eta ohore Martin.

balerditik — Tue, 05 Oct 2010 10:50:15 +0000

Gar goizean jakin det, ta kasualitatez edo, atzo berarekin gogoratu nintzen. Izan ere tarteka galdetzen zidan ea noiz atera behar genuen liburua… Bedaioko historiaren liburua.
Gizon hizlaria, hizlari ona, memori haundikoa, alaia, oso alaia, karriken hazitakoa, Eletxe baserrian.
Martin Balerdi, Bedaioko historiaren liburua bera, dagoen tokian dagoela, bere kontu, ixtori eta pasarteak atsegin haundiz entzuten jarraituko degu.

Bedaioko 3. zaldi raid-a

balerditik — Fri, 24 Sep 2010 10:07:46 +0000

Asteburu honetan ospatuko da Bedaioko zaldi raid-a, irailak 26 igandea, goizeko 9:30 eta 10:00 bitartean, beraz, albaitari kontrola pasatu ahal izateko ordu erdi bat lehenago egotea izango litzateke egokiena, 9:00ak aldera, alegia.

Zaldi lasterketa hau ez du federazioak antolatzen, baina baldintza minimo batzuk eskatzen dituzte antolatzaileek, hala nola zaldunak kaskoa eraman dezala, zaldiaren identifikazio liburua izatea (diputazioko liburu berdea), txertaketak eguneratuta edukitzea eta nola ez zaldia osasuntsu egotea.

Lasterketaren ondoren, bazkari herrikoia egingo da, hori dela eta, lasterketa baino egun batzuk lehenago deitzea eskatzen dute antolatzaileek, bazkarira gelditu nahi dutenak izena emateko eta zenbat lagun etorriko diren jakiteko. Horretarako, raid-a baino 2 egun lehenago telefono zenbaki honetara deitzea gomendatzen dute: 943650234
Bazkariaren prezioa: 20€

Izen ematea: raid@bedaio.com

Datuak:
* Kilometroak denera: 30.4
* Bi fase. Fase bakoitzak: 15.2 Km
* Ura: karteletan adieraziko da.
* Seinaleak: zintak
* Gehienezko abiadura: 12 Km/h
* Gutxienezko abiadura: 6 Km/h
* Errekuperatzeko denbora: 30 minutu
* Atsedena: 30 minutu
* Gehienezko bihotz taupadak: 56 ppm
* Kanporatzeko arrazoiak:

* Zaldia herren egotea
* Gehienezko edo / eta gutxienezko denbora ez errespetatzea
* 56 taupada baino gehiago izatea 30 minutu ondoren
* Azkeneko helmuga zaldi gainean ez pasatzea

* Erreinspekzioa: helmugatik vet-gatera sartzeko momentuan 20-30 minutu behar duen edozein zaldik, derrigorrez pasa beharko du erreinspekzioa berriro lasterketara bueltatu baino 10 minutu lehenago, zela eta burukorik gabe
* Perratzailea: Aitor 610633893

Info gehiago hemen.

21. Bedaioko bizikleta igoera

balerditik — Thu, 09 Sep 2010 08:05:05 +0000

Igande honetan, irailak 12, eguerdiko 13:00etan ospatuko da Bedaioko 21. igoera. Ugartetik Bedaiorako igoeran, iaz, Angel Mari Acedok errekor berria ezarri zuen, 14 minutu eta 41 segundutan.
Federatu gabekoentzat da, eta partehartzaile guztientzat zeozer izaten da.

Bedaioko festak 2010

balerditik — Thu, 02 Sep 2010 18:05:37 +0000

Aurten ere hemen dira herriko festak, irailak 8 eta 10, 11 eta 12 bitartean.
Ikusi egitaraua.

EGITARAUA:

* Irailak 8, asteazkena:

o Suziriak eta Kanpaiak.

o 12:00etan: Nagusietxe jatetxe tabernaren irekiera. Mañukorta eta Zeberio bertsolariak eta Laja eta Landakanda arituko dira soinua jotzen.

o 14:00etan: Jubilatuen omenez bazkaria, ondoren bertsolari eta trikitilariak arituko direlarik.

o 17:00etan: Pilota partidua, Bedaioko eta Alegiko pilotari gazteen artean.

o 19:00etan: Toka txapalketa.

o 21:00etan: Afari herrikoia.

* Irailak 10, ostirala:

o 20:00etan: Zahagi Ardoa, elkartearen eskutik.

o 23:00etan: Elustondo anai arrebekin erromeria.

o Goizaldera: Eta indarrak hartzeko, baratxuri zopa eta txokolatea.

* Irailak 11, larunbata:

o 14:00etan: Ume jolasak, jokoak, buruhandiak eta txokolatada.

o Ondoren: Ipuin kontalaria.

o 21:00etan: Herri afaria.

o 23:00etan: Erromeria, Ansorregi eta Larrañaga eta Izer eta Alabier trikitilariekin.

o Goizaldera: Baratxuri zopa eta txokolatea banatuko dira.

* Irailak 12, igandea:

o Eguardian: Hamaiketakoa.

o 13:00etan: 21. Bedaioko txirrindulari igoera.

o 16:00etan: Herri kirol jaialdia.

+ Harria jasotzen: Aimar Irigoien.
+ Aizkoran: Larretxea eta Nazabal.

o Ondoren: Bedaiotarren eskutik INGURUTXOA dantza.

o Tartean: Xanti eta Katxo trikitilariak.

o 21:00etan: Afaria, Mondejuak eta ardi gisatua.

o 24:00etan: Suziria botako dute, Bedaioko festei amaiera emateko.

Udalbiltza aske!

balerditik — Wed, 14 Jul 2010 08:37:29 +0000

Bihar, Uztailak 15, 2003. urteko Udal eta Foru Hauteskundeetarako Hautes Plataformen sorreran parte hartu izanaren eta, bereziki, Euskal Herriko Udal eta Hautetsien Biltzarra den UDALBILTZAren garapena sustatu izanaren akusaziopean, 22 euskal herritarren aurkako epaiketa hasiko da Madrilen.
Tartean, Maribi amorotoarra, gure laguna. Berari eta etxekoei eskeñita bideo xume hau.
Biharko kontzertue zuentzat, Apa Maribi!
Elkartasun besarkada eta muxu haundi bat etxekoen partetik, eutsi goiei!

Telebista eredu berriak (2)

balerditik — Mon, 28 Jun 2010 11:51:27 +0000

Bihar, ekainak 29, #grebaorokorra egiteko deialdia luzatu dute hainbat sindikatuk.
Grebaren jarraipen berezia egingo dute hainbat hacktibistak, eta sarean jarraitu ahal izango degu.
Telebista-gizarte eredu berrien adibide bat gehio!
Sentitu, pentsatu eta ekin!

Bedaioko 4. Mendi martxa ekainaren 20ean

balerditik — Thu, 10 Jun 2010 06:45:40 +0000

Aurtengo edizioan berrikuntza bat gehitu dute Bedaiotarrek. Mendi martxa eta BTT hutsez aparte, nahi duenak biak baturik mendi duatloia egiteko aukera izango du. Honela Duatloia egiteko asmoa azaltzen dutenek (8:30etan bizikletaz abiatuko dira, lehenengo kontrol gunean bizikleta utzi eta igoera bertikalari ekingo diote Artubi mendira, jetsiera azkarra egin ondoren, bizikleta berriro hartu eta markaturiko bidea burutu beharko dute.

Aurreko urteetan bezala goizeko 7:30etan abiatuko dira Bedaioko Frontoitik 6 -7 ordu bitarteko martxa hau burutzeko. Mendi martxa honek oso bide desberdinak jorratzen ditu. Frontoitik (389m) abiaturik segituan Aralar Parkean sartzen gara, Amezketa aldera jotzen dute mendizaleek eta Larrondo (720m) aldera abiatu, handik Tolosako mendirik gailurrena den Artubi (1244m)mendira igoaz. Mallo Zaharra (Balerdi) ondoan izanik.
Artubitik behera eginez gero esan daiteke mendi martxaren zatirik fuertena pasa dugula baina oraindik bada zer ikusi eta disfrutau noski.
Urdilleko lepora (717m)jeitsiko gara Larrrondtik bueltan berriro. Urdilleko lepoa Gipuzkoa eta Nafarroa muga dugu eta Azkarate herrira jeitsiko gara (449m).
Hemen bigarren zati batean sartuko gara mendia alde batera utzirik pagadi sakonetan sartuz, eta zuhaitzek utzitako argiuneak aprobetxatuz igotako Artubi mendiaren beste ikuspegi bat izango delarik.

Txirrindulariek ibilbide paretsutik joaten dira, noski ezin dute Artubi mendira bizikletan igo. Aurten agian izango da norbait , bizikletan ez, korrika edo oinez igoko denik, nahi duenak Mendi Duathloia egin dezake, hau da, lehenik bizkletan hasi, Larrondotik Artubira eta buelta oinez edo korrika egin eta ondoren bizikleta harturik gainontzeko bidea burutu. Lehenengo urtea izanik ez dago denbora markarik baina antolatzaileek diotenez zaila izango dute 3 ordutik jeistea.

Azken edizioan txirrindularien bidea murrizturik suertatu bazen ere, aurten luzeagoa izango da. .

Bedaio ezagutzeko asmotan antolatu zuten Mendi eta BTT martxa hau, iraileko zaldi raidarekin batera inguruaz ikasi eta gozatzeko modu desberdinak daudela erakutsiaz.
Bedaioko Mendi martxa honetan hainbat laguntzaile hartzen dute parte, dirurik ez baina mota desberdinetako materialak biltzen saiatzen dira gero denen artean zozketa egiteko asmoz. Agian goiz pasa polit bat egin ondoren mendiko bota, bizikleta maillota edo Bedaio bertako gazta batekin etxera bueltatzeko aukera izango da.

Izen ematea egunean bertan egin badaiteke ere komeni da aurretik egitea, zenbait bide dago izena emateko. Internetez hemen. E-postaz mendimartxa[abildua]bedaio.com edo 620199166 telefonoan.

Izen ematea 10euro (goizeko kafea, bukaerako pintxoak eta zozketa barne).

Mendizaleen irteera goizeko 7:30etan Bedaioko frontoitik eta txirrindularia eta duatloian parte hartu beharrekoak goizeko 8:30etan irtengo dira.

Artubi Kultur elkartekoek Mendi egun honetan parte hartzera gonbidatzen zaituztegu eta animo natura eta kirola atsegin duzuen guztiei!!!!.

Blogs&Beers-a Alegin

balerditik — Wed, 09 Jun 2010 08:12:18 +0000

Ostiral honetan, Alegin, 3. urtez jarraian, Blogs&beers-a ospatuko da. Blogak, zerberzak, hizpide. Blogaria, blog irakurlea izan edo tekonologia berriak edota zerbezak gustoko badituzu, azaldu!

Hitzordua: Ekainak 11, ostirala.
Lekua: Tontokalen (Alegi)
Ordua: 7.30etan
Apuntatzeko azken eguna, osteguna 10, atsaldeko 8etan…

euskaltube.com bideoak | Izenburua: Txintxarrisferako 3. blogs&beers-a | Erabiltzailea: bedaio3000

“Paskualtxo”ri omenaldia

balerditik — Mon, 31 May 2010 08:00:44 +0000

Igande honetan, Ekainak 6, Zizurkilgo Aundinibar baserriko belardian egingo diote omenaldia.
Jose Mari Zulaika, Paskualtxo, Zarautzen jaio bazen ere, Bedaioko Eletxeko Pakita Balerdirekin ezkondu eta Bedaiora etorri zen bizitzera.
Herri kirolen munduan 50 urtetik gora eman ditu lanean, lotura estua du herri kirolekin. Lehenik kirolarik bezela: harri-jasotzaile, segalari, idi-apostutan, etab, eta gero maisu bezala, tartean, Erasun-en laguntzaile bezela aritua da Paskualtxo.
Omenaldian ordea, herri kirolez gain, musika ere izango da. Nola ez, trikitixa ere bertan izango da. Dantzarako afizio haundia dute Eletxen. Bertsoek ere tartea izango dute. Beraz, badakizue, ekainak 6 Zizurkilen, goizeko 11.30etatik aurrera:

Harrijasotzaileak.
Perurena aita -semeak, Saralegi, Goenatxo, Zelai, Izeta II, Ostolaza aita-semeak, Landarbide, Gibitegi eta Aimar Irigoien.

Aizkolariak.
Nazabal, Larretxea, Olasagasti, Arrospide, Lopez, Otaegi, Arria II, Arria V, Oihan Larretxea, Olano eta Mudertza II.

Segalariak.
Lizaso, Mendizabal, Urki, Erasun, Gabirondo eta Garin.

Korrikalariak.
Garin anaiak, Eneko Garin, Aimar Agirresarobe, Bixente Artola eta Iruntxinberri.

Trontzalariak.
Bi bikote: Aitor Esnaola eta Josune Gorostidi; eta Igor Esnaola eta .

Bertso eta trikitixarekin bazkaria, 14:00etan

Bertsolariak.
Jesus Mari Irazu eta Jokin Sorozabal.

Trikitilariak.
Epelde eta Iturbide, Astiazaran aita-alabak eta Tapia eta Leturia.

Semantikaren garrantzia

balerditik — Tue, 25 May 2010 08:41:31 +0000

Bi albiste, egunkari bat.

“…Orain dela urte asko, bi urteetan jarraian, egun berean, harri jasa handia egin zuen eta landare eta soroetan hondamendi handia izan zen. Horren ondorioz, Bedaioko auzoak erabaki zuen egun hori jai egitea…”ikusi

“Eguraldi lagun zutela, asteburu honetan Tolosadelko herrietan antolatutako ekintzak arrakastatsuak suertatu dira. Horien artean, Altzon, Bedaion, Berrobin eta Iruran izandakoak…”ikusi

Bi albiste hauen artean astebete baino gutxiago pasa bada ere, alde haundia dago bata irakurri ala bestea ezta?
Semantikaren garrantzia…

Bedaio Katmandu konexioa

balerditik — Fri, 21 May 2010 23:44:24 +0000

Asteburu kulturala allatu da, azken orduko aldaketa batzuekin.
Gaur, larunbata 22, arratsaldeko 6etatik aurrera Juantxo Agirre Mauleon izango degu hizlari, Aralar eta Bedaio izango ditu hizpide. Hasiera batean Asier Izagirre mendizalea bertan izango zela iragarrita bazegoen ere, azken expedizioa bukatu berri duela eta, oraindik Nepal-aldean aurkitzen da. Baino Asier berak Bedaion egon nahi duela adierazi digu eta horretarako dituen baliabide teknikoak probestuz, satelite bidez, elkarrizketa txiki bat egiteko aukera izango degu. Bedaio Katmandu konexioa.
Ondoren afarie izango degu elkartean, helduek 12 euro eta haurrak 5 euroren trukean.

Igandean berriz, goizeko 11:00-etan: Mendi ibilaldia irteera Artubi elkartetik. Bakoitzak eraman dezala bere jatekoa eta Azkaraten atsedenaldia eginez zerbait jateko aprobetxatuko da.

Arratsaldeko 16:00-etan: haurrentzako MUSIKA TRESNEN LANTEGIA (Sointek taldearen eskutik)

Sointek taldeak sortutako ikuskizuna da, haurrentzako musika hezkuntza arloko profesionalen lankidetza eta aholkularitzarekin. Musika – tresnen forma eta soinua erakusten zaie eta, hori guztia, jolasaren eta parte hartzearen bitartez, haurrek abestu eta dantzatzen dituzten abesti herrikoien laguntzaz.

Beraz, badakizue…

Udaberria, kulturaz beteta.

balerditik — Wed, 05 May 2010 15:48:57 +0000

Urte guztian zehar egoten dira ekintzak Bedaion, baino udaberriarekin batera iristen zaigu Asteburu Kulturala, iaz Ludotekaren aitzakian, “famosoak” izan genituen gurean. Aurten ere Asteburu Kulturala doterea dator.
Maiatzak 20, osteguna, Harri jaie egune ospatuko degu, eta asteburu horretan, larunbata maiatzak 22, Asier Izagirre mendizaleak eta Juantxo Agirre Mauleon, Aranzadi Zientzi Elkartearen kidearen eskutik, Aralar hobeto eta beste modu batean ezagutzen lagunduko digute.
Igandean berriz, mendi martxa herriko txikiekin.
Aukera politte!

GureGipuzkoa.net

balerditik — Wed, 31 Mar 2010 13:23:01 +0000

Atzo goizean korreo bat jaso nuen, pixka bat laburbilduz, bertan, Tolomendiren eskutik, GureGipuzkoan Bedaioko argazki zaharrak igotzeko gonbitea luzatzen zitzaigun. Horretarako, herritarrek argazkiak digitalizatu, zintzilikatu eta argazki horiek kudeatzeko ikastaro ttiki bat antolatzeko aukera ere aurreikusten da.
Duela bost urte hasi giñen argazki zaharrak bildu eta urtero urtero “Bedaioko egutegie” bezela ezagutzen den egutegia argitaratuz, eta Eguberri bezperan, kantari eta dohainik, herritarren artean banatuz. Orain argazki horiek, ala erabakitzen badegu, GureGipuzkoan partekatuko ditugu.
GureGipuzkoa, argazkiak partekatzeko dohaineko webgune bat da, Gipuzkoako Foru Aldundiak sortu eta bultzaturikoa, bertan topatu det argazki hau, 1960. urtean Eibarko mendizale talde batena, Balerdi mendiaren tontorrean ateratakoa.

GureGipuzkoa.net | Balerdi (Aralar). Taldea tontorrean © CC BY-SA: San Martin, Juan

Emakumeen afarie

balerditik — Wed, 24 Mar 2010 08:21:44 +0000

Larunbat honetan, martxoak 27, Bedaion, Emakumearen Nazioarteko Eguna gogoratuko dute, honekin 4. urtea izango da emakumeen afarie ospatzen dela.
Aurreko urteetan sorpresaren bat ere izan dute ta aurten ere izango ote da?
Artubi Elkartean izango da, 8 t’erdik inguruan.

Bedaiori buruz Euskadi Irratiko “A_Bildua” saioan

balerditik — Fri, 12 Mar 2010 08:40:28 +0000

Bihar larunbata, goizeko 9.30etatik aurrera, Xabier Unanuerekin arituko naiz hizketan.
Bedaio eta teknologia berrien inguruan. Teknologia berriek, horrelako herri ttiki batean, komunikaziorako, duten garrantziaz. Hauei esker, inongo injerentziarik gabe, nola, gu geuk gurea konta eta gure egin dezakegun. Gure erara, gure modura.
Bihar gehiago, Euskadi Irratiko “A_Bildua” saioan, 9.30etatik aurrera.

Talai dantzariak Bedaion

balerditik — Mon, 08 Mar 2010 08:51:33 +0000

Urtero bezela, aurten ere Bedaiora hurbildu dira Amezketako Talai dantzariak. Otsailaren 18n izan ziren eta Tolosaldeko eta Leitzaldeko Hitzakoak bertan izan ziren bideokamararekin, eta Euskaltubera igo dituzte irudiak. Eskerrikasko!

euskaltube.com bideoak | Izenburua: Talai Dantza | Erabiltzailea: Tolosaldeko eta Leitzaldeko Hitza

Txiri Tour 2010

balerditik — Thu, 04 Mar 2010 21:38:04 +0000

Sargardozaleen komando itinerantea prest dago, 4. urtez jarraian, Bedaio, Amezketa eta Alegiko sagardo probaketa ibiltaria egiteko. Martxoaren 6ean izango da. Aurten hiru sagardogile gehiago batu dira, bata Bedaioko Larrañetakoak eta bestea bi Alegiko Errotakoak.
Beraz, Bedaion 4, Amezketan 1 eta Alegin 7 kupel dastatzeko aukera izango dute gutxiñetik.
Apertitue ta egarrie ikitzeko… to iazko irudiak!

Argindarra sortzeko tramankuloa

balerditik — Mon, 01 Mar 2010 09:02:47 +0000

euskaltube.com bideoak | Izenburua: Argi indarra sortzeko tramankuloa | Erabiltzailea: bedaio3000
Lanbat atsaldeko 5.3oetatik, jai illuntzeko 8.30ak harte. Montxo Armendarizen filmean ez bezela, hemen, Bedaion 27 ordu egon gara asteburuan argirik gabe.
Ala ere, Eletxe baserrian, Josebak eta badute argindarra sortzeko tramankulo bat. Ez da generadore arrunta, traktoreari eransten zain generadore bat da. (220/330 V—-> 66/38 A)
Honi esker, larunbatean Elkartean barrikotea inongo arazorik gabe ospatu zen, Illorretako Karlosek igande goziean ardiak jetzi zituen, eta guk igande atsaldeko pelota partidua ikusteko aukera izan genuen.
Bitxia tramankulua, norberak energia kudeatu dezakela garbi erakusten duena, energia deszentralizatu eta bakoitzak berea sortuz, haize, ur edo kasu honetan bezela, gasoilarekin traktorearen bidez energia sortu eta hau etxeko sarean isuriz. (Konmutadore baten bidez, zein argi indarra nahi dezun aukeratzen dezu, sarekoa ala norberak sortutakoa).

Barrikotea

balerditik — Fri, 26 Feb 2010 08:30:09 +0000

Bihar larunbata, Otsailak 27, urtero legez, barrikotea izango degu Artubi Elkartean. Hau da 2010. urteko lehenengo ekitaldia. Agenda osatu ala, emango degu beraren berri, bitartean… ondo pasa!
TXXXXXOOOOOTXXXXX!!!!!!!

Teknologia berriak, internet, etxean, familian

balerditik — Wed, 24 Feb 2010 09:04:51 +0000

Izenburu honekin antolatu du Alegiako Udalak, informazio eta komunikazio teknologia berriei buruzko 2. hitzaldia. Lehengoa wifiak osaunean izan ditzakeen arriskuen inguruan izan zen.

Izenburuak garbi erakusten du hitzaldiaren nondik norakoak. Guraso, heldu, nerabe, gazte, agure, nahiz irakasleei zuzendua.

Hizlaria, Patxi Gaztelumendi informatzaile, kazetari eta blogaria (besteak beste) izango da.
Noiz: Martxoak 3, asteazkena, arratsaldeko 6etan da hitzordue.
Nun: Alegiako Kultur Etxean.

Iñauterik gañen die

balerditik — Wed, 10 Feb 2010 09:46:51 +0000

Kontuatu bare jun da ilbeltza ta iñauterik gañen ditteu. Aurten ere, astelen eguerdian (otsaillak 15) Amezketako txantxoak ibilliko dira herritik berain dantzekin txokoak alaitzen.

Argazkia dantzan.com

Santa Ageda bezperako eskebatzea sustrai andikoa zan. Illunabarrez,
gazte talde bat txistulari ta koplaria berekin auzoko baserri-etxeak zear or ibi-
lliko zan. 1931 arte iraun zuen Santageda eskeak, ta Juan Antonio Sarasola
erriko semea izan zuten azken txistulari, Migel Amondarain, beste bertako
musikariaren ondorengo, «Arrupe» baserrikoa. Egun ontako eske oitura gal-
tzeak, luzarorako ez baña Karnabaletako Igande, Astelen da astearteei ondo
etorri zitzaion. 1934-garrenean Bedaioko Iñauteriak amaitu ziran.
Aurrerago, 1950 aldean izan zuen piztualdi, laburra ordea bera, bada
andik lau urtera zearo itzali zen.
Bedaioko txantxo jantziak arpegi gorritan ibilli oi ziran. Abarka edo abar-
ketak zituzten oñetan koloretako zintadunak. Soñean alkandora ta praka
zuriak, iru puntako pañolo gorria lepoan, da gerrikoa ere gorria. Txapela bere-
bat gorria, borla ta zinta koloretakoz. Igande goizeko eskebatze ondoren baz-
karia erriko ostatuan da dantzaldia enparantzan. Astelen-Asteartetako
dantza-jardunetan ingurutxoa ta makil dantza etziran faltako.

Juan Garmendia Larrañaga. Iñauteria liburua. Eusko ikaskuntza.

Herriz herri

balerditik — Tue, 19 Jan 2010 10:46:11 +0000

Azkenaldian, normaltasunez ikus dezakegu hainbat aldizkari eta egunkarietan, eskualdeko herriei, nola “auzo” tituloa ematen dieten. Eta bitartean (ez det esan nahi gaizki dagoenik ojo!), Elx (Païssos Catalans) irakurri dezakegu. Urrutikoa aitortu eta bertakoa ikusi ez? Etxekolanak egiteko ditugu bai.
Hain zalla egiten zaigu gurea aitortzea, eskualdetik kanpo ikusitako kartel batek bultzatu nau hau idaztera. Goierriko merkatal zentru batean, eskualdeko hainbat herrien izenak ikus ditzazkegu (Kartela erderaz dago, bille aritu nintzen baño, ez nuen euskerazko bertsiorik topatu).
Hainbat arrazoi ezberdinengatik, egun, herri hauek Udalik ez izan arren, herri izaten jarraitzen duten. Edo kondizio erosi, saldu,… edo galtzen da?
Sarean herri hauen, izena, eskubideak, eta merezi duten tratamenduaren aldeko talde bat dago, ziur zuk ere horrelako kasuren bat ezagutzen dezula, batu taldera eta lagundu osatzen.

Bedaio Facebooken, Facebook Bedaion.

balerditik — Fri, 08 Jan 2010 13:36:37 +0000

Sare sozialek egundoko harrakasta izaten ari dira azken urte hauetan, indartsu dabilen bat Facebook degu. Ez dakit zein den arrazoia, baino funtzionatzen duela nabarmena da. Atzo gauean sortu nuen “Bedaiotarrak munduan, Bedaio mundura! (A village around the world)” taldea eta dagoeneko, 12 ordu besterik pasa diren arren, 17 kide ditu talde honek. Zuk ere parte har dezakezu talde honetan, inungo helburu zehatzik ez duen arren, bertan argazkiak, bideoak, iritziak, gogoetak etab partekatu ditzazkegu.
Beraz, animatzen bazera badakizu, etorri lasai, hemen gaude eta.

Teknologia berriak herri ttikietan

balerditik — Wed, 30 Dec 2009 21:23:13 +0000

Gar arratsaldean, Euskadi Irratiko, Mezulari saioan parte hartu degu, alde batetik Patxi Gaztelumendi, Larrabetzuko blog komuntiatearen gañean hizketan, eta bestetik neoni haritu naiz Bedaiori buruz.

Egie esan, nahiko motza geratu da elkarrizketa, aipatu gabe gelditu dira, wikian martxan jarritako auzolan digitalak adibidez. Bedaioko bideak, musikariak, Ahotsak.com-ekoekin elkarlana Bedaio kontu-kontari, Bedaioko mapa librea …

eta bai Jaime, Bedaiok Udalik ez izan arren Herri bat da!

Iñigo Balerdi, txintxarrisferako kidea, argi ibili eta saioa grabatu du, hemen dezue entzungai.

(Por zierto Bedaion Ordizin baño kobertura hobea ote dago)

Musulmanen garaiko aztarnak Bedaion

balerditik — Mon, 28 Dec 2009 09:17:53 +0000

Duela bi hilabete inguru, Aranzadi Elkartekoak, Jazku Goiko baserriaren inguruan, Musulmanen garaiko aztarnak izan litekeen aztarnategi batekin egin zuten topo. Orduan garbi ikusten ez bazuten ere, azken azterketek garbi utzi dute.
موسى بن موسى Musa ibn Musa-rena izan daitekeen eskuzko idatzi bat ere agertu bait da. Honek, IX. mendean Bedaio inguruan, musulmanen asentamendu bat egon litekeela pentsarazi diete Aranzadikoei, edota Musa ibn Musa eta bere sendiak, Jazku inguruan aldi batzuk igarotzeko tokia izatea.
Aranzadiko webgunean ikusi daitekeenez, inguruko mapa moduko idatzi bat ere azaldu da, eta honek, arabierak inguruko toponimian izan duen eragina erakutsiko luke.

ال ساارات (Al saarat) Al zaharat: egun Altzarte baserria.
ال بانو تيبي (Al banu tibi) Al banu tebi: Artubi mendia.
ال اِريدي (Al iridi) Al eredi—>B’al eredi: Balerdi mendia.
بيس ساارات (Bis saarat) Biz zaharat—>Bizkarate: Bizkate.
Al’zo (Altzo), Al egeria (Alegria), Al dabba (Aldaba), Ad messquita (Amezketa), ….

Orain, Banu Qasien boterea Iruñean frankoen aldeko alderdi batek ordezkatua zuenean eta bertoko nafar oligarka nagusiak garaituak izan zirenean, Eneko Aritza, eta Musa ibn Musa Iruña baserriaren inguruan egonaldiren bat egin ote zuten ari dira ikertzen Aranzadi Zientzia Elkartekoak, Iruñea izena, Eneko Aritzak zuen herri miña gainditzeko jarri ote zion?

Balerditik 3 urte!

balerditik — Mon, 21 Dec 2009 13:04:35 +0000

Iepaa ai!
Duela hiru urte idatzi nuen lehenengo post hura. Zeñek esan behar zidan neri blog honek, hiru urteren bueltan 180 post eta 176 iruzkin izango zituela, eta hare gehiago, bizirik egongo zela.
Ba hemen gaude, indartsu, gogotsu, ikasteko irrikaz. Bedaiok munduan bere tokia egiten ari delakoan nago. Gauz asko etorri dira blog honen ondotik, webgunea, wikia, giza sarea, Ahotsak.com-ekoekin elkarlana, Bedaioko mapa librea,… ta auskalo zer izango den hurrena.
Bueno ba autobonbo pixkat egin eta gero, bideotxo hau ekarri nahi det hona. Bedaioko lurrak landuz Bedaioko historia egin duten guztiei eskeñiz.
Urte berri On! Urte zahar Off!

Antzeko bideo gehiago Bedaio(e)n

Sustatuko geografia atala

balerditik — Mon, 14 Dec 2009 13:01:20 +0000

Twitterren bidez izan det honen berri, Sustaturen geografia atalean Bedaioko mapa librea erabili dute irudi gisa. Eskerrik asko @sustatu, @mkerejeta, @auggie_tolosa

Teknoflash: Internet eta teknologia munduko azken ordua

balerditik — Mon, 14 Dec 2009 11:20:52 +0000

Aurreko asteburuan ETBren Teknoflash atalean OpenStreetMap izan zuten hizpide, egindako eta datozen mapa-jaiak, erabiltzaileak eta abar. Herri eta hirien mapa libreen eskeintza gero eta haundiagoa da, eta azken nobedadeak, bideoan aipatzen ditu, Arrasate, Alegia, Altzo ta Bedaio .

Giza sarea

balerditik — Mon, 07 Dec 2009 10:11:38 +0000

Laster uretebete beteko da Bedaioko giza sarea martxan jarri genuenetik. Agian, ez du beste sare batzuek duten mugumendua, baino horrelako herri ttiki batek mundu globalizatuan bere espazioa bilatu du. Giza sareak, munduari eman eta mundutik hartu egiten du, eta horren adibide, bi kide hauek. Carlos Zubillaga (Florida EEBB)eta Carmen Salasamendi (Estocolmo-Suedia). Carlos-ek giza sarean zintzilikatutako argazki bat ekarri nahi det honera.

Copia del registro de San Bartolome, Amezketa, con el nombre del caserio y niños que fueron sujetos a la ceremonia de Confirmacion, alrededor de 1770. No puedo descifrar el nombre de este caserio; “Bedaio Licearmea”? Yo soy aficionado a la genealogia y tengo una gran cantidad de registros de los Zubillaga de Bedaio/Amezketa desde que comenzaron los registros sacramentales en 1540. Lamento mi debilidad para entender Euskera pero nuestra estancia en Argentina se llamaba Gure Kabia. Gracias por cualquier ayuda.
Carlos A Zubillaga

Bedaio Licearmea hori zer ote da? Bedaio barrenea agian?…Argituko al degu?

Errioxara irteera

balerditik — Fri, 27 Nov 2009 08:05:30 +0000

Bihar larunbata, hilak 28, urtero bezela Errioxara irteera antolatu du Artubi Elkarteak. Plana zein den ez dago zalle jakitea ezta?
Bueltakon ez galtzeko Bedaioko mapa hementxe dezue.

View Larger Map
Openstreetmaps-en egina dago, zuk ere osatu dezakezu, beraz, zeozer faltan ikusi ezkero, ez eduki beldurrik, mapa editatu, osatu.

Camara, acción!

balerditik — Wed, 18 Nov 2009 10:18:19 +0000

Iaz martxan jarritako Bedaio kontu-kontari proiektua aurrera doa. Lehengo igandean, Ahotsak.com-eko kidea den Miren Artetxe izan genuen Bedaion, eta 14 bat edadetuekin solasean egiteko aukera izan genuen. Giro ederrean, salda goxoarekin barrenak berotuta.

Honen antzeko argazki gehiago bilatu Bedaio(e)n
Aste honetan zehar banakako elkarrizketekin hasi da Miren, dagoeneko burutu ditu grabazio batzuk eta datorren astean gehiago egingo ditu.
Bildutako materiala editatu eta gero lan polit bat egiteko aukera edukiko degu eskuartean. Materiala pilatzen ari gara, argazki zaharrak, duela 25-30 urte grabaturiko bideo bat, Sarasola txistulariari egiñiko elkarrizketa bat,… ikusentzuneko polit bat egiteko moduan izango gara.
Bitartean ez galdu aukera ta ikusi grabazio hauek. Egin klik

Ahotsak, Artubi Elkartea eta Balerditik bloga elkarlanean

balerditik — Thu, 05 Nov 2009 14:36:51 +0000

Azaroaren 15ean, goizeko 11etan degu hitzordue. Nagusietxean hasiko ditugu grabaketak.
Uda aurretik jarri giñen harremanetan Ahotsak, Balerditik bloga eta Artubi Elkartea, eta uda pasa ondorenen gaia berriro eutsi eta dagoeneko lanean hasteko moduan gera. Larrañetako Maria eta Eletxeko Martiñen bideoekin hasitako lanari, orain kalitate eta profesionaltasun ikutu bat emango diogu, izan ere Ahotsak-eko lagunak hortan badute eskarmentu haundie, ikusi Ahaotsakekoek orainarte egindako lanen datuak: Herriak, 92; hizlariak: 1475; zintak: 1914; pasarteak: 14088; transkribatutakoak: 3322; audioak: 1589; bideoak: 2038. Zorionak eta eskerrikasko!

Bedaio Kontu Kontari, proiektu honen helburuak bi dira, batetik Bedaioko ahozko ondarea eta herri hizkerak bildu eta hedatzea; eta bestetik adiñekoen euskara eta bizipenak jaso eta herritarren artean zabaltzea. Beraz, badakizue, Bedaioko garai bateko kontuak jakin eta kontatzeko gogoa duen norbait ezagutu ezkero azaldu!

Creative Search

balerditik — Fri, 23 Oct 2009 23:51:27 +0000

Creative Search bilatzailearen berri heranegun izan nuen Zabaldun irakurri nuen eta segituan probatu nuen. Lehenengo bilaketa, nola ez, “Bedaio”, ta hara nere sorpresa: Google blogs bilatzailean blog hau ez da agertzen ;-(

Bromak aparte, oso interesgarrie iruditu zait bilatzalle berri hau, bilaketa bakarrarekin Wikipediako sarrerak, Google eta Flickreko irudiak, Youtubeko bideoak, Google blogs, news eta webgunea, iTuneseko abestiak… dena orri berdiñean.
Porzierto, Frantzesesko Wikipedian, Amezketa sarreran “à l’ouest avec le petit village de Bedaio ” irukurri daiteke, jejej.

Zintzilik

balerditik — Wed, 14 Oct 2009 23:22:18 +0000

Bihar estrinatzen du Galtzaundik, Zintzilik atal berria. Udako oporretatik bueltan egindako itxura, eduki etab.en aldaketekin batera dator atal berri hau, nik idatziko dut bertan.
Bertan, internet eta tekonologiei buruz arituko naiz.
Blog hontan ere, Zintzilik atala jarrai eta osatzeko tartea izango degu, hemen ere publikatuko bait da, honela iruzkiñak, kriktikak, zorionak, ideiak, etab uzteko moduan izango zarete.

Mapa festa Alegin

balerditik — Fri, 09 Oct 2009 10:06:43 +0000

OpenStreetMap proiektua aurkeztuko da Alegian azaroaren 20.enean.
Wiki baten bidez, elkar lanean mapa libreak nola sor daitezke azalduko digute Tagzaniako lagunek; orokorrean ia mundu osoan informazio geografikoa erabilpen librekoa ez denez, ekimen honekin edozein erabiltzailek lagun dezake mapa osatzen eta bere lizentziari esker (CC-SA-BY) berau berrerabili. Dagoeneko herri askotara zabaldu da ekimen hau.
Ekimen interesgarria, dudarik gabe, Bedaion tokien izenak ugariak dira, zergatik ez jaso mapa libre batean? Auzolan digitalak osatzen joateko aproposa.
Ez galdu aukera, etorri ekimen hau ezagutzera. Izena eman.

Ikusi tamainu haundian

Bedaioko 2. zaldi raid-a

balerditik — Wed, 23 Sep 2009 15:53:07 +0000

Igande hontan, irailak 27, ospatuko da, irteera goizeko 9etan izango da baina aurretik, raid batek eskatzen duen betebearretako bat burutuz, albaitari kontrola izango da, zaldiaren osasuna aztertzeko, denean zaldia baita protagonista. Zaldi raid lasteketak, normalean, 40 eta 120 kilometro bitartekoak izaten dira, baino Bedaion 25 kilometroko zirkuitoa prestatu dute, federatu eta ez federatuentzako, raid baten teknika eta baldintzak ikuspegi arinago batetik ezagutarazteko eta kirol honetan trebatzen hasteko.
Informazio gehiago hemen.
Iazkoak arrakasta haundia izan zuen, jendea orokorrean pozik joan zen, hona hemen iazkoaren irudi batzuk (nik editatutako lehenengo bideoa!)

Abel Barriolari ebakuntza egin beharko diote berriro

balerditik — Wed, 16 Sep 2009 08:42:00 +0000

Astelehen gauean jaso nuen albistea, aspaldian ez nuen beraren berri eta etxean, bere belauna nola zegoen galdetzen genion gure buruari, badirudi errekuperaketa behar bezala ez doala, mugikortasun pixka bat falta zaiola, honela artroskopia egingo diote datorren astean.
Apirilaren 5ean egin zuen Abelek min, eta maiatzaren 30ean Bedaion izan genuen makulu eta guzti, umeekin (eta helduekin) solasean, umoretsu, alai, beti bezala.
Lerro hauek probestuz, besarkada haundi bat bidali nahi diot berari eta bere familiari, animo Abel!

Aimar Irigoienen marka berria

balerditik — Mon, 07 Sep 2009 15:04:07 +0000

Giro polita zegoen Bedaioko plazan, Aimarrek ondo ezagutzen duen plaza da hau, bertan “bataiatu” zen harrijasotzaile bezala. 4 urterekin izan zen, ordu ezkero askotan izan da bertan, baino aurten marka bat egiteko asmoarekin etorri zen, baita lortu ere.Marka berria lortu du Bedaion, bere aitonaren herrian, Aimar Irigoien, 23 urteko harijasotzaile errezildarrak.
137.5kgko harria 21 aldiz jaso zuen 3 minutuetan, aurreko marka Izeta II.enak egin zuen 1996. urtean, 20 jasoaldiekin.
Familiak eta Bedaioko herriak eskeinitako bi oroigarri jaso zituen.

Baino hau ez zen egunean lortutako errekor bakarra, eguerdi partean, Angel Mari Acedo ikaztegietarrak Bedaioko igoeran marka berria ezarri zuen, Ugarteko plazatik Bedaioko plazara 14 minutu eta 41 segundutan igo bait zen, beraz zorionak bioi!

Ramon Jauregi “Bedaio”

balerditik — Fri, 04 Sep 2009 07:45:15 +0000

Harriaren herria da Bedaio. Harri erauntsi latzak ezagututakoa, eta hortik, harri festa. Harriak, ordea, goitik behera ez ezik behetik gora ere askotan egin izan du hemen, harrijasotzaileen bizkar gainera.
Aurten ere festen aitzakian ikuskizun polita dago antolatua. Bizi izan balitz hutsik egin gabe han izango zen Ramon Jauregi Zubillaga “Bedaio”, bere biloba Aimar Irigoienen lana gertutik jarraitzen.

Aimar bezain ezagun edo ezagunago izango dute bedaiotar askok bere aitona zena. 1931ko martxoaren 1ean Larrañeta baserrian jaio zen, Patxi eta Joxepa Iñaxiren zazpi seme-alabetan seigarrena. Zortzi urte inguru zituela morroi joan zen Saberri baserrira.

Garai haietan herri kirolek, eta nola ez, harrijasotzeak afizio handia sortzen zuten. Bedaio, Ugarte eta inguruetan baziren orduan ere kirolari bikain askoak: Artola, Agirre… Tolosako Migel Anton Jauregi eta Bedaioko Eletxeko Juan Bautista Balerdi osabek zirikatuta heldu zion harriari lehenengo aldiz Ramonek; askorik pentsatu gabe, harriarekin sekula etengo ez zuen lotura hasi zuen orduan, 16 bat urte zituela.

Jende aurreko emanaldiak eta apustuak etorri ziren gero. 1957ko apirilaren 22an Tolosako zezen plazan 227 kiloko harria bizkarreratu zuen, artean inork jaso gabeko harritzarra. Orduko harriek ez zuten gaurkoen antzik. Ez ziren harrijasotzaile- aren neurrira egiten; harrijasotzaileak moldatu behar izaten zuen harriaren formara eta horregatik, baziren harriak atzetik aurrera bakarrik jaso zitezkeenak. Nahiz eta ariketa zailagoa izan, ondo moldatzen zen Ramon lurrean belaunikatu, harriari bizkar aldetik heldu eta sorbalda gainera eramaten.

Bere bizitzako apusturik ederrena, berriz, 1956ko otsailaren 2an egin zuen, Lidia Galarraga errezildarrarekin ezkontzean. Ezkonberritan Larrañetan jarri ziren bizitzen eta bertan hiru seme izan zituzten. 1962ko urriaren 6an gertaera gogorra bizi behar izan zuten: su hartu zuen baserriak eta etxean bizi ziren lau familiak soinean zutenarekin geratu ziren. Ramonek familiarekin Errezilera jo zuen orduan. Denboraldi bat egin zuten han, emaztearen jaiotetxean, ( bertakoa da Aimar) eta azkenik Belauntzan jarri ziren bizitzen.

Ez gaur eta ez orduan, harria jasotzetik bizitzerik ez da sekula izan. Zer esanik ez, sei seme-alaba izanez gero. Horregatik, bedaiotarra hainbat lanbidetan aritu zen: Alegiko sosa fabrikan, Albizturko harrobian, Berrobiko papeleran eta Tolosan taxista bezela 25 urtetan.

Bere bizitzako trantzerik okerrenetakoa ez zuen harriaren azpian pasatu, Tolosako kaleetan, baizik. Manifestazio baten ondoren poliziak kargatu eta bera taxiaren ondoan zela, bala batek hanka harrapatu zion. Egun batzuk larri pasa bazituen ere, onik ateratzea lortu zuen.

Ramonen zaletasunak familian segidarik izango ote zuen ala ez zegoen batere argi… Aimar jaio zen arte. 4 urte zituela aitonak 16 kiloko egur tronkoa jarri zion aurrean eta bilobak helduko ote zion begira geratu zen. Txikiak zer egin zuen esan beharrik ez dago: urte hartan bertan jende aurreko lehen saioa egin zuen, non eta aitonaren jaioterrian. Elkarrizketa batean bere bilobaren etorkizunari buruz galdetuta, “si sigue será maravilloso” erantzun omen zuen aitonak bere erdera traketsean.

Ramon Jauregik beti oso maitea izan zuen Bedaio. Harria jasotzen ez ezik, dantzan ere hamaika aldiz aritu zen bertan. Ingurutxoa, harri festa… Bere-bereak zituen eta hutsik egin gabe urtero joaten ahalegintzen zen. Herritarrek ere omenaldi goxo askoa egin zioten behin. Dantzaria, festazalea eta lagun artekoa zen Ramon, bere goitizenak zioen moduan, bedaiotar peto-petoa.

PD. Post hau Maider Jauregi alegiarrak eta balerditik bloga elkarlanean egiñikoa da. Egie esan Maiderri, bere aitonari buruz idaztea eskatu nion, eta baietz erantzun zidan, textua berea da.
Eskerrik asko Maider, lan polita egin dezu.

Bedaioko festak 2009

balerditik — Sat, 29 Aug 2009 19:28:10 +0000

Aurtengoak ere iristear daude, hemen dezue aurtengo egitaraue:
Irailak 4 - Ostirala

20:00 Festen hasiera suziriekin
20:05 Patata Tortila Lehiaketa. Artubi Elkarteak patatak, arraultzak eta olioa jarriko ditu (osagai extrak, piperra, tipula eta sua bakoitzak jarrito ditu)
21:00 Zagi Ardoa
Ondoren Erromeria Elustondo anai-arrebekin
4:00 Goizalderarte indarrak hartzeko Txokolatea eta Bizkotxoak

Irailak 5 - Larunbata

16:30 Ume jolasak
21:00 Herri Afaria (Zozketa berezia egingo da)
Ondoren ordu txikiak arte Erromeria Ansorregi eta Larrañaga eta Izer eta Alabier trikitilariekin
4:30 Indarrak hartzeko Baratxuri Zopa

Irailak 6 - Igandea

Hamaiketakoa trikitilariez alaiturik
13:00 Bedaioko XX.Txirrindulari Igoera eta ondoren trikitixa
18:30 Bedaioko Ingurutxoa
Ondoren Herri Kirolak:
Aimar Irigoien marka bat hausten saiatuko da: 137,5 kiloko harri kubikoa 3 minutuko tanda batean
Bestalde, Angel Arrospide Donato Larretxearen aurka aizkoran
Segidan, trikitia Jesus eta Etxeberritxorekin
21:30 Afaria Artubi Elkartean, mondejuak eta ardi gisadua

Irailak 8 - Asteartea (Jubilatuen Eguna)

Hamaiketakoa Peña eta Telleria bertsolariekin
12:30 Trikitixa Laja eta Landakandarekin
14:00 Bazkaria elkartean
17:00 Bertsolarien bigarren saioa
18:00 Ipuin Kontalaria (Galtzaundik antolatuta)
18:30 Erromeria Laja eta Landakandarekin

Aimar Irigoienen lehenengo altsaldia, Bedaioko frontoian.

Ba ote? Egia ote!

balerditik — Sun, 23 Aug 2009 08:18:25 +0000

Udako oporrak zirela eta, lagun batzuekin Jaengo herri txiki batean bi gau pasa genituen, beraien ezagun bati bixita egiñez. Albanchez de Mágina herrian geratu ginen hain zuzen ere, hara gure harridura iristerakoan, bertako kanpiñetik zer ikusiko ta Balerdi mendiaren “bikia”. Ez dakit ilusio optiko bat edo herri miñak sorturiko aluzinazio bat zen, baño ikusi ikusi…

Etxean bezela sentitu giñen, Sierra Máginaren bihotzen, naturan, zibilizaziotik urrun, Bedaion bezela, etxean bezela.
Baño denetan harrigarriena, Kanpiñaren izena irakurri genuenean: Ayozar!
Balerdi mendia, Mallozar bezela ezagutzen dela jakinda, kasualitate gehiegi izan zitekeela pentsatu genuen… Bertako lagunari, Antoniuri, galdetu genion inguruari buruz, izena, historia, etab. mendi buelta ederra egin genuen eta pasarte eta bitxikeri politak kontatu zizkigun. Kondairak dio mendi horrek altxor bat gordetzen duela, urrea dagoela bertan… joño Urraitz-eko kondaira bezela!
Irudietako mendi hori Aznaitin da hain zuzen ere, eta “Ayoza”, almendra koskorrak txikitan, azal eta guzti jateko modukoak egoten omen dira, eta ayoza deitzen diote aleari.

Hortik aurrea… zuek atera kontuk!

Welcome to Bedaio

balerditik — Thu, 09 Jul 2009 17:27:33 +0000

Hil honen zehar Bedaiora hurbiltzen den orok, aukera izango du kultura eta herrialde desberdinetako jendea topatzeko eta ezagutzeko, ez harritu jendea ingelesez entzun ezkero. Izan ere, Eusko Jaurlaritzak antolatutako auzolandegian ari dira jo ta ke munduko herrialde desberdinetatik etorritako gazteak. Italia, Belgika, Korea, Turkia, Espainia, Euskalerria, etab. Jo ta fuego ari dira lanean, eta hori begi bistakoa da, bazterrak ederki garbitu dituzte, lana eta bromak uztartuz ematen dute goiza, arratsaldeak inguruko parajeak ezagutzeko probesten dute.

Hona hemen bideotxo hau.

San Fermin eguna Azkaraten

balerditik — Fri, 03 Jul 2009 09:11:22 +0000

tagzaniapaste
Bedaiotik Azkaratera
San Fermin eguna gerturatzen ari da, egun haundia izango da Iruñean, baita Azkaraten ere. Bedaio eta Azkaratek nahiz eta elkarrekin muga egin, kotxez joan nahi izan ezkero, 31 km-ko ibilbidea egin behar da. Urtero bezela, Gurdillaundiko langa zabalik izango da, San Fermin egunez, eta kotxez (todoterrenoz hobe!), Azkaratera joateko aukera izango degu, honela 4,7 km besterik egin behar izango ditugu. Oinez egiteko ere ez da aukera txarra.

Egitaraue, Bedaion bezela urteroko antzekoa:

Hamaiketan erromeria herriko plazatik San Fermin ermitaraino eta jarraian meza. Eguerdian, herriko plazan Otsolar taldeko dantzariak. Bakaldu aurretik Zeberio eta Mañukorta bertsolarien saioa plazan. Ondoren Balerdi Elkarteak antolatuta, bertsolari eta trikitilariekin bazkaria. Arratsaldeko 7etan, afizionatu mailako pilota partidua Urmeneta- Insausti. Egun osoan zehar, Laja eta Landakanda trikitilariak.

Baño, Naparron ba al da festik entzierroik bare?
TO ENTZIERROA…

Auzolandegia Bedaion

balerditik — Thu, 18 Jun 2009 07:46:55 +0000

Eusko Jaurlaritzak, uztailean, Bedaioko garbitokia eta ur-aska errekuperatzea, bai eta bertara iristeko zubia eta bidea ere errekuperatzeko auzolandegi deialdia egin du .
Ba dirudi, iaz idatzitako postak bere fruituak emango dituela, eta auzolandegia aurrera ateratzen bada, Beko Itturie berriro eta inguruak berreskuratuko ditugula.
Hona hemen Martin Balerdiren hitzetan, Beko Itturiaren nondik norakoak, 1930.urte ingurkoa omen.

Izar behoka jaiotzen

balerditik — Fri, 12 Jun 2009 13:27:59 +0000

Oso zaila da behor bat erditzen ikustea. Normalean guaez edota, izktuan egiten bai dute. Guk izugarrziko suerte izan genuen, ta gainera, beste lan bat egiteko, kamara soinean genuen. Irudiak zenbait momentutan ez dira oso onak, badakit, momentuko nerbioak. Gainera behorra lasai egotea ezinbestekoa zen, ez genuen enbarazorik egin nahi. Erditzen ikustea harrigarria bada ere, are eta gehiago, jaio eta handik bi ordutara behoka saltoka jolasean ikustea. Ta hau dena Balerdi mendiaren magalean…

Bedaioko 3. mendi martxa

balerditik — Fri, 05 Jun 2009 10:34:03 +0000

Klikatu irudiaren gainean haundiagoa ikusteko.

Ekainak 14, igandean izango da zita. Oinezkoak goizeko 7.30etan irtengo dira eta bizikletaz egin nahi dutenek, goizeko 8.30etan. Oinezko ibilbidea 6 ordutan egin daiteke, eta bizikletan aldiz 3-4 ordutan. Aurten ze aitzeki jarri behar det? Aspaldian sasoi gutxikin egon arren…

tagzaniapaste
Bedaioko Mendi martxa

ARAUAK:

* Federatuak eta ez federatuak parte har dezakete.
* Izen ematea Ekainaren 14an irteera baino ordu erdi lehenago.
* Ibilbideko kontrol guztietan sinadura eta ordua jaso behar dira.
* Kontrol txartela 10 € truk izango da. Bukaera arte, ondo jaso txartel hau amaieran jatekoaz trukatu eta hainbat produkturen zozketan erabiltzeko.
* Amaierako kontrola 17:00 bukatuko da.
* Zakarrak kontrol guneetan bota.
* Ingurugiro naturalean zaude, animaliak ez uxatu eta landaretza errespetatu.
* Landa lurrak eta jabetza pribatuak errespetatuz zeharkatu.
* Antolakuntzak ez du inolako ardurarik izango gertatu daitekeen edozein istripuaren aurrean.

Beraz, herria ezagutu eta naturaz eta paraje ederrez gozatu nahi duenak, ekainaren 14an du zita, izena hemen eman dezakezu.

Solasaldi umoretsua

balerditik — Mon, 01 Jun 2009 07:42:26 +0000

Larunbatean estreinikoz, Tele Artubbik, (dagoeneko izena aldatu badiote ere… Artubi Telebista aurrerantzean) bere zuzeneko lehenengo saioa egin zuen. Irudiak ondo ailegatu ziren, baño audioa nonbait saturatuegie ailatzen zen, beraz batek baño gehiagok ezpainak irakurtzen saio politte egingo zuen.
Bai, bai, batek baño gehiagok, zeren momentu batean 6 lagun zeuden batera Artubi Telebista ikusten, eta 4 ikusleren media izan genuen saio osoan. Tarte horretan, Bedaioko giza serara partaide berri bat gehitu zen. Horregatik ,merezi izan zuela esan dezakegu. Gustora geratu giñen, bai hoixe.
Hemendik, hau posible izatea lagundu duten guztiei nere esker beroena, Oskar, Iñigo eta bere portatilleari, Julen, Ana eta bere pazientziari, Txolarrekoei, eta zuri. Ta nola ez, lau protagonistei! Eskerrik asko!

Umorez beteriko saioa izan zen, ondo pasa genuen gerturatu giñen guztiok, 2 ordu pasatako saioa izan bazen ere.

Aimar, Herri txiki honetan bataiatu zen harrijasotzaile bezela, lau urtekin egin zuen bere lehenengo exibibizioa, Barriolak, ez zen inoiz heldu Bedaiora baño harritute geratu zen. Iñakek lehendik ere ezaugtzen zuen bedaio eta Goikok Donostia eta Bedaioren artean aukeratu behar eta Bedaio aukeratu zuen…

Zuzenean segitzeko aukera izan ez zenuteneontzat bideotxo hau, Artubi telebistan gehiago izango dituzue, pixkanaka gehitzen jaongo naiz:

Asteburu Kulturala Bedaio 2009

balerditik — Fri, 29 May 2009 10:45:44 +0000

OSTIRALA 29

Arratsaldeko 19etan BEDAIOKO GIDAren AURKEZPENA

Bedaioko Gida turistikoa azalduko da bertan. Turismoko bulegoa, Tolosako udala eta Bedaioko herritarren artean egindakoa. Bertan Bedaioko baliabide turistikoen berri ematen da.

LARUNBATA 30

LUDOTEKA INAUGURAZIOA eta HITZALDIA

Artubi Elkartearen gainean dagoen lokala haur eta gazteen liburutegi (Ludeoteka) bezela atondu eta egokitu da. Ordenadore eta internetak iada martxan daudela, inaugurazioa egitea tokatzen zaigu.

Horretarako IRRATSAIO bat egingo dugu, Txolarre irratia eta hemen zuzenean segitzeko aukera izango dezue, kirol eta kultura alorreko pertsonai ezagunei SOLASALDI / GALDEKETA egingo diegularik.
Solasaldian parte hartuko dute beste batzuren artean Abel Barriola pilotaria, Aimar Irigoien Harrijasotzailea eta Jose Manuel Goikoetxea –“ Goiko” (aktore eta ahots doblatzailea) eta beste zenbait sorpresa.
Gazte ospetsu hauek haur eta gazteek prestaturiko galderei erantzuten saiatuko dira.
2 orduko saioaren ondoren afaria egongo da, bertara hurbilduko direnentzat. Giroa ordu txikitara eramanez.

IGANDEA 31

Goizeko 11etan TXANGOA Bedaio eta Lizartzako mugetatik barrena.

Sagardotegitik aterako gara, ondoren, oinez Zumizketa baserritik aterako geralarik.
Zelai eta pagadietatik barrena ordubete ondoren , Arraunetara iritxiko gera, beste ordubeteren barruan, Gaztelu, eta Orexatik barrena Lizartzan sartzeko. Hemen, Pagoluze izeneko tokian aurkituko ditugu enborrean 4.5 metrodun perimetroa duten pagoak., eta bertan baita ere Leize Gaiztok izeneko arkaitz zuloak.
Dagoeneko bazkaltzeko ordua gertu dugularik, Bedaion sartuko gera berriro, eta Pagohaundiko dolmenera abiatuko gara. Bertan egingo dugu bakoitzak etxetik eramandako ogitartekoekin bazkaria.
Azkenik Jazkura jetxi eta kotxez itzuliko gera hasierako abiapuntura.
Honekin emango diogu amaiera asteburu kulturalari.
Gerturatzen zreten guztioi, ondo pasa!

Ausa Gaztelura mendi martxa

balerditik — Mon, 25 May 2009 19:45:37 +0000

Goierri eta Tolosaldeko Nafarrek, Ausa Gaztelura mendi martxa antolatu dute aurten ere, 3. urtez jarraian. Bertan, “Euskal Herri osoak Europako Nafar Estatua berreskuratzeko duen zilegitasuna” aldarrikatuko dute. Zita, maiatzak 31ean izango da, goizeko 10etan Larraitzen bildu eta Txindoki aurrean dagoen eta hain ezaguna ez den 904 metroko mendixka igoko dute. Bertako gazteluaren aztarnak bisitatu, Nafarroako bandera ipini eta komunikatu bat irakurriko dute. Hona hemen egun horretarako prestaturiko egitaraua.

Bedaioko Telebista digitala martxan

balerditik — Thu, 21 May 2009 10:23:02 +0000

Dagoeneko martxan dagoela esan dezakegu, naiz eta beta eran (probetan) egon. Maiatzaren 30ean, larunabata, Bedaioko “liburutegia” inauguratuko da. Horretarako ekitaldi berezi bat antolatu da, eta Kultur eta Kirol arloko hiru lagunen bixita izango degu. Abel Barriola, Aimar Irigoien eta J.M. Goikoetxea “Goiko” izango dira bertan, emakumezkorik lortzea ezinezkoa izan da. Herriko haur eta gazteek galderak egingo dizkiete. Tertulin aitzeko aukera earra!
Ekitaldia irratiz eta internetez emango da. Neri internetez emateko prestakuntza lenen erantzunkizuna egokitu zait.
Horregatik sortu degu Bedaioko Telebista digitala, “Tele Artubbi”.
Horretarako Teketen-en bitartez, Patxi Gaztelumendirekin, irratia.com-eko kidea, jarri nintzen harremanetan. Hilara hauek probestuz, Patxik hasieratik laguntzeko izan duen borondatea publikoki eskertu nahi det. Berari esker ezagutu det livestream, bideoa internetez zuzenean eskeintzeko webgunea. Nahikoa da PC bat, webcam edo bideo kamara bat eta interneterako konexio txukun bat izatea, internetez zuzenean emititzeko.
Horregatik, gauzak guk nahi ditugun bezela irtetzen badira, egun horretan prest izango gera Bedaiotik zuzenean mundu guztira bertan gertatzen ari dena erakusteko.
Blog honetan eskubiko zutabean aurkituko duzue, ae zer iruditzen zaizuen.

Harri Jaia

balerditik — Mon, 18 May 2009 19:39:42 +0000

Festa honen jatorriak aurkitzeko, ehun urte baino gehiagoko jauzia eman behar degu denboran atzera, XIX. menderaino iritsi arte. Hiru urtez jarraian harria bota zuen udaberrian, eta urte haietako uzta guztia galdu zuten.
Eguraldiaren kapritxoen aurrean ezer handirik egiterik ez eta, otoitzari ekin zioten bedaiotarrek, halako zori gaiztorik berriz ere errepika ez zedin. Otoitz haiek dira, hain zuzen ere, gaur egun Asintxio egunaren bueltan (hala bota baitzuen harria bi urtetan) Artubi Elkarteak antolatuta Bedaion ospatzen den Harri Jaiaren jatorria. Aurten, maiatzaren 28an ospatuko da.

Hona hemen Maria eta Martiñek nola bizitzen zuten “Harri Jai Eune”.

EGITARAUA 2009/05/28
Meza ondoren, hamaiketakoa plazan. Eguraldi txarra eginez gero, Artubi elkartean.
14:00ak aldera. Bazkaria Artubi elkartean. Bertsolariek lagunduta.
21:00. Afaria Artubi elkartean.
Egun osoan zehar. Trikitilarien saioa noiznahi.

2009ko Kultur Agenda

balerditik — Thu, 07 May 2009 13:31:34 +0000

Aurten ere, Artubi Kultur Elkartearen eskutik, ekitaldi pillo bat izango ditugu. Hona hemen aurtego egitaraua:

Balgí, ederra

balerditik — Tue, 28 Apr 2009 13:48:21 +0000

Ni kitarrazale eta flamenkozale amorratua naizenez, bideo hau hemen publikatzea behartua sentitu naiz. Bideoa, Gaztelumendiren blogean ikusi det, ta Youtuben arrakasta haundie izaten ari da, beraz besterik gabe, gustokoa badezue, gozatu.

Apertium

balerditik — Fri, 24 Apr 2009 17:14:18 +0000

Herraminta berri bat gehitu diot blogari, IKTerokoen blogean ikusi dut, Apertium du izena. Apertium, itzulpen automatikoak burutzeko sistema bat da, Espainiako Gobernua eta Kataluniako Generalitateak diruz lagunduta. Motorea Alacanteko Unibertsitatean eta Prompsit Language Engineering enpresan garatu da, eta datu linguistikoak beste unibertsitateek, beste enpresek, eta mundu osoko garatzaileek garatzen dituzte. Software librea da, GNU GPL lizentziapean argitaratutakoa.
2008ko azaroaren 13an euskara eta gaztelaniaren arteko lehen itzultzailea aurkeztu zen. Aurreragorako ingelesa ere txertatzeko asmoa dago.
Postaren bukaeran aurkituko duzue ikonotxoa, bertan klikatu ezkero, orria gazteleraz irakurtzeko aukera izango duzue. Itzulpena kaxkarra izan daiteke batzuetan, izan ere euskara batua du oinarritzat itzultzaile honek. Euskalkiren bat erabili ezkero, itzulpenak halakoxeak izaten dira.

Hau da emaitza

*Herraminta Un nuevo le he aumentado al blog, *IKTerokoen en el blog he visto, *Apertium tiene el nombre. *Apertium, Un sistema para cumplir la traducción automática es, el Gobierno de España y de Cataluña *Generalitateak por dinero acompañado. *Motorea *Alacanteko En la universidad y *Prompsit *Language *Engineering en la empresa ha desarrollado, y dato *linguistikoak las otras universidades, las otras empresas, y los desarrolladores del mundo entero desarrollan. El software libre es, GNU GPL *lizentziapean *argitaratutakoa.
en 13 del noviembre de 2008 de euskera y el castellano hasta el primer traductor presentó. *Aurreragorako inglés también *txertatzeko la intención está.
*Postaren En el final encontraréis apertium *ikonotxoa, allí *klikatu *ezkero, la hoja para leer por el castellano la opción tendréis. La traducción *kaxkarra puede ser a veces, de hecho el euskera unido tiene como base este traductor. *Euskalkiren Un utilizar *ezkero, las traducciones *halakoxeak son.
Probar a ver qué os parece que.

Transgenikoak (berriz)

balerditik — Thu, 23 Apr 2009 07:48:17 +0000

Atzo Berrian irakurri nuen albistea, Eusko Jaurlaritzak transgenikoak landatzeko aukera zabalduko du . Berdintasunaren izenean, helburua, «laborariek edozein nekazaritza era aukeratzeko egiazko gaitasuna edukitzea» omen da! Ja Ja!
Nekazaritza ekologikoa eta trangenikoak koexistitzea nahi dute, jakinda eziñezkoa dela, ohiko landaketa eta ekologikoa transgenikoek kutsatu egiten ba dute.
2007an Eusko Jaurlaritzak, Euskadiko Autonomi Erkidegoa transgenikorik gabeko eremu izendatu zuen, ta orain…

Sorpresa… aurten ez tau sagardoik, likor de naranja in beharko deu!

TRANSGENIKOAK STOP!

Earth hour

balerditik — Fri, 27 Mar 2009 08:31:08 +0000

Itzali argiak, piztu Lurra.

Aldaketa klimatikoari aurre egitea posiblea dela erakusteko, bihar, martxoak 28, 20:30etatik 21:30etara, argiak itzaltzeko gonbitea luzatu du WWF taldeak. Ekimen hau, 2007an jarri zuten martxan lehenengo aldiz, Sydneyen, Australian. Orduan 2,2 milloi pertsonak argia itzali zuten ordubetez.
Iaz bigarrengo urtez antolatu zen eta 35 herrialdeetan 100 milloi pertsonak parte hartu zuten. Eta aurten, 64 herrieldeek ekimenean parte hartuko dutela esan dute, zuk ere ez galdu aukera. Hiri haundietan monumentuak illunpetan geratuko dira, gure herriko monumentuak ilargiak argitzen dituenez eta hau itzaltzea posible ez denez, nik etxeko argiak itzaliko ditut.
Bitartean…

Probatu lights out jokua. Ea zenbat argi itzaltzeko gai zaren, oraindik garaiz zabiltza.

Re-tuning

balerditik — Wed, 25 Mar 2009 09:33:59 +0000

Aurten ere udaberriarekin batera blogari itxura aldatzea erabaki det, pena pixka bat ematen dit bañan nostalgia alde batera utzita, aurrera egiteko ordua allatu da. Diseñu hau praktikoagoa iruditzen zait, oraindik akats batzuk baditu, adibidez eskubitako nabigazio taula hau ez dijoa ondo, baño tira, estreñatzeko irrikaz nengoen eta!
Batenbatek nabigazio taularekin laguntzeko prest egon ezkero utzi mezu bat, zuen gustokoa izango delakoan…

aio………………….

Ecofont

balerditik — Fri, 13 Mar 2009 21:14:17 +0000

Denon ahotan dabillen hitza da krisia…
Ño, zenbatetan errepikatu ote da esaldi hau azken asteetan?
Ba, gaurkoan tinta aurrezteko modu batekin nator (krisiari aurre egiteko ) oso errexa gañera.
Kartutxoen ordez, tinta litroka erosiko bagenu, litroa 1200 eta 1600 euro artean ordaindu beharko genuke (microsiervos). Ta gu gasoillarengatik kejan, tintarena bai dela atrakoa.

Holandako SPRANQ enpresak letra tipo bat asmatu du, ECOfont izendatu du (nola bestela). Zein letra tipo erabiltzen dugun arabera, tinta gehiago ala gutxiago gastatuko degu. Sortzalleen arabera letra mota honekin %20 aurreztu dezakegu.
Baño nola da posible? Letra mota hau zuloz beterik dago, eta tamañu normal batean (9-12 puntu) ez da atzematen.
Tipografia mota hau gañera debaldekoa da, eta Windows, Mac eta Linuxerako erabilgarri dago.

Ecofont behera kargatu (jetsi).
120% Linux-tik

Apellidoak abizendu

balerditik — Tue, 10 Mar 2009 14:45:09 +0000

Anoetan “Apelliduak abizendu” kanpaña jarri zuten martxan, orain Tolosako Udalak eta Galtzaundi Euskara Taldeak abizenak euskarazko grafiara aldatzeko aukera azalarazi nahi izan dute. Horretarako postal informatiboak banatuko dituzte martxoan.
Oso errexa da abizenak euskerazko grafiara aldatzea.

Erregistro zibilean egin beharreko tratimatizio guztia doakoa da, eta bertan aurkeztu beharreko dokumentazioa ondorengo hau da:

Adin nagusiko ezkongabeak:

•- Jaiotza Ziurtagiria
•- Errolda agiria
•- N.A.N.

Adin nagusiko ezkonduak:

•- Jaiotza Ziurtagiria
•- Errolda agiria
•- N.A.N.
•- Famili liburua

Adin txikikoak:

•- Jaiotza Ziurtagiria
•- Errolda agiria
•- N.A.N
•- Famili liburua
•- 2 gurasoak

Aldaketak egin ahal izateko bakoitzaren presentzia ezinbestekoa da. Pertsona batek ezin ditu beste pertsona baten dokumentuak eraman. Behin tramitazioa burututa dokumentazio guztiaren eskaera egin beharko da.

Edozein duda izan ezkero, deitu Galtzaundiko Euskara Taldera (943 655 004) edo Tolosako Erregistro zibilera (943 002 610), ez dago aitzakirik, esan adio Jauregui, Aguirrezabala, Zuveldia, etab-i. Ta eman ongi etorrie Jauregi, Agirrezabala, Zubeldia, etab-i.

Arratiako Jota, Bedaion.

balerditik — Wed, 04 Mar 2009 13:39:33 +0000

2007ko irallen, herriko pestetan, aukera izan genun Arratiako jota nola dantzatzen den ikusteko. Dantzan Nekane Izagirre (Errota) eta Jon Balerdi (Bearne) aitu zien, musike jotzen Nagore Maiza (Errota) eta Ibon Otaegi (Bitarte).

Bedaion Ingurutxoa bakarrik dantzatzen dela pentsatzen dezute?, ba ez, to hemen Nekane eta Jon dotore asko Arratiako Jota dantzatzen!

Ta orain bi buru!

balerditik — Sun, 15 Feb 2009 16:52:54 +0000

Lehen ikusi genuen bi ipurdi zituen sagar bat, ba oraingoan, txahal bat bi burukin jaio da Bedaioko Eletxe baserrian. Bueno, egie esan, behiaren sabelean hilda zegoen txahaltxoa, eta behi gaixoaren sufrimenduarekin bukatzearren, zesarea egin behar izan diote. Hala azaldu digu, Eletxe baserriko, Joseba Zulaika behizañak.
Naturaren misterioak, seguru Johan biologoak baduela honentzako esplikazioren bat.
Zergatik gertatzen ote die horrelakoak?

Hemen beste argazki bat ikusteko modue .

Barrikotea

balerditik — Thu, 12 Feb 2009 08:33:44 +0000

Artubi Elkarteak antolatuta, datorren larunbatean, Otasilak 14, urtero legez, barrikotea izango da Elkartean. Hau da 2009ko lehenengo ekitaldia. Agenda osatu ala, emango degu beraren berri, bitartean… ondo pasa!

Edukiontzi laranja

balerditik — Sun, 08 Feb 2009 17:50:59 +0000

Sukaldeetan erabilitako olioa jasotzeko edukiontzia jarri du Tolosaldeko Mankomunitateak, Artubi Elkartearen kanpokaldean. Sukaldeetan erabilitako olioa plastikozko pote edota botiletan sartuta utzi beharko da edukiontzian, tapoia ondo itxita. Ondoren, plastikozko ontzi guztiak birziklatu egingo dira eta olioa biodiesela egiteko erabiliko da. «Hodiak ez trabatzea, uren kutsaketa eta baliabide bat alferrik galtzea eragoztea» du helburu.
Informazio gehiago nahi duenak Tolosaldeko Mankomunitatera deitu dezake, 943 676 216 telefono zenbakira.
Benetan zoriontzekoa da hain denbora gutxian, birziklatzeko edukiontzirik ez izatetik; orain, kartoia, kristala, ontziak eta olioa birziklatzeko aukera degu.

Herrietako musikariak

balerditik — Sun, 01 Feb 2009 11:27:24 +0000

Herrietako musikariak, Gabino Zubeldia Gaztañga Abaltzisketarrak egiñiko lana da. Lan honetan inguruko herrietako musikarien zerrenda bat osatu du, ta bertan nola ez Bedaiokoak tarten.
Lan hau, lehen esan bezala, Gabino Zubeldiak egin du, 2007-2008 ikasturtean zehar, hezkuntza-sistemaren etapetarako material kurrikularrak euskarri digitalean egiteko, Hezkuntza Sailak emandako “Ikasketa-Lizentzia” dela eta.

Ondoren ikusiko duzuna herrietan egindako landa-lanaren ondorioa da; horretarako, artxiboak arakatu ditu eta herri bakoitzeko jendearekin hitz egin du.

Hemen pdf-a. (informazio gehiagorekin)

Kontu kontari

balerditik — Fri, 30 Jan 2009 09:14:39 +0000

Zer da Kontu kontari?

Proiektu honen helburuak bi dira, batetik Bedaioko ahozko ondarea eta herri hizkerak bildu eta hedatzea; eta bestetik adiñekoen euskara eta bizipenak jaso eta herritarren artean zabaltzea.
Ta helburu hoiek bete asmoz hasi nintzen iazko (2008) urrian elkarrizketak egiten. Momentuz, bi dira elkarrizketatuak, Maria Zubillaga eta Martin Balerdi.
Ikusiko degu proiektu honek aurre egiten duen, edo zertan gelditzen den, baño jakin ezazu proiektu irekie dala, ta zuk ere grabazioren bat badezu edota egiteko prest bazaude, hemen tokia dezula (proiektu honentzat eta datozenentzat sortutako wiki bat da). Beraz badakizue, animatu ezkero utzi mezutxo bat eta elkarren berri izango degu.

Diaspora

balerditik — Fri, 09 Jan 2009 14:43:18 +0000

Atzo, Alegiko liburutegian jaso nuen, Jose Ramon zubillagak idatzitakoa Lardasketa liburua (honek beste post bat merezi du, aurreragoko utziko det). Biografi bat dela esan daiteke, bere bizitzeko pasarte desberdiñak kontatzen ditu bertan. 18 urte ingurukin Bedaiotik irten eta Argentinara joan zen.
Mesanotxeko argie itzali ta burui bueltak ematen hasi nintzen, Bedaiotar diaspora, munduan barrena zenbat bedaiotar, edota bedaiotarren seme-alaba izango diren, Argentina, Italia, EEBB,… Topagune moduko bat sortzea erabiki nuen, bertan, Bedaio maite, sentitu, bizitzen, etab. duenak bere txokoa izango du, dagoen tokian dagoela. Herritik mundura, ta mundutik herrira. Argazkiak, bideoak, ixtorioak, etab elkar trukatzeko.
Beraz zu ere parte sentitzen bazera, apuntatu hemen. Egin zurea Bedaio giza sarea.

Hacienda Bedaiogolf, Hotel & Country Club.

balerditik — Sun, 28 Dec 2008 01:01:37 +0000

Atzo abenduaren 27a, larunbata, herri honek inoiz izan ez duen bixita izan zuen, izan ere Juan Jose Ibarretxe, Autonomi Erkidegoako Lehendakari Jauna, bertan izan zen.
BedaiGOLf proiektua aurkeztu zuten, eta Ibarretxek hitz batzuk eskeñi zizkion proiektu honi. Herritarek harriduraz jarraitu zituzten bere hitzak, kanpoan golf zelaiaren kontrako konzentrazioa izan zen. Euskadi 2012 proiektu estrategikoaren barruan kokatu zuten, Hacienda bedaiGOLf Hotel & Country Club-a. Inbertsio haundiak egingo dira eta herriaren itxuraldaketa nabarmena ekarriko du. Azpiegitura berriak egingo dira, adibidez, estrazarra konpondu eta Eskoletxen Bearnetik barrena garai bateko bidea berreskuratuko da, parking gune zabalak eraikiko dira, Bizakten urtegi txiki bat egingo da (aurrerantzean ur kirolak eskeintzea aurreikusten da), zezen plaza txiki bat eraikiko da Larrañetako zelaietan, 800 bifamiliar egitea ereaurreikusten da, Spa, Zaldi Club-a, eta gauz gehio aurreikusten dira, baino faseka egingo denez, hauek proiektuan daude oraindik.
Planoaren xehetasunak.
A) Arrupeko kruzean Country Clubera sarrera. (Herrikoek ez dute peajerik pagatuko).
B) Club etxea. (Ez galdetu zer den).
C) Lote residentzialak.
D) Praktika Tee-a/ Putin green.
E) Urtegia. (Bizkateko bordatik ikuspegi paregabeak)
F) Hotela.
G) Spa (oraindik proiektuan).
H) Eliza (oraingoa honera mugituko dute, egie esan, ez nuen ulertu zergatik)
I) Zaldi Klub-a (oraindik proiektuan).
J) Zezen plaza (Larrañetako zelaian, Itziarko zezentxoentzako plaza txiki bat eraikitzea estudiatzen ari dira. Despedidetako etab.)
Irudia haundiagoa ikusteko, klikatu gañean.

Bi urte da bi egun

balerditik — Tue, 23 Dec 2008 09:33:03 +0000

Nola pasatzen den denbora. Dagoeneko 2 urte ta 2 egun pasa dira blog hau sortu nuenetik, gaur bi urte Hitzan agertutako Agustin Amianoren artikulua publikatu nuenetik, hainbat post izan dira idatziak, 120 hain zuzen ere ta 118 erantzun.
Beraz, krisia ez ta gurera allatu, je!
To hori ospatzeko bideo politt hau (kanta ezaune iteala…):

2. Azoka berezie ( 2008 12 14 )

balerditik — Mon, 15 Dec 2008 09:50:14 +0000

Lehena oraiña bihurtuz, etorkizune eraiki.

Azken egunetako egualdie ikusita zeñek esan behar tzuen, atzo, holako egualdie ingo zunik. Giro ederra, fresko, baño ateri, ta illuntzen elurre mara-mara. Eune konpleto.
Artilearekin harie egin, altzairu eta lanabes zaharrak, otarrak egin, margolanak, mila kolore eta zapore duten barazkiak, taloa, txoisoa, kroketak, gaztañek, …eta labetik atera berrie “2009ko egutegie”.
Bertan ekoiztu eta bertan kontsumitu, hori da bidea.
Abere asko izan zen, zaldi, behor, idi, koneju, ollo, ardi, indiollar, …

Aipatzekoa, herritarren parte hartze handia, zorionak!

Datorren urtean berriz, binbittarten… to argazkik!

Bedaioko 2. Azoka berezie

balerditik — Tue, 09 Dec 2008 13:47:01 +0000

Aurten ere ospatuko da Ganadu eta Barazki azoka berezie. Igande hontan, Abenduak 14, izango da. Azken egun, aste eta ilabetetako eguraldia ikusi eta gero, iazkoa errepikatzea zaila izango da. Bitartean iazko argazkiekin gozatu.

Songbird 1.0

balerditik — Wed, 03 Dec 2008 13:21:24 +0000

Firefoxek duen folosofi berdiñarekin dagoeneko allatu da Songbird 1.0, Mozillaren erreproduktore multimedia dagoeneko eskuragarri dago. Interfaze erosoa, aukera asko ematen ditu.

Ezaugarri hauekin dator, beste askoren artean:

* GStreamer: C lengoaian idatzitako multimedia framework askea.
* mashTape: Songbird-en musika entzuterakoan, musikari edo talde horrek Flickeren dituen argazkiak ikusi, Youtubeko bideoak ikusi, last.fm-ko biografiak, Google-ko albisteak eta gehiago ikusi ahal izango ditugu.
* Last.fm Scrobbling: Last.fm-rekin integrazioa.
* Erreproduzio lista bizkorra (”inteligentea”).
* Kontzertuetarako sarrerak: Zure ordenagailuan dezun musikan oinarrituta, zure herrian edota inguruan dauden kontzertuen lista.
* Add-ons aukera zabala, eta askoz gehiago.

Eta EUSKERAZ ERE BAI. Gaur Euskeraren eguna izanik aukera ederra, jetsi, instalatu ta probatzeko. Zeñen zain zaude.

Errioxara bixita

balerditik — Thu, 27 Nov 2008 08:50:37 +0000

Larunbat hontan, azaroak 29, Artubi Kultur Elkarteak antolatuta, Errioxara irteera izango da. Autobusa, Bedaion 9.30etan eta Alegin 10.00etan izango da.
Egitaraue:
-San Millan de la Cogollako monasterioa bixitatu.
-Kanto gregorianoari buruzko hitzaldia.
(self service zerbiztua)
-Laguardiako “La hoya” erromatar garaiko herrixka bixitatu.
-Encisoko Paleontologi Zentroan bixita gidatua.
Bera, ez dago aitzikirik! Animatu!

Bideoa [ERD]

Bedaio geolokalizatzen

balerditik — Thu, 13 Nov 2008 00:03:01 +0000

Bedaio geolokalizatzeko (geografikoki kokatu, alegia) modu asko daude, argazkien bidez Panoramio, Flickr-en etab., bideoak Youtube-en, etab … baña azkena ezagutu dudana, eta oso interesgarrie iruditu zaitena, ibilbideak geolokalizatzeko Wikiloc izan da. Bertan erabiltzaileok ibilbideak (oinez, bizikletaz, zaldiz, 4x4 erabiliz,eskalatzekoak,…) gorde eta partekatzeko aukera dugu.
Tontokaletik blogan oso ondo azaldu zigun Iñigok nola geolokalizatzen diren ibilbideak.
Adibide gisa, honako ibilbidea aukeratu det, momentuz Bedaion dagoen bakarra, edo bakarrenetarikoa da, baño seguro nago gehio izango direla. Beraz, GPS bat badezu eta mendian ibiltzeko gogoa, badakizu, ibilbidea jaso eta partekatu. Ta hobena, igota dauden ibilbideak GPS-ra pasa ditzazu.
Zaldin ibiltzeko proposamena da honako hau, noski oñez ere egin daiteke. Paraje ederrak ikusteko aukera paregabea dudarik gabe.
Ibilbide hontatik asko gustatu zait eta eskertzekoa da, laita-k egiten duen komentarioa:
“Recorrido que une los pueblos Guipuzcoanos de Bedaio y la hermita de San Martin de Amezketa”, eskerrikasko laita, nahiz eta erderaz egon ederki ulertu degu eta!
Bi irudi hauetan ikusten den bezela informazio oso konpletoa dator gañera. Ibilbidearen luzera, altuera ta jetsierak, zailtasuna etab. eta Google Maps-en ibilbide bera markatuta, gertuatu, urrundu, etab egiteko aukerarekin, Jesulinek hau ikusten badu, zera esango du:
“Bi hitzetan: Iki Arrie!
.
.
.
.
.
.
.
.
.
.
.
.
.
.
.
.
.
.
.
.

.
.
.

Txintxarrisferako 2. ardiki jatea

balerditik — Wed, 05 Nov 2008 09:12:25 +0000

Aurten ere, Alegialdeko blogariok, ardiki jatea antolatu degu, Ugarten, nola ez. Iazkoaren harrakastaren ondoren, aurten ere ospatzea erabaki genuen. Beraz aurtengoa, Txintxarrisferako 2. Biltzarra izango degu.
Eguna, datorren azaroaren 14ean izango da (denok dakigun bezela). Ugarteko Goikotxeanen.

Zenek esan behar zuen, baiño urtebeten beitu zenbat gauz egin ditugun:
- 2007ko azaroan txintxarri irratiaren bloga estrenatu genuen.

- 2008an zehar Ugartetik, Txintxarri Korue eta Bioaniztasunetik blogak sortu dira.

- 2008ko otsailean gure wiki-txintxarria blogarioi begira ez ezik, herritar orori zuzendua izan zen auzolan digitalen bidez. Aldaketa nabarmena, erabiltzaile guztiok har dezakegu parte wikian.

- 2008ko apirilean txintxarriMEDIA sare soziala sortu genuen. Eduki multimedia (argazkiak, bideoak, audioak,…) sortzaileak agertzen hasi ziren. 40 inguru erabiltzailek hartzen dugu parte gure sarean.

- 2008ko maiatzean lehen Blogs&beers-a (B&B) burutu genuen. Eta hainbat etxeko lan planteatu ziren.

Ba hona hemen egitaraue:
20.00etan, Poteoa Alegin, Etxeberrianen. (Saio presentziala)
21.00etan Ugarten Afarie.
Ondoren tertulie, auzolan digitalak, proiektu berriak,…

Beraz, animatzen ba zera, apuntatu hemen. Menue zertxo bait aldatu da baño tira: mondeju zopak, mondeju eosie, mondeju prejitue, ardi gixadue, ardi txuletak gazta eta ard(i)oa. Lijero, lijero.

Bioaniztasunetik bloganiztasunera

balerditik — Fri, 31 Oct 2008 13:35:34 +0000

Gaur egun pozgarria da, eguraldi txarra dagoen arren.
Gaur jaio da, sortu du, forma eman dio, nahi dezuen bezala esan, baiño Altzoazpiko Johanek bere blog-a sortu du. Bloga interesgarrie izango dela dudarik ez det, guretik oso gertu dagoen bioaniztasuna erakutsiko digu, etxetik bi pausoetara degun bioanitzasuna.
Aspaldi hontan txntxarriMEDIAn gozatu degu bere argazki eta “txapekin”, orain bere blogarekin gozatuko degu.
Bidaio on Johan, ta ongietorri.

Tontokaletik, Balerditik, Menditik, Ugartetik,… ta orain BIOANIZTASUNETIK .
Egin TIK ikusteko.

Euskal Herriko biobloganiztasuna, zuregandik gertu.

Bedaioko 1. zaldi raid-aren bideoa

balerditik — Wed, 29 Oct 2008 18:22:47 +0000

Beno, beno, ordenadoreari firewire portue gehitu diot ta orain bideoekin jolasteko aukera det, beraz badakizue zer datorkizuen….

UPN west side

balerditik — Thu, 09 Oct 2008 22:56:33 +0000

Gar albisteak entzuten ari nintzela, ara! zer nolako sorpresa: “UPNk aurrekontuen kontrako emendakina babesten ez badu, PPk ituna etengo du”. O ze pena pentsatu det nere artean, “17 urteko ituna etengo da”. Jo lastima. Honek Selektah Kolektiboak 2000. urtean plazaratu zuen diskoan agertzen den kanta ekarri dit gogora.
Ea gustatzen zaizuen. UPN west side edo unionisten harropuzkeria.

Union del Pueblo Navarro, Naparroko Herri Batasuna?!*
(Juan Kruz Lakasta, esatari naparrak ironikoki erabiltzen zuen itzulpen literario hau…)

Naparroa batua, euskalduna ta askea! (Etor-i eskeñia, oaindela gutxi urtek in ditu ta!)

Bedaioko 1. zaldi raid -a

balerditik — Wed, 24 Sep 2008 16:09:18 +0000

Datorren irailak 28, Igandea, Bedaioko I Raid lasterketa ospatuko da. Heziketazkoa izango da, 20km ibilbidea prestatu dute eta irteera goizeko 10etan izango da Bedaiotik.

Raid lasterketak 40 km-tik 120 km bitartekoak izaten dira baina lehengo honetan Bedaion 2 fasez osaturiko 20 km-ko zirkuitua osatu dute. Irteera goizeko hamarretan izango da. Zirkuitu laburra da aurtengoa. Inguruan zaldun asko dagoela ohartuz zaldiarekin trebatzeko proposamena luzatzen dute, zaldia eta zaldunaren arteko taldea osatuz

Raid lasterketa bat erresistentzia motako lasterketa bat da, non lehenengo iristea garrantzitsua bada ere, garrantzitsuagoa da zaldia egoera físiko onean iristea. Zaldiari albaitari kontrolak egiten zaizkio, bihotz taupadak, hidratazioa, pausua zuzen eramatea etab. Horiek gainditu gabe geratuz gero, lehenengoak iristeak ez du baliorik.

Lasterketa honen bidez Bedaiotarrek heziketazko lasterketa bat proposatzen dute, zaldia gehiago ezagutzeko lasterketa bat, non bakoitzaren aberea kontrolatzen erakutsiko duten eta bien arteko erlazioa sendotzeko balio duen.

Zer esanik ez, Bedaion izanik, zirkuitu konpleto bat izango dela ez dago dudarik, aldapa gora, eta aldapa behera, belardia, pista eta asfaltoa, zeharkaldi eta paraje politaz disfrutatzeko eta zaldiaz eta Naturaz gozatzeko.

Izen emateko 620199166 telefonora deitu edo hemen eman izena.

Izen ematea irailak 25ean itxiko da eta 10 euroko prezioa izango du.

Energia 2.0, zergatik ez?

balerditik — Fri, 19 Sep 2008 10:54:43 +0000

Gaur goizean irakurri det, google.dirson.com-en, Google eta General Electrics-ek Sistema elektriko berrietan ikerkuntza eta inbertsioak egin behar dituztela. Energi berriztagarriei bultzada bat emateko asmoz. Eta bere poltsikoak betetzen segitzeko, noski!
Ala eta guztiz ere, albiste bera baino garrantzitsuagoa da niretzat kontzeptua, kontzeptu berria. Energia 2.0.
Interneten pasa zen bezela web 1.0tik web 2.0ra pasatzerakoan. Hasieran web-gune haundiek orri mordo bat sortzen zituzten eta pertsonak ikusle soilak giñen, gero ikusletik gure informazioaren sortzaile izatera pasa giñen.
Ba energiarekin berdin, kontsumidore izatetik, sortzaile izatera pasa gaitezke, energia deszentralizatuz eta gu geuk gure energia kudeatuz.

Energia 2.0, hori da bidea.

2008ko festetako argazkiak

balerditik — Fri, 12 Sep 2008 11:43:10 +0000

Hemen argazki sorta txiki bat, ume jolasak eta Bizikleta igoerakoak dira, Miss Bedaio 2008 eta guzti.

Bedaioko festak 2008

balerditik — Sun, 31 Aug 2008 20:16:03 +0000

Aurten ere festa latzak antolatu dituzte Bedaion.

OSTIALA 5

8tan txupinazoa
ondoren sagardo probaketa eta Zahagiardoa.
Gauerdi aldera Elustondo anai-arrebak.

LANBATA 6

3 t´erditan Ume jolasak.
9tan Herri Afarie ta
ondoren Maider eta Ane trikitilariak.

IGANDEA 7

Hamaiketakoa meza ondorenen,
1 etan Bedaioko Txirrindulari Igoera
5etan Herri Kirolak, tartean Ingurutxoa dantzatuko da.
Gauen mondeju jana sozidadean, egun guztian zehar trikitilariak herrian zehar.

ASTELENA 8

Meza ondorenean, Hamaiketakoa bertsolari eta trikitixaz lagundua.
Herri bazkarie.
5etan Pelota partiduk, ondoren
antzerkie ta Toka txapelketa.
Festei agurra sozidaden, “Pobre de mi”…

Foto: Reutters. Iaz sozidaden, kixton giroa goizaldean…

Mash up edo bastard rock

balerditik — Thu, 28 Aug 2008 13:33:55 +0000

Teknika bitxi hau, mush-up edo bastard rock-a berria ez den arren, oso kuriosoa da. Bi kanta edo gehiago hartu, nahastu, eta collage moduko bat eginez, kanta berriak sortzen dituzte.
Asko daude sarean, Madonna vs. Sex Pistols, Snoop Dogg vs. Jimmi Hendrix, Green Day vs. Nirvana, RATM vs. Beasty Boys, Britney Spears vs. Linkin Park, REM vs. Cher, Queen vs. AC/DC…

Hona hemen adibide pare bat, imaginatzen Michael Jackson vs. Laboa, Benito Lertxundi vs. Iron Maiden, baten batek zeozer egiten badu, kaso egin…

Gaztetxoen asteburue Bedaion.

balerditik — Thu, 24 Jul 2008 20:26:57 +0000

Egie esan behar bada, herriko haurrak esku bateko behatzekin konta daitezke, baño Bedaiotarren seme-alabak asko dira, eta nahiz astegun edo ta asteburue izan bertan jolasean ikus ditzakegu, hori pozgarrie izaten da. Etorkizun haundie du Bedaiok. Eutsi goiei!

Asteburu hontan, Bedaion, gaztetxoentzako egitarau politte antolatu du Artubi Elkarteak.
Larunbat atsaldeko 4etan da hitzordue, umentzako eskulan tallerrak, ipuin kontalarie, merienda, txokolate te txurroak,… etab. izango die.
Ondoren pelikulatxo bat botako due “txikiparken”.

Jaien berriz, mendi irteera, 10 t´erditan Artubi Elkartetik abittuko da Gurbillaundiruntz, Azkarate aldera joango gea, gero mendi txikita, hau da Urraitz aldera, ta haize egokie egon ezkero, kometa hegalariekin jolasean eiteko parada izango deu. Bueltakon ta indar berritzeko, bazkarie sozidaden, makarroiak, ….

Parte hartzeko adiña: 0tik 100 urtetara, beraz ez dau aitzikik, animatu.

Nagusi etxea

balerditik — Wed, 02 Jul 2008 20:30:28 +0000

Atzoko plenoan, 2008ko uztailaren lehenengoan, Tolosako Udalak, Nagusi etxea erostea onartu zuen (ez nago ziur erostea erabaki edo erosi dutela adierazi zuten, hori baieztatzen saiatuko nai). Beraz hemendik aurrera Nagusi etxeak, bere izenari uko egin eta herriarena izango da, edo ez?
Festetan balkoitik txupinazoa ze muz?

Lokatza lepo, Bedaioko mendi martxan.

balerditik — Mon, 09 Jun 2008 08:28:49 +0000

Denen ahotan izan zen lokatzaren kontue, izan ere azken egun, aste eta hilabeteetako eurien ondorioz, ez zen harritzekoa atzo Bedaioko mendi martxan lokatza topatzea. Euskalerri tropikala…
140 lagun inguru bildu ziren, batzuk oinez ta beste batzuk bizikletan.
Hona hemen argazki sorta txiki bat. (Datorren urtean ea beste toki batetik ateratzen ditudan, animatuko ote naiz???)

Zaldi raid-ari buruz hitzaldia I

balerditik — Sun, 08 Jun 2008 00:56:05 +0000

Hitzaldi erakustaldi ederra jaso genuena atzo, Marian (Zaldi Federazioa), Narziso (Hezitzallea) eta Txusen (Albaiteroa) eskutik. Irailaren 28n ospatuko den Raidaren nondik norakoak azaldu zizkguten bertaratutakoei.
Lehengo zatian arauak zeintzuk diren ikusi genituen, kaskoa erabiltzea, federatuta egotea (nahiz ta Bedaioko kasuan beharrezkoa ez den izango),etab. Eta bigarrengo zatia praktikoa izan zen. Mendi lasterketa hauetan kontrol gune batzuk izaten dira, bertan zaldi-behorrak nola dauden aztertzen du albaitariak. Hidratazioa, pultsometroaren erabillera, herrenik baduen ikusi etab.
Jendearen zalantzak ere argitu zituzten.
Bedaioko I Raid honen helburua, inguruko zaldun afizionatuak, Raidak nolakoak diren ezagutzea da, eta zaldi zaletasuna bultzatzea.
Hitzaldi erakustaldiaren ondoren Taloak janez giro polita sortu zen.

Zaldi raid-ari buruz hitzaldia

balerditik — Thu, 05 Jun 2008 09:49:07 +0000

Irailean ospatuko den Zaldi raid-ari lotuta, larunbat honetan, Ekainak 6, arratsaldeko 4 t´erdietan, hitzaldi-erakustaldi bat izango de Artubi Elkartean. Bertan, Marian Guridi epailea eta Narziso Arrillaga zaldi hezitzaile eta hazitzailea izango dira.
Raid edo mendiko karrera hauetan, zaldiekiko hartzen diren neurriak edo kontrolak zeintzuk diren azalduko dute, pultsazioak, hidratazioa,…bi zaldi eramango dituzte eta erakustalditxo bat egingo dute. Gehien bat raid-ean parte hartuko dutenei zuzenduta badago ere, edozein gerturatu daiteke, ekitaldi irekie da. 2 orduko saioa izango da.
Ta nola ez, ondoren talo jatea izango da,taloa, txoisoa, irugiarrea, txokolatea, …, beraz badakizue, han izango gea.

Bedaioko 2. mendi martxa

balerditik — Fri, 30 May 2008 07:40:53 +0000

Eguna iristear dago, ekainaren 8an izango da Bedaioko mendi martxa, aurreko post batean idatzi nuen bezala.
Aurtengoan berrikuntza batekin dator gainera, ibilbidea oinez edo bizikletaz egiterik izango da.
Ibilbidea ia berdiñe da, bizikletaren kasuan Artubira igo beharrik ez da izango.
Oinezko ibilbidea 6-8 ordutan egin daiteke, eta bizikletan aldiz 3-4 ordutan.
Oinezkoari hasiera goizeko 7.30eta emango zaio eta bizikletakoari 8.30etan.

ARTUBI ELKARTEAK antolatu du eta honako araudia prestatu dute:

ARAUAK:

* Federatuak eta ez federatuak parte har dezakete.
* Izen ematea Ekainaren 8an irteera baino ordu ½ lehenago.
* Ibilbideko kontrol guztietan sinadura eta ordua jaso behar dira.
* Kontrol txartela 10 € truk izango da. Bukaera arte, ondo jaso txartel hau amaieran jatekoaz trukatu eta hainbat produkturen zozketan erabiltzeko.
* Amaierako kontrola 17:00 bukatuko da.
* Zakarrak kontrol guneetan bota.
* Ingurugiro naturalean zaude, animaliak ez uxatu eta landaretza errespetatu.
* Landa lurrak eta jabetza pribatuak errespetatuz zeharkatu.
* Antolakuntzak ez du inolako ardurarik izango gertatu daitekeen edozein istripuaren aurrean.

Beraz, herria ezagutu eta naturaz eta paraje ederrez gozatu nahi duenak, ekainaren 8an du zita, izena hemen eman dezakezu.

Ausa Gaztelura mendi martxa

balerditik — Fri, 09 May 2008 09:03:52 +0000

Aurten ere Ausa Gaztelura mendi martxa egingo da, maiatzaren 18an, goizeko 10etan Larraitzen. Iaz bezela Nafarro osoaren batasuna aldarrikatuz. Goierri eta Tolosaldeko Nafarrek antolatuta, honako egitarau hau prestatu dute:

EGITARAUE

*10:00 Ausa-Gaztelura abiatu.
*11:30 Tontorrean bildu.
*11:30-12:00 Bandera zutitu gazteluan.
Txistuz Nafarroako Gorteen ereserkia jo.
Komunikatua irakurri.
Bertso para bat abestu.

*13:30 Larraitzen bildu berriro, bertako tabernetan zerbait hartu.

*14:30 Lagunarteko bazkaria. Bazkaltzen geratu nahi duenak deitu maiatzaren 15a baino lehen telefono honetara: 607 111 202

Argazkiak: Eduardo Arrayet -

1512-2012 Nafarroaren konkista

balerditik — Tue, 29 Apr 2008 08:03:44 +0000

Lehengo ostiralean, 2008ko apirilaren 25an alegia, Iruñean, manifestu bat aurkeztu zuten. Kultur eta gizarte arloko hainbat lagunek bat egin dute Nabarralde elkarteak Nafarroako konkistaren 500. urteurrena gogoratzeko kaleratu duen manifestuarekin, horien artean Pablo Antoñana, Nestor Basterretxea, Jean Louis Davant, Pedro Esarte, Mikel Sorauren eta Txaro Arteaga. Aurtengo ekaina eta 2012 bitartean ekimen ezberdinak egingo dira, 5. mendeurrena dela eta.

1512-2012 Nafarroaren konkista Manifestua
Nabarralde (Pablo Antoñana, Tasio Agerre, Néstor Besterretxea, Jean Louis Davant, Pello Esarte, Iñaki Perurena*)

Gertu dago armada gaztelar eta aragoarrek Nafarroako Erreinua konkistatu zuteneko bostehungarren urtemuga. Espainia zabalkunde garaia bizitzen ari zen lurraldeari zegokiola.
Nafarroa herri askea zen, erregea, gorteak, kontseilua eta armada zituen, baita Europan enbaxadoreak ere. Gainera bere gortea garaiko kulturaren gune garrantzitsua izan zen. Herri txikia, baina Pirinioetako bi aldeetan estrategikoki kokatua bera, Espainia eta Frantzia bizilagunek berau desio zuten (orduko Gaztela eta Aragoa). Bizilagun hauek agramondar eta beaumondarren arteko borrokak sustatu zituzten eta ondorioz, herriak lur joarazi zituzten.
Hain justu nafar erregeek gerra zibil horiei bukaera eman zietenean, Fernando Katolikoak, 1476an jada nafar Erreinuarekiko bere eskubide-asmo sendoa erakutsia baitzen, inbasioa agindu zuen.
Espainiar armada, Albako Dukearen agintepean, su eta gar sartu zen eta Luis Correak idatzitako konkistaren gaineko historian Villalva Koronelaren hitzetan jarria da armada inbaditzaileak erabili zuen basakeria: “herriak erre ziren, ehunka nafarrek alde egin zuen, emakumeak bortxatu zituzten, ondasunak konfiskatu zituzten, erbesteratzeak izan ziren, exekuzioak, …”.
Gazteluak suntsitu ziren, nafarrentzat bakarrik izan zitezkeen karguetan espainolak sartu ziren. Herriek okupazio-armadaren gastuak ordaintzen zituzten “gerra gastuak” bailiran. Okupazio militarrak 100 urte iraun zuen, eta gaur arte luzatu da.
Hala ere, mende luze hartan gaztelarren kontrako konspirazioak ere izan ziren eta hauei erregeordeek “euren lurraren aurkako erreboltariak” deitzen zieten; erregeorde hauek espainiar Gorteari txostenak bidaltzen zizkioten “nafarren frantses egiteko nahiaz” eta “hala egiten ez badira armadak galarazten duelako da”. Felipe II.ak berak gotorlekuak eraikitzeko agindua eman zuen (Iruñeko harresi eta gotorlekua) “nafarrak eusteko” eta erresistentzia izan zela eta, Biltzaileak herriz herri ibili ziren “jende alferra, iheslaria eta estaltzailea”.
Honela, konkista eta ondorengo garaia gogorra izan zen, kezka handikoa, eta ez baketsua. Honek kontraesanean jartzen du “berdinen arteko hitzarmena” izan zela dioen bertsioa, “bat egite zoriontsua” asmo txarreko interpretazio historikoa da, azken batean, egungo Nafarroaren egoera legezkotzat eman nahi baitu.
Okupazioari erresistentzia etengabekoa izan zen; egitandi gogoangarriak izan zirelarik, Amaiur defendatu zutenena kasu. Honez gain, geroztik eta egun arte herri honen estatusaren hondaketa-prozesuak aitzina segitu du, probintzia bihurtzeraino eta egun, Autonomia Erkidego, ia-ia Nafarroa izena desagerraraziz.
Gaur, Nafarroa Espainiara libreki bildu zela dioen faltsukeriaren aitzinean, 2012an Espainia Nafarroa konkistatzen hasi zela 500 urte beteko direla gogora ekarri nahi dugu, data hura giltzarri izan zen gure estatua indarrez hondarazteko. Bitartean, XXI. mendeko Europan herri berriek independentzia lortzen dute, batzuek lehenbiziko aldiz beren historian, guk hala, gure mendeetako ibilaldia erakutsi nahi dugu eta kendu ziguten hura berreskuratzeko eskubidea dugula garbi adierazi; burujabetza galdu izana gure herriarentzat galbidea izan da.
Gauzak honela, 1512ko konkista XVI. mendean oraino askeak ziren nafar lurraldeen inbasio bortitzaren emaitza izan zela, eta, ondorioz, gure herria espainiar eta frantses kolonia dela ezagutzea beharrezko deritzogu.
Historiak independente izan ginela erakusten digu, eta izateari utzi geniola, ez gure arbasoen nahiaz, baizik eta espainiar eta frantses nahikeria dela eta. Eta, hain zuzen ere, gure interes nagusia ez baita iraganean, orainean eta geroan baino, memoria historikoa berreskuratu nahi dugu askatasunerantz pausoa emateko eta gure eskubideak defendatzeko.
Ziur gara nafar gehienek ez dutela orain bost mende gertatua ezagutzen. Ezagutuko balute, egungo errealitatearekiko beste jokaera bat biziko genuke.
1512 hartatik ia bostehun urte joan dira, baina Nafarroa bizirik da, Obanosko Infantzoien aldarria gaurkoa ere bada, indarrean da:

PRO LIBERTATE PATRIA, GENS LIBERA STATE

1512-2012 Nafarroa bizirik!

* Manifiestu hau sinatzen degu:
Pablo Antoñana (escritor)
Nestor Basterretxea (escultor)
Tasio Agerre (Nabarralde)
Jean Louis Davant (escritor)
Iñaki Perurena (artista y deportista)
Txaro Arteaga (Emakunde)
Pedro Esarte (escritor, historiador)
César Krutxaga (Osasuna)
Patricia Amigot (kazetaria)
Estitxu Fernández (kazetaria)
Floren Aoiz (escritor)
José Luis García Falces
Gabirel Ezkurdia
Iñaki Sagredo (historiador)
Joxe Erramun Bustillo Kastrexana (periodista)
Josu Mirena Ezkurdia Goienetxe
BASQUE POWER (Gernika)
Tasio (dibujante)
Mikel Sorauren (escritor, historiador)
Fredi Paia (bertsolaria)
José Mari Esparza (Txalaparta)
Koldo Martínez Garate (Nabarralde)
Angel Rekalde (Nabarralde)
Zelai Nikolas (Euskaria)
Iñaki Zabaleta Urkiola (UPV, irakaslea)
Joseba Felix Tobar-Arbulu (UPV, irakaslea)
José Mari Lorenzo Espinosa (UPV, irakaslea)
Dionisio Amundarain
Josu X. Udaondo B.
Federico de los Ríos Marín
Urtzi Sertutxa (Mamarigako Kultur Etxea, albokaria)
NABARRAKO HERRITARREN EKHIMENA
Iñigo Saldise Alda
Txarli Gesteira
………

Beko itturrie.

balerditik — Mon, 21 Apr 2008 16:20:05 +0000

Bedaion, Larrañeta baserritik behera, Ezkolborro aldera abiatu gara. Errekara iristean zubi txiki bat topatu dugu eta, hara gure atsekabea, zubi txiki polita erortzeko arriskuan dago, hau zoritxarra.
Aurrera jarraitu dugu eta errekara begira goazela han behean iturri bat dirudien zerbait bistatu dugu. Berehala bueltatu eta bertara jeitsi gara. Zoragarria, arropako jotzeko harria, putzua, iturria, benetan liluragarria. Hemen ere nahigabea, hau ere erabat utzia eta kaltetua bait dago.
Gure atsekabe eta nahigabe guztiarekin gorantz abiatu eta Amona Mariari galdetu diogu paraje horietaz. Gure harridura eta lilura haundituz doaz berak kontatutakoa entzutean.
Zubi txiki polit hartatik, gurdiak pasatzen omen ziren. Sinest eziña.
Iturrian berriz arropa garbitzen omen zuten, eta neguan ur epel epela izaten zuela kontatu digu, iturriko ura paregabea zela dio.
Berriro ere denok hori ikusteko aukera izateko, ezin dugu horrela utzi paraje hau, berreskura dezagun denon artean, auzolanean, edota Amezketa eta Tolosako Udalei gonbitea zuzenduta, zerbait egin dezaten.

Bedaioko II. mendi martxa

balerditik — Sun, 13 Apr 2008 09:59:54 +0000

Aurten ere ospatuko da iaz estrenekoz egin zen mendi martxa.
Ekainaren 8an izango da, ibilbidea iazko berdiña izango da, Tagzanian ibilbidea ikus dezakezue.
24.83 km-tako luzera du eta ondo bidez 6-8 ordutan egiten da (iaz bakarren batek 5 ordu azpitik egin bazuen ere).
Ea aurtengoan, iazko 162 partaideak gainditzen diren.

2007ko I. mendi martxako argazkiak ikusgai - Argazkiak: Xa2

Zorionak 2Ktu!

balerditik — Sun, 30 Mar 2008 11:05:28 +0000

Ez dut tutik ere ulertu!?

Zorionak!!!

Sortu blog bat

balerditik — Sun, 23 Mar 2008 18:08:47 +0000

Bizitzan hiru gauz egin behar omen die:

1.- Familie euki.
2.- Zuhaitz bat landatu.
3.- Blog batean idatzi (liburuarena pixka bat zaharkituta dago…)

Baño nundik hasi?
Oso errexa eta merkea (debalde) da, gaur egun ba dadue plataformak, non blog bat sortu eta kudeatzea oso errexa dena.
Euskeraz baditugu hainbat, gero eta gehiago:Blogak, blogari, nireblog, mundua,…
Erderaz kudeatzen direnak: blogspot, blogia,…
edota inglesez: blogsome, wordpress, blogates,…

Ni pertsonalki blogsome-zalea naiz, hori gomendatu zidaten eta egie esan oso gustora nago, aukera asko ematen ditu, baño noski dena inglesez dago, ala ere IKTeroei esker oso erraza da bloga euskeratzea.

Ez dago aitzakirik, hasi lanean!
Ni bitartean astebeteko oporrak hartuko ditut.
Ondo izan.

2008ko Agenda Kulturala

balerditik — Fri, 07 Mar 2008 10:49:06 +0000

Dagoeneko ostatua dago 2008rako Egitaraue, Hitzan aurkeztu da. Hamaika ez baño, oraindik hamalau arrazoi ondo pasatzeko. Lehenengoa apirillaren 5ean, Astigarragara autobusez joan eta sagarrondoei txertaketa nola egiten den ikustera, ondoren sagardotegian bazkarie (biajea aprobetxau in behar ba!) Animatu.

Urte guztirako egitaraue honako hau da.

2008 KO EGITARAUE

Apirilak 5. Astigarragan sagarrondo txertaketa ikastaroa.

Maiatzak 8. Harri jai eguna.

Maiatzak 9-11. Kultur Asteburua.

Ekainak 8. Mendi ibilaldia.

Ekainak 22. Jubilatuen eguna.

Uztailak 6. Gure artean falta ditugun gazteen oroimen eguna.

Uztailak 25-27. Gaztetxoenen txokoa.

Irailak 5-8. Jaiak.

Irailak 28. Abereen inguruko ekitaldiak.

Urriak 4. Afaria.

Azaroak 1. Musa, gaztain jatea eta kantu afaria.

Azaroak 29. Errioxara bidaia.

Abenduak 14. Azoka.

Abenduak 24. Eguberrietako kantuak baserriz baserri.

Transgenikoak

balerditik — Fri, 29 Feb 2008 20:57:19 +0000

Aste hontan, Greenpeacek, Elikagai transgenikoen gida berdea eta gorriaren 4. edizioa aurkeztu du. Honek, Hego Euskalerriko dendetan aurkituko ditugun elikagaien osagaien jatorria zein den erakusten du.
Europear Batasunean orokorrean artoa eta soiaren genetikoki manipulatutako deribatuak erabiltzen dira elika-katean.

* Soia: iriña, proteina, olioa eta koipea (askotan olio/koipe begetala bezela “izkutatzen” dira), lezitina E-322, azido koipetsuen mono eta diglizeridoak (E471), azido koipetsuak.
* Artoa: Iriña, almidoia*, olioa, semola, glukosa, glukosa xarabea, fruktosa, dextrosa, maltodextrina, isomaltosa, sorbitola (E420), gozokia (E150), grits.

*“almidoi modifikatuak” ez du zertan transgenikoa izan beharrik, modifikatu honek almidoiak jasaten duen aldaketa fisiko-kimiko bati erantzuten dio.

Gida hau baliagarria izan daiteke elikagaiak aukeratzerako garaian.

P.D. Galdera bat sortarazten dit honek, artiriñe, taloak,… zein jatorriko artoa darabilgu eskuartean?

TRANSGENIKOAK STOP!

Tuning

balerditik — Tue, 19 Feb 2008 14:34:15 +0000

Aspalditik nuen gogoa bloga tuneatzeko, ez dakit hitz hau egokia den. Nik huste kasu hontan rondalling, hobeto datorkiola.
Zergatik rondalling?
Oso erreza, Ordiziako Jakintza ikastolako IKTroen txantilloia erabili dut, eta Ordizian tunarik ezean rondalla badagoenez, beraz rondalling!
Tontakeriak alde batera utzita, eskerrak eman nahi dizkiet Jolaus eta Mikel Etxarriri, beti laguntzeko prest daudelako.

Eskerrik asko bioi!

Ostegunean bloga itxita!

balerditik — Tue, 12 Feb 2008 17:19:42 +0000

Ostegun hontan, blog honek bat egiten dut greba deialdiarekin eta itxita egongo da. Horretarako
helbide hontara bidertzea sarrerak ondo egongo litzateke.
Baña nola bideratu?

xuriken-en irudia.

Amezketako Talai-dantzariak Bedaion.

balerditik — Tue, 12 Feb 2008 11:22:30 +0000

Aurten ere izan dira Iñauterietako astelenean, Amezketako Talai-dantzariak, urtero legez. Bideoa zintzilikatu dute, dantzan.com webgunean. Hemen dezute ikusgarri.

Beraiek esaten duten bezela, polittena bertan zuzenean ikustea da, datorren urtean akaso?

No time for love

balerditik — Mon, 11 Feb 2008 13:49:46 +0000

The is no time for love in the basque country, please extend the solidarity.
Ez dago maitasunerako aukerarik Euskal Herrian, zabaldu elkartasuna.
data="http://www.3arrano.com/player.swf" id="audioplayer1" height="24"
width="290">
value="http://www.3arrano.com/player.swf"> value="playerID=1&bg=0xf8f8f8&leftbg=0xeeeeee&lefticon=0x666666&rightbg=0xcccccc&rightbghover=0x999999&righticon=0x666666&righticonhover=0xffffff&text=0x666666&slider=0x666666&track=0xFFFFFF&border=0x666666&loader=0xDE7C14&soundFile=http://www.3arrano.com/no-time-for-love.mp3"> value="false"> value="transparent">

En Tolosa iñauteriak…

balerditik — Mon, 28 Jan 2008 11:26:33 +0000

Ba Bedaion ere ospatzen ziren Iñauteriak. 1934. urterarte ospatu izan ziren karnabalak. 1950. urte inguruan izan zuen susperraldi txiki bat, bainan lau urtez iraun zuen. Ordu ezkero ez da gehiagotan ospatu karnabalik Bedaion.
Txantxoak ibiltzen ziren herrian zehar, abarketan zinta koloredun, soñean alkandora ta praka txuriak, eta pañolo ta gerriko gorriarekin janzten ziren. Txapela gorria koloretako borlekin.
Herrian zehar ibili ta gero bazkaria eta dantzaldia plazan izaten zen. Ta noski ingurutxoa eta makil-dantza ez ziren faltatzen.

Bedaioko karnabalak egiten ez diren bitartean…

Letras Canciones.

www.quedeletras.com

P.D. Aurten ere autobus zerbitzu berezirik EZ da izango.

Inkesta

balerditik — Wed, 16 Jan 2008 09:04:06 +0000

Azken aldi honetan komunikabideetan Bedaiori buruz hitz egiterakoan, era desberdinetan agertzen zaigu. Herrixka, Tolosako auzoa, Udalik gabeko herria,… hori argitu nahian edo, inkesta bat luzatzea erabaki dut, noski emaitza hauek ez dira binkulanteak izango.

Nik ez dut egingo Iruñeako udalak bezela, Neguberritan Iruñarrak zer nahiago zuten galdetu ta Olentzerok, Papa Noel eta 3 Erregeei, abantaila haundia ateratzen zietela ikusita, inkesta bertan bera utzi zuela.

Amorraiek elbie irentsi!

balerditik — Fri, 11 Jan 2008 21:22:56 +0000

Gaur jaio da Ugarten blog berri bat. Ugarte, Bedaio bezala, udalik gabeko herri txiki bat da. Txikia bere haunditasunean, noski.

Aspaldian mega -super -maxi -hiper - zentro komertzial multinazionalekin josi dituzte bazterrak, bertan taberna, dendak, txiki-park, jatetxe, zinema, …, xoxak xahutzeko toki paregabeak…
Ba jakin ezazue aspalditik dagoela Ugarten, herrikoa, bertakoa eta herriaren mesederako, taberna-estanko-denda-jatetxe dotore bat, kanpoan parke txiki bat duena. Zer nolako mondejuak jan genituen Txintxarrisferako 1. biltzarrean, umm (ardiki espezialistak dira, ahal izan ezkero pasa bertatik).
Bertako alaba Eiderrek hemendik aurrera Ugarteri buruzko bloga kudeatuko du.

Udalik gabeko Herriek, Udalik ez, baino Hitza bai.

Animo Eider!

Txiri Tour

balerditik — Thu, 03 Jan 2008 22:08:41 +0000

Aurten ere ospatuko degu Sagardo probaketa ibiltaria. Goitik bera txiri tour-a bihar ospatuko degu. Bedaio, Amezketa eta Alegiako sagardo egile batzuk elkartu eta kupel desberdiñak probatuko ditugu. Hasi Bedaiotik hasiko gara, Sozidaden tragoska bat ta gero Eletxeko sagardoa probatuko degu, bertatik Belarmuara, ondoren Amezketako Zillartegikoa dastatuko degu. Goitik behera, Alegian Azpeitia, Pedro Juan, Xantos, Xantosen semea Iñigo, Xantosen billoba Asier, eta Toturen sagardoak dastatuko ditugu, eta bukatzeko Batixte Arandiaren sagardoa dastatuz afari legea, ordurako nahikoa janda egongo gera seguraski, txotx bakoitzarekin zeozer jateko izaten bai da.
Hori gutxi balitz, Alegiko Txanpio ta Beñat Etxetxuri bertsolariak izango ditugu. (Iaz garesti xamar atera zitzaizkigun, gutxi abestu ta asko jan).
Tonto-tonto hamaika sagardo dastatzeko aukera izango degu, esperientziak trukatu, kontu batzuk esan: hau motela, hau bizie,…
Ta sagardoak zein baño zein hobegoak, hori seguru!!!

Elkartasun askeko Estatutoa onartua.

balerditik — Fri, 28 Dec 2007 04:34:49 +0000

Atzo 2007ko Abenduaren 27an, Tolosako Udaletxean urteko azken Plenoa burutu zen. Bertan, 7. puntua, Bedaio eta Tolosa arteko Elkartasun Askeko Estatutoa, aho batez aprobatu zen, boto bakarra izan zuen kontra.
Hau da, atzoko egunez, Tolosako Udalak onarturiko Estatutoaren zati bat:

I. TITULUA.- TOLOSAKO UDALAREKIKO HARREMAN
POLITIKORAKO ARAUBIDEA ETA BERMEAK
Lehenengo kapitulua.- Elkartasun askeko estatusa
12. artikulua.- Elkartasun askeko araubidea
Bedaio auzoko herritarrek, beren borondatearen arabera , Tolosako Udalarekiko harreman politikorako araubide berezi baten bidez, elkartasun askean oinarrituta, elkarrenganako errespetutik
eta elkarren onarpenetik abiatuta, Estatutu Politiko honetan ezarritakoaren arabera, eta
esandako ondorioetarako estatutu hori izango da oinarrizko arau instituzionala.
Elkartasun Askeko Araubide hau onartzeak ez dakar Bedaioren eskubide
historikoei uko egiten zaienik, eta une oro eguneratu egin ahal izango dira herriaren
borondate demokratikoaren arabera.
13. artikulua.- Erabakitzeko eskubidea demokraziaz erabiltzea
1. Bedaiotarrek askatasunez erabakitzeko eskubidea demokraziaz
erabiltzeko ondorioetarako, hortik dator-eta Estatutu honen zilegitasun demokratikoa,
Bedaioko instituzioak erreferendum bidez bedaiotarrei kontsulta
demokratikoa egitea arautu eta kudeatzeko ahala daukate.
2. Bedaioko instituzioak beraien lege bidez
arautuko dute bere lurralde-eremuan erreferendum bidez kontsultarako eskubidea
erabiltzea, eta horretarako, moldeak, kasu bakoitzean jarraitu beharreko prozedura,
emaitzen baliotasunerako baldintzak eta emaitza horiek ordenamendu juridikoan sartzea
ezarriko dute.
3. Bedaiotarrek berariaz jarritako kontsultaren aurrean beren erabaki askea
demokraziaz erabilita, beren borondate argi eta zalantzarik gabea adierazten dutenean
estatutu honetan araututako Tolosako Udalarekiko harreman politikoaren eredua eta
araubidea osorik edo funtsean aldatzeko, baita Euskal Herriko eta nazioarteko eremuko
harremanak aldatzeko ere, euskal instituzioek konpromisoa hartuta
izango dute Bedaioko gizartearen borondate demokratikoa adostasunez gauzatzeko aukera
emango duten baldintza politiko berriak ezartzearen alde negoziazio-prozesu bat
bermatzeko.
Bigarren kapitulua.- Autogobernuaren bermeak
14. artikulua.- Tolosarekiko harreman politikorako printzipioak
Estatutu honetan Bedaio eta Tolosako Udalaren arteko
harremanetarako jasotako araubidea instituzioen arteko elkarrekiko leialtasun printzipioan,
lankidetza-printzipioan eta aginteen arteko oreka-printzipioan oinarritzen
den berme juridikoen araubide bat ezartzeari lotzen zaio.
Harremanen araubide honen itun politiko izaeraren eraginez, estatutu honetan
ezarritako lankidetzako eta gatazkei aurrea hartzeko tresna guztiak agortu beharko ditu
Estatuak. Ondorioz, ez da Tolosako Udalak aldebakarretik aplikatzekoa izango Konstituzioko
155. artikuluan aurreikusitakoa, eta ezin izango da, era berean, aldebakarretik agindu
Bedaiorentzat nahitaez bete beharreko hertsatzeko neurririk ere.
15. artikulua.- Bedaio-Tolosa Bitariko Batzordea
1. Orokorrean, Tolosak eta Bedaiok aldez aurreko kontsultabidea
erabiltzea bermatuko dute, baita lankidetza-gutunak ere, instituzioek elkarri bata
bestearen jarduerak harmonizatzeko eta gerta litezkeen gatazka-egoerei aurrea hartzeko
beharrezko informazioa eta lankidetza eskatzeko askatasunez zuzendu diezazkieketen
errekerimenduak dira-eta.
2. Bedaio-Tolosa Bitariko Batzordea sortzen da, Tolosako Udalak eta
Bedaioko herritarrek izendatutako ordezkari-kopuru berdinaz osatuta. Orokorrean
gobernuen arteko lankidetzarako instituzio-harremanez jardungo du, eta prozedura
berezi hauen aplikazioa harmonizatu beharko du:
a) Oinarrizko eskubide eta betebeharren garapenari eragiten dioten legeproiektuak
ezagutu eta horien gaineko txostenak egitea.
b) Gorte Nagusietan edo Eusko Legebiltzarrean araugintzako lankidetzarako
errekerimenduak kudeatzea, legeak, arau-xedapenak edo lege-indarreko egintzak
izapidetzean Tolosaren eta Bedaioren arteko harremanen eta eskumenbanaketaren
araubidea urra daitekeela nabaritzen bada.
3. Bitariko Batzorde horri dagozkio, halaber, kanpo-harremanen arloko
jardueren koordinazioa eta jarraipena.
4. Bedaio-Tolosa Bitariko Batzordeak, bere eginkizunak betetzerakoan,
estatutu honetan aurreikusitako politika eta gai zehatzetarako beste koordinazioerakunde
berezi batzuen aurka jarri gabe jardungo du.
…
Textu osoa hemen.

Eguberriak

balerditik — Sun, 23 Dec 2007 23:42:06 +0000

Aurten ere allatu die. Gaur arratsaldean, herriko gazteak, eta ez hain gazteak… kantari ibiliko dira eta Bedaioko Egutegie esku artean izango degu.
Ate joka dabiltzanekin ojo!.

Ez ba gera ikusten, urtea ondo hasi!

Gaur urtebete!

balerditik — Fri, 21 Dec 2007 00:00:09 +0000

Zeñek esan behar zuen, baño iritsi da. Gaur blog honek urtebete bete du. Iaz 2006ko abenduaren 21 ean, xantotxorizo egunez, txoro-txoro hasi ta beittu.

Hauek dira datuak:
- 73 post.
- 55 erantzun/iruzkin.
- 1411 bixitari.
(Ia astero Los Angeles, Californiatik ere izaten dugu bixitari bat, hemendik gonbitea nahi duzunean mezuren bat uzteko. Bedaiotar diaspora ere blogari.)

Akaso letra ez dezue jakingo, ba oain ez dau aitzakik, denok kantatzea.

Azoka berezie.

balerditik — Tue, 18 Dec 2007 10:39:12 +0000

Lehena oraiña bihurtuz, etorkizune eraiki.

Artilearekin harie egin, altzairu zaharrak konpondu, otarrak egin, abereak perratu, egurra margotu, mila kolore eta zapore duten barazkiak, taloa, txoisoa, kroketak, gaztañek, …
Bertan ekoiztu eta bertan kontsumitu, hori da bidea.
Abere asko izan zen, zaldi, behor, idi, txakur, ollo, ardi, txite, …, eta egitarauan ez bazegoen ere ahuntz batek bi antxume erditu zituen.
Aipatzekoa, herritarren parte hartze handia, zorionak!
Datorren urtean berriz, binbittarten… to argazkik!

Ingurutxoa

balerditik — Fri, 14 Dec 2007 22:08:21 +0000

Ikusi zer nolako tresnak ditugun sarean audioa zintzilikatzeko. Nahikoa da artxibo bat MP3 formatoan edukitzea, audio editore bat aukeratu, kanta igotzea eta zure blogean enbotatzea.
1. Audioa alojatzeko eta gero blogan enbotatzeko: goear; boomp3; evoca, odeo,
2. Audioa grabatzeko aplikazioa: audacity,

boomp3.com

Baten batek ez badaki, egun, jaietan bakarrik egiten dute, baina garai batean maiz dantzatzen zuten. Igande arratsaldetan erromeria izaten zen: Joan Antonio Sarasolak txistua jo eta plazan elkartzen zirenek dantza egiten zuten.
Nafarroatik sartutako dantza mota dela uste da. Gipuzkoan, Bedaion eta Ugarten izan ezik, beste inon ez da dantzatzen.
Bedaiotarrek igandero dantzatzen zuten urte haietan osasuntsu mantentzen zen ingurutxoa. Gero, ordea, baxualdia izan zuen. Bedaioko plazak hogei urte inguru eman zituen ingurutxorik gabe.
Galtzen uzteko altxor baliotsua zela ikusita, herriko hainbat laguni deitu eta berriro dantzan hastea proposatu zien Valentina Jauregik.
Dantzarako orduan, elizaren eragina ere nabaria zen; horregatik, elkarri helduta ez, baizik eta zapi bat tarteko dutela dantzatzen hasi ziren.
Jaietan, meza nagusiaren ondoren ere dantzatzen zen dantza hau. Baina hark bazuen berezitasun bat: bi bikote bakarrik aritzen ziren dantzan. (bedaio.com-etik hartua)

Ongi etorri.

balerditik — Wed, 12 Dec 2007 17:27:41 +0000

Uxue, txokolatezko eta marrubizko muxuak zuretzako, politte.

Etxeko epelean gozatu familiaz.

Ganadu eta barazki azoka.

balerditik — Mon, 10 Dec 2007 10:33:01 +0000

Igande hontan, Abenduak 16, Bedaioko 1. ganadu eta barazki azoka ospatuko degu.
Bertan Bedaioko baserrietako ganadua, zaldi, behor, ardi, ahuntz, zerri etab. eta baita barazki mota ugari ikusteko aukera izango degu. Artillearekin harie nola egin, egurren grabatuak, perratzaileak eta beste eskulan desberdinak ere izango dira ikusgai.
Bedaioko errotan egindako artiriñe talo moduan probatzeko aukera paregabea, gaztain erreak eta sagardoa. Dena esanda dago? Ez, eguna bukatzeko sozidadean babarrun jatea, beraz ANIMATU!
Bitartean muxuuuutxoak! Kurrin-kurrin.
Argazkia errepikatzeko boluntariorik bai?

Euskarak batzen gaitu?

balerditik — Sat, 01 Dec 2007 23:28:54 +0000

Astea hontan Andoni Egañak hitzaldi bat eman du Ordizian, bertan euskara, euskalki, enpresa, etab.ei buruz aritu zen. Euskalkien garrantziaz hitz egin zuen bertan.
Euskalkiak zaindu behar ditugu. Tolosaldeak, edo Tolosa ondoko herriek (Tolosan aspaldi galdu zen), bazuten/badugu euskalki, edo azpieuskalki bat, beste euskalkietatik bereizten zutena/dutena, nortasun propioa zuena/duena. Euskara batuaren sorrerarekin, eta honek gure euskararekin duen antzekotasunarengatik (eta gure utzikeriarengatik), gure euskarak nortasuna galdu, eta desagertzear dago. Belaunaldi berriei aditu besterik ez dago.
” Dago guai, super ondo dago,…”
Hemendik 200 urteetara Euskal Herrietan biztanleen %90 euskara batua (batua baino gehiago, kakapillatua esango nuke nik) hitz egiten dutela esaten badigute, euskera galdu den señale izango da.
Euskal Herria ez da bat (hori beste bat da, Una, Grande y libre), Euskal Herrietan euskara asko daude, zaindu ditzagun euskalkiak, gure ardura da.
Hitza egunkarian faltan botatzen det bertako euskararen erabilera eskasa (Leitzeko kasua salbu), azkenean bertakok leitzen degu.
Euskerek batzen gaituzte.

P.D. Tolosaldeko Hiztegie osatzeko ekimena martxan da, bertan parte hartu dezakezu.

2008ko egutegie

balerditik — Wed, 28 Nov 2007 09:23:55 +0000

Aurten ere “Bedaioko egutegie” esku artean izateko aukera izango dugu. Argazki zaharrez osatutako egutegia izango da aurtengoa ere. Zeinetakoak diren, nor diren, …, urteak ez dira alferrik pasatzen (batzuentzat bai!). Gosea pixka bat asetzeko hemen doa argazki sorta bat. Ea zer iruditzen zaizkizuen. On egin!

Proxima estación Esperanza.

balerditik — Sat, 24 Nov 2007 23:57:37 +0000

View Larger Map
Hona hemen ahtgelditu-k prestaturiko mapa, bertan, AHT-k zeharkatuko lituzkeen udalerriak nahiz “Euskal Y”ren eraikuntza lanek eragingo lituzketen hondakindegiak kokatu dituzte, baita haiei buruzko informazio zehatzak, hala nola, udalerri bakoitzean AHT-ren ibilbideak izango lituzkeen ezaugarri nagusiak, eragingo lituzkeen kalte nagusiak, etab. Urdiñez tunelak, horiz biadukto edo zubiak eta gorriz lur azal gaineko zatiak dira.
Egie esan behar ba dut, hitzik gabe geratu naiz hau ikusterakoan, a zer nolako… potrok!
Bedaioko kasuan mapan ikus daiteken bezela Ugarten lur azpin sartu eta Esolas Aroztegin paren ateratzen da lur azalera, Saberri baserriaren gainetik biadukto baten bidez errepidea eta gero erreka pasatu ta berriz lur azpin sartzeko, azkenik eskoletxe paren biaduktoa eta berriz lur azpira kasi Beteluraino, ta hori dena zertarako?

Beste aukera bat mapa ikusteko Google Earth programa deskargatu eta fitxero hau zabaltzea izango litzateke, bertan 3D moduan ikustea dago.

Proxima estación Esperanza.

Lotsa bare

balerditik — Wed, 21 Nov 2007 14:43:17 +0000

Iuef, atzo probetan ari nintzela nahi bare, txintxarrisferako biltzarrari buruzko posta borratu nuen. Txintxarrisferari buruz hitzegin dezakegu, lotsa bare (gabe), harrotasunez, ideia, proiektuak,… ba daude. Han izan ginenok gustora irten giñen. Sekulako afaria egin genuen, monotematikoa. Gaia ardia izan zen, era ezberdinetan jan genuen eta!, zopak, mondejue, gisaue, txuletak, mamie, de lujo. Gomendatzeko taberna bat da Ugarteko hau, ez du Michelin izarrik, baino ezta beharrik ere, oso ondo jaten da. Eskerrikasko.
Ajea kentzeko modu asko izan genituen, spidifen, musika, etb, baina merezi izan zuen.
Eskarrikasko baita ere Jolaus, Teketen, Gaztelumendi, Luistxo, Xa2er etab-i beraien animoengatik.

Txintxarrisferak badu etorkizune ikusi bestela Eñaut (7 urte) eta Amaiur-en (5 urte) blogak.

BubbleShare: Share photos -

Gola eleala!!!

balerditik — Fri, 16 Nov 2007 09:35:03 +0000

Konkistatzaileak konkistaturik…

Orain dela hilabete batzuk, MCC-k Txinan eraikitako baserri bati buruz post bat zintzilikatu nuen. Deslokalizazioari buruz beste bat, etab. Sustatun ere izan zuen tartetxoa Txinako baserriari buruzko postak. Gauze da, gu euskaldunok konkistatzaile moduan.
Txina konkistatzera jun giñela, je, je, je. ta orain buelta, jo, jo, jo.
Txinatar holding (horrela esaten zaio?) batek Errealaren %35 erosi nahi du. Benetan, irratian albiste hau aditzen dudan bakoitzean lehertu egiten naiz. To deslokalizazioa. Mundu globalizatue.
Jada ez naunk ezer harritzen!
Gola eleala!

Azkenean!

balerditik — Thu, 15 Nov 2007 14:21:44 +0000

Arazo teknikoak gaindituta hemen naiz berriro, (lasai blogosfera, bizirik nago), ordenagailua txukundu eta lanera!
Gauz asko ditut esateko bainan aurrena, bihar 1. Txintxarrisfera topaketa ospatuko dugula esan nahi dut, Alegialdeko blogarien lehenengo biltzarra, Ugarten ospatuko degu, nola ez mahai inguruan, afalduz kontuak esan, esperientziak trukatu etab.
Ze gogoa mondujuk jateko dios!
mondeju zopak, ardikie, gazta, … lijero, lijero.
biba kolesterola!

Abiadura Handiko Trena

balerditik — Wed, 31 Oct 2007 09:35:33 +0000

Ibarretxe, gure, lehendakari jauna egunero aditzen dut, Espainiak herri honen erabakia errespetatu beharko duela, hori dela demokrazia. Kontsultaren emaitzak onartu eta errespetatu beharko direla… horrelako hitz politez betetzen du bere ahoa. bla, bla, bla…

Alegi eta Itsasondok eman zuten bere iritzia, baña beraien eskabadora eta makiñekin gañetik pasako dira. Bost inporta herriek kontsultetan esandakoa, horri hipokresia deitzen zaio ezta?
Gure inguruetako herriak mehatxupean daude, baina gurea ere bai. Euskal Y-arekin lotzeko Nafarroako korridorea aurrera atera nahi dute, eta horietako aukera bat Alegitik abiatu eta Bedaiotik pasatuz Irurtzun aldera joango litzateke. ( F alternatiba edo H2)

Noski, kontsulta bat egingo dute, a! ez, ez nahastu naiz.

Nafarroako erriberako aiton batek esan zuen bezala:
“El que tenga prisa, que se joda y madrugue, pués”.

Deskargatu “AHTren inpaktua Aralarren” dossierra.

Txintxarrisfera

balerditik — Fri, 26 Oct 2007 20:47:54 +0000

Txintxarrisfera handitzen doa, azken ailegatu berriak Zazpi astoren gainean Alegiako bertso eskolakoak dira.
Dagoeneko ere wikia badu txintxarrisferak. Horren erruduna Iñigo da. Orain gure lana da bertan parte hartu eta dinamizatzea.
Nola ez “Como primer punto del orden del día…”mondeju jate bat antolatu nahi da!!!

Bainan zer da wiki bat? Horretarako, hori ulertzen lagunduko duen bideo hau ikusi. Ingelesez egon arren, oso era grafikoan erakusten du.

Subtituloak Iñigok esan dit nondik jetxi.

1003 bixita!

balerditik — Tue, 23 Oct 2007 08:25:16 +0000

Zorionak nere buruari, blog honek aurten dagoeneko 1000 bixitari ezberdin izan bai ditu. Bedaio munduan barrena nabigatzen. Baina larrosek ere arantzak dituzte. Parte hartze txikia du, eta blog honen helburutako bat eztabaidarako toki bat izatea da. Postak komentatu lasai, eman zure iritzia, txalotu edo kritikatu; parte hartu. Horretarako erantzunen gainean klikatu ta idatzi, era bat anonimoak dira, lasai.

Komunikazioa

balerditik — Tue, 16 Oct 2007 08:15:16 +0000

Gure etxe aurrean obran ari dira. Igeltsero euskaldun bat dago obra antolatzen, honek nahikoa lan ba du erderaz* egiteko, bainan moldatzen da (beharko, erdaldunak ez bait du euskerarik egiten). Erderaz komunikatzeko gaitasuna lortu duenean, to, orain Pakistandar koadrila bat etorri zaio adreilua jartzera (izurrate kapote!). Mimika erabiliz hor dabiltza.
Honek txiste bat ekarri dit gogora.

Baserritarrak idiekin daude soroan ta kotxe dotore bat ailegatzen da, leihoa jaitsi ta barrutik gizonak zera esaten du:

Argazkia: Eduardo Arrayet.
Txistea: Auskalo.

* erdera: Garai batean erdera, euskera ez beste hizkuntzei esaten zitzaien, hitz honen jatorria ikertzaile batzuen arabera, erdiera izango litzateke. Erdierak, hitz egiteko gaitasuna bazutela baino komunikatzeko ez, hau da,erdizka, adierazi nahi zuen.
Erdaldunak, erdia dutenak, atzerritar guztiak izango lirateke, nahiz ta gaur egun hitz hau gaztelanieraz hitz egiten dutenentzako erabili.

Hotza heltzen denean…

balerditik — Mon, 15 Oct 2007 07:47:30 +0000

Gorputza prestatu beharra dago hotzari aurre egiteko, horretarako zer dago ardikia baino hobeagoa. Ugarteko festak pasa dira ta horrek, mondeju garaia iritsi dela adierazten du. Egie esan desiratzen nengoen mondeju pintxo bat jateko.
Mondejuak errepikatu egiten duela esaten dute, baino errepikatzen duena ni izaten naiz (pintxo batekin ez bai naiz konformatzen…).
Mondejua eta ardikia dastatzeko aukera polita Urriaren 20ean Artubi Elkartean, gaueko 9etan. Aurretik 8tan Toka txapelketa egongo da.

On egin!!!

Playmobil

balerditik — Fri, 05 Oct 2007 08:28:01 +0000

Ikusi zer nolako bideo kuriosoa egin dute Donostiako Zurriola ikastolan.
Hemen ere, etxe gehienetan bezala, etxeko lanak eta umeen zaintza amari egokitu zaizkio, aita dutxatu ta ospa, bada garaia topiko tipikoak hausteko ezta?

In-komunikazioa

balerditik — Tue, 02 Oct 2007 08:58:49 +0000

Aspaldi honetan, sarritan entzun degu telefono-hariak lapurtzen ari direla bazter guztietan. Nahiz eta komunikabideetan ez esan, Bedaion ere izan da horrelakorik. Lapurreta fisikoki Amezketan gertatu bada ere, Bedaio ere isolatuta geratu da ondorioz.
-Lasai, to mobille! -Koberturaik etzeok eta!
Bedaion ez dago mugikorrentzako koberturarik (non eta azken generazioko mugikor modernoren bat ez duzun), ez ta beharrik ere. Antenaz bete behar al ditugu bazter guztiak ala?

Lapurretara bueltatuz, linearik gabe egon garen egunetako “alquiler de linea” pagatu beharko degu?

Zozoak beleari ipurbeltz!

Gaupasa, herri kirolak eta ingurutxoa.

balerditik — Mon, 10 Sep 2007 09:32:35 +0000

Igande goizean bazebilen gazte kuadrilla bat ezin erretiraturik, aitzakie estropadak ikustea zen. Hitza bete zuten, eta hamaiketako ederra, mondejuk, txoixoa, haragi egosie ta sagardo pixka bat, egin eta gero estropadak ikusi ta lotara joan ziren. (Hori sasoia, hori).
Hurrengo zita arratsaldean zen, iaz apostua galdu zuten Joxemai ta Aitor aittu zien aizkoran, arte pixka bat badutela erakutsi zuten (ajea kentzeko modu earra…). Aizkolari profesionalak ere izan ziren herriko sasi-aizkolariez (ejem) aparte, Izetak ere erakustaldi ederra aman zuen harriekin.
Ta nola ez Bedaioko ingurutxoa (bideoa prestatutakoan beste post bat egingo det Bedaioko ingurutxoari buruz) eta Arratiako jota.
Bitartean ikusi argazkiak.

Album hau BubbleShare-rekin egin da - Kopiatu zure blog-an

Jolasak eta jana, jana eta edana.

balerditik — Mon, 10 Sep 2007 08:47:34 +0000

Larunbatean Malabar tailerraz jozatzeko aukera earra izan genun, nik ´e earki gozatu nun. Bilbotik etorri ziren artixtek izan genituen irakasle.
Txokolatea bizkotxokin eta ondoren Herri Afarie izan zen.
Afaldu ta gero Kupela Taldea egon zen ordu txikik arte.
Bakarren batzuk ere etxera joateko penaz edo goizean hor zebiltzan!!!
This album is powered by BubbleShare - Add to my blog

Ea argazkik gustatzen zaizkizuen.

Pestak, patata tortille, sagardoa ta trikitixe.

balerditik — Sat, 08 Sep 2007 00:09:37 +0000

Gaur iluntzen hasi die festak, hemen lehenengo argazki sorta.
Suziriarekin batera hasi dira festak, sukaldari trebeak ikusi dira patata tortillak egiten, nahiz ta bi parte-hartzailek ezin izan dute garaiz bukatu, ai, ai, ai…
Sagardo probaketaren ondotik izan da zahagiardoa, frontoia topeta zegoen.
Ikusi argazkiak.

This album is powered by BubbleShare - Add to my blog

Bedaioko festak allatu ye…

balerditik — Mon, 03 Sep 2007 21:27:09 +0000

Bedaioko festak heldu dira, hona hemen aurtengo egitaraua, etorri eta gozatu…
Soñua ta panderuuua…

Bedaioko pestak 2007.

Irailak 7 Ostirala

20:00etan: JAIEI HASIERA emateko SUZIRIA eta KANPAI HOTSAK.

20:05etan: PATATA TORTILA LEHIAKETA. Artubi Elkarteak patata, arraultzak eta olioa jarriko ditu. (Osagai extrak: piperra, tipula eta sua bakoitzak eramango ditu)

20:30etan: SAGARDO DASTAKETA sagardotegi desberdinen salda goxoak dastatzeko aukera.

21:00etan: ZAHAGI ARDOA. Batzordeak ardoa eta kafea jarriko ditu.

23:00etan: ERROMERIA IMULTZO ETA BELOKI trikitilariekin.

4:00etan: Goizalderarte indarrak hartzeko TXOKOLATEA eta BIZKOTXOAK.

Irailak 8 Larunbata

12:00etan: ESKUZKO PILOTA PARTIDUAK.
Lehenengo partidua ALEBINAK.
Ondoren 2007 ESKUZKO TXAPELKETAKO FINAL HANDIA.

16:30etan: UME JOLASAK Jokuak, malabarak, buruhandi eta txokolatada, Bedaio eta inguruko haurrentzat.

21:00etan: HERRI AFARI NAGUSIA Dultzainero taldeaz alaiturik.
Zozketa berezia egingo da.

24:00etan: Ordu Txikiak arte ERROMERIA KUPELA TALDEArekin.

4:30etan: Indarrak hartzeko BATXURI ZOPA.

Irailak 9 Igandea

13:00etan: BEDAIOKO XVIII.TXIRRINDULARI IGOERA (federatu gabekoentzat).

18:00etan: HERRI KIROL JAIALDIA Harrijasotzailea: Aimar Irigoien. Aizkolariak: Urki, Mendizabal, Aierbe, besteak beste.
Ondoren Bedaiotarrek BEDAIOKO INGURUTXOA eta ARRATIAKO JOTA dantzatuko dute.

21:00etan: AFARIA Artubi Elkartean Trikitilariez lagundurik.

24:00etan: JAIEI AMAIERA emateko SUZIRIA.

Murriztu! Berrerabili! Birziklatu?

balerditik — Mon, 20 Aug 2007 20:49:41 +0000

Bedaio, udala, espaloi eta birziklatzeko ontzirik gabeko herria…

Murriztu, berrerabili eta birziklatu…
Hori zen Tolosaldeko Mankomunitateak 2002 urtean hasitako kanpainaren leloa.
Murriztu, murriztu dezaket, berrerabili berrerabili dezaket, baina oso zaila da Bedaion birziklatzea.
Birziklatzeko ontzi bakarra dago, Artubi Elkartearen parean aurkituko dugu beira birziklatzeko ontzia. Ez dago kartoia birziklatzeko ontzirik, hau da ontzi urdina, ezta ere brick, lata eta plastikozko potok birziklatzeko ontzirik, hau da ontzi horia, ezta pilak, olio etab. biltzeko ontzirik.

Lastima da, baino jendeak oraindik segitzen du Luizi beltza, Bizkate eta horrelako tokietan zaborra botatzen, agian sentsibilizazio eta komunikazio kanpaina bat eta erraztasun gehiagoekin lortuko genuke horrelako parajeetan jendeak zaborrak ez botatzea. Aralarko ateetan eta zaborra bilatu daiteke erreka zulo eta bazterretan. Gure lurra zaindu dezagun.

Ez dakit zeinen ardura izango da, baina zergak Tolosako Udalak kudeatzen dituenez, bitartekoak berak jarri edo bideratu beharko lituzke.

Ez ahaztu kontsumo arduratsua egitea, birziklatzea azken neurria izan dadila!

Bedaiorako Hiri Ordenazioko Plan Orokorra.

balerditik — Sun, 08 Jul 2007 21:31:26 +0000

2007ko uztailaren 5ean, Tolosako Udaleko ordezkaritza bat izan zen Bedaion, bertako alkatea den Jokin Bildarratz tartean. Bertan izan zirenek, aukera izan zuten Tolosako Udalak, berak kudeatzen dituen herrietarako garatu duen Hiri Ordanazioko Plan Orokorra ezagutzeko. Izenak esaten duen bezala, eta beraiek argitu zuten bezala, plan bat da, eta oraindik ekarpenak egin daitezke, eta irailaren 30a arte alegazioak aurkeztu daitezke.

Bedaioko herriari dagokionez gauza handirik ez.

Plan hontan herri gunea mugatzen da, plaza eta frontoi ingurua izango lirateke herri gunea. Bertan 20-24 pisu egiteko aukera aurreikusten da. Frontoi azpikaldean 18 bat eta Eletxeko ikullue dagoen tokian beste 6 bat. Eremuaren urbanizazioa kontratistaren kontura noski, baldin eta pisu kopuru bat era “librean” saltzeko aukera badu. Espaloiak, aparkatzeko tokia etab. Dena kontratistak egin beharko luke. Udalak orain arte bezala ez luke xentimorik ere jarriko.

Nire uste apalean Plan honek ez du tokirik Bedaio bezelako herri batean, berandu ailegatu da.

Bedaion bizitzeko nahi ta ezkoa da etxe inguruan egunero behar dituzun hainbat produktu eskura izatea, baratza, ardi, oilo, landare etab. Izan ere ez litzateke oso atsegina izango letxuga baten bila Alegiaraino jeixtea, etxeak neurri batean autosufizientea izan behar du. Herri batek zerbitzuak behar ditu, ondoren beste guztia ailegatuko da, ez ahaztu eskolara Amezketara joaten garela, medikutara Alegiara eta zergak ordaintzera, hori bai Tolosara. Zergatik ez 3. adinekoentzako mediku zerbitzua astean behin herrian bertan, …

Bedaio, Udala eta espaloirik gabeko herria…

Album hau kudeatua BubbleShare-rekin - Gehitu nere blogera

Zattoo TV 2.0 vs. betiko zatoa?

balerditik — Sun, 01 Jul 2007 22:05:27 +0000

Zattook, ez du denok ezagutzen dugun zatoarekin zerikusirik. Bai, bai kamixeta txuriak orban morez alaitzeko abilezia duen tresna hori, horrekin ez du zerikusirik.

Zattoo 2006ren erdialdean jarri zuten martxan. Baina ekainaren bukaeratik dago Euskal Herrietan martxan.
Erregistratu, programa jaitsi, instalatu eta martxan jartzea nahikoa da, dena debalde. Interneteko konexio txukun bat beharko dugu.
Telebista ikusteko aukera izango dugu, zuzenean (egia esan 2 segundutako atzerapenarekin).
Euskal katerik ez dago momentuz, baino aukera izango dugu kanpoko kateak ikusteko (TVE 1, La 2, Antena 3, Telecinco, Cuatro, La Sexta, Canal 24 Horas, TeleDeporte, TelePolonia, France 24 English eta Deutsche Welle). Zattoren eskeintza haundiagoa da baina momentuz hau eskeintzen dute.
Zein zato nahiago?
Nik garbi daukat, iep, berriro kamixeta zikindu det…

P.D. Tolosaldean oraindik ez dugu TDT-rik, eta oraindik aurrera La Sexta ikusteko aukera degu “Zato”ri esker, hurrengo mundialean Euskal Selekzioa ikusteko aukera bikaña ezta?

Herri miñe

balerditik — Thu, 14 Jun 2007 20:47:15 +0000

Gaur (2007-06-14) Tolosaldeko Hitzan irakurritakoak bultza nau hau idaztea. Bedaiotar baten ahotik “Tolosako auzo” bati buruz hizketan aditzeak tripako-miñe jartzen bait dit.

Pentsatzen det semantika arazo bat besterik ez dela izango, baino ala ere jar dezagun gauza bakoitza bere tokian.

Horretarako, Harluxet Hiztegi Entziklopedikoan agertzen diren definizioak aztertuko ditugu:

Herri
iz. 1. Ohitura, erakunde, hizkuntza eta beste zenbait gauza berdinak dituen gizartea edo jende-multzoa, gehienetan taldean eta lurralde jakin batean bizi dena.
Nazioarteko zuzenbidean garrantzi berezia hartu du herria kontzeptuak, herrien autodeterminazio-eskubidea onarturik eta aldarrikaturik dagoenetik, nahiz eta estatuen aldetik kontzeptu hori aplikatzean eta horren arabera eskubidea aitortzean adostasunik ez egon.

Auzo
iz. 1. Norbaiti buruz, inguruko etxeren batean bizi den laguna. 2. Herri batean, kaletik bereizirik dagoen etxe-multzoa.

Udal
iz. Herri-administrazioaren maila behereneko erakundea, herritarren izenean udalerri izeneko esparruaren administrazioa bere gain duena, eta alkate eta zinegotziez osatua dagoena.

Kolonia
iz. 2. Atzerriko estatu batek menperatu eta administratutako lurraldea, hark ekonomikoki ustiatzen duena.

Auzoak Tolosaren hiri barnean edota ondoan, hutsune bereizgarririk gabe daudenak izan litezke, hala nola Berazubi, Amarotz (bertakoek «errepublika» deitzen dioten arren), edota San Esteban. Baina Aldaba eta Urkizu herriak dira, eta Bedaio ere herria da, eta ez nolanahikoa.
Garbi dago Bedaio, kolonorik gabeko kolonia, udalik gabeko herria dela, ez ahaztu herria. Tolosako Udalaren menpe dauden beste herri asko bezala, Tolosa, Bedaio, Aldaba, Urkizu etab.

Dei diezaiogun gauza bakoitzari bere izenez.

Dena O.K (Ondo zeoK)

balerditik — Wed, 13 Jun 2007 09:42:17 +0000

Kriston martxa, kriston giroa, kriston antolakuntza, kriston hamaiketakoa, kriston herrie.

This album is powered by BubbleShare - Add to my blog
Hona hemen Ekainak 10, Bedaion eginiko 1. mendi martxan ateratako argazkiak, argazkiak Xa2er Eskisabel-enak dira, bertan izaterik izan ez genuenok argazki hautekin goza dezakegu.

162 lagun atera ziren lehengo mendi martxa honetan, zorionak parte hartzaile eta antolatzaileei.
Alegiatik ere zaldunak gerturatu ziren, eta Larrondoraino zaldiz egin zuten.

Kriston martxa dabil…

balerditik — Wed, 06 Jun 2007 21:30:51 +0000

Kriston martxa dabil!
Fermin Muguruzak horrela zioen Sarri, sarri kantuan baina gure kasuan, kriston martxa dago.
Bai, eta ea eguraldiak laguntzen duen. Azkenean iritsi da eguna, igande honetan goizeko 7.30etan abiatuko da Bedaioko 1. Mendi martxa. Hona hemen ibilbidearen mapa.

Bedaio Tagzanian

balerditik — Sat, 26 May 2007 21:10:49 +0000

Bedaiotarrok badugu lan berri bat: Bedaio tagzanian etiketatzea, oraindik ezer gutxi baitago etiketaturik. Zer etiketatu dezakegun? baserriak, eraikinak, mendi tontorrak, … ibilbideak ere markatu daitezke. Adibide bat ikusteko jo ezazue Donostiara eta ikusi bertan markatutako leku desberdinak eta toki horiek markatzeko erabili diren etiketak. Etiketatze lana egiteko tagzaniara sartu, erabiltzaile berri gisa erregistratu eta lekuak markatzen hastea besterik ez da. GoogleEarth eta GoogleMaps aplikazioek ere etiketatze sistema erabiltzen dute.

Hauteskundeak gora eta hauteskundeak behera.

balerditik — Tue, 22 May 2007 16:27:56 +0000

Aspaldin hontan ez dugu beste konturik, hauteskundeak gora eta hauteskundeak behera, bainan inork ez du Bedaio bere programan sartu. Zer tarte du Bedaiok zuen programa elektoralean?

- Zer konpromezu hartzeko prest zaudete?
(Hirigintza, zerbitzuak, azpiegiturak…)

- Egindako galdereei ez die erantzun Tolosako alderdi politikoek. Beraz Bedaiorako planik ez dutela ulertzen degu.

Ta zer egingo dugu bidali diguten propaganda-zabor guzti horrekin, Bedaion izan ere, ez dugu kontainer urdinik papera birziklatzeko, hare gutxiago kontainer horia… Paper hoiek neguan su bajua pizteko erabili beharko dugu, Bedaion ez dago Agenda 21-ik.

Nere botoa hemen sartuko det!

Bedaioko I. Mendi Martxa

balerditik — Thu, 17 May 2007 07:52:50 +0000

Bedaioko lehen Mendi Martxa izango da ekainaren 10ean. Goizeko 7:30etan irtengo gara bedaioko frontoitik. Izena emateko sartu Kontaktatu atalean eta honela bete:

"Zure izena" jartzen duen lekuan Izen-abizenak ere ipini eta " Idatzi mezua" jartzen duen lekuan Mendi Martxa idatzi, horrela badakigu nor zaren eta zertarako den mezua.

Hemen duzue mendi martxako araudia:

· Mendizale federatuak eta ez federatuuek parte hartzea daukate.

· Izen ematea ekainaren 10etan goizeko 7:15etan itxiko da

· Mendi martxaren irteera goizeko 7:30etan izango da Bedaioko frontoitik
· Irteera 20 pertsonaka egingo da 2 minutuko tartearekin

· Ibilbideko kontrol guztietan ordua eta sinadura jaso behar dira

· Kontrol txartela 5€ truk banatuko da

· Amaierako azken kontrola pasa ondoren zozketarako balea emango da.

· Amaierako kontrola 17:00etan itxiko da

· Zakarrak kontrol guneetan izango diren zakar ontzietan uzteko aukera dago

· Ingurugiro naturalean zaude, animaliak ez uxatu eta landaretza errespetatu

· landa lurrak eta jabetza pribatuak errespetoz zeharkatu kalterik eragin gabe.

· Antolakuntzak ez du inolako ardurarik izango gertatu daitekeen edozein istripuren aurrean.

Bisita Liburua

balerditik — Tue, 15 May 2007 20:06:39 +0000

Hemendik aurrera aukera izango dezute Bisita Liburu hontan zuen iritziak uzteko. Horriaren bukaeran izango dezu aukera zure iritzia emateko.

Animatu…

Nafarroa osoa

balerditik — Mon, 14 May 2007 21:14:06 +0000

Lehengo egun batean Diario Vasco-n irakurritako artikulu batean Bedaiotarrak Tolosan 3. mailako herritarrak direla zekarren; nola da posible hori? 3. mailakoak tira, baina Tolosarrak?

-"Bai baakizu nahi ala ez azken fiñen hola da…".

-"Ño, ordun gure burue Españolatzat jo beharko deu ezta?… bai zea!".

Bedaiotarra eta nafarra.

Asteburu hontan Nafarroa osoaren batasuna ospatuko dute Ausa-Gaztelun, Tolosaldeko Nafartarrek antolatuta mendi martxa izango da Ausa-Gaztelura maiatzaren 20ean.

Tolosaldeko nafartarrak sustatuta "Euskal Herri osoak Europako Nafar Estatua berreskuratzeko duen zilegitasuna" aldarrikatuko dute Gipuzkoako Ausa-Gaztelun. Aldarrikapen hori egiteko mendi martxa antolatu dute maiatzaren 20an. Larraitzen bildu eta Txindoki aurrean dagoen eta hain ezaguna ez den 904 metroko mendixka igoko dute. Bertako gazteluaren aztarnak bisitatu, Nafarroako bandera ipini eta komunikatu bat irakurriko dute.

Egitaraua

- 10:00 Larraitzeko aparkalekuan.

- Ongi etorria (trikitilariak alaitua)

- 10:30 Ausa-Gaztelura abiatzea.

- 12:00 Tontorrean bildu.

- 12:00 - 12:30: Bandera zutitzea gazteluan.

- Txistu, aurreskua eta Nafarroako Gorteen ereserkia

- Komunikatua irakurtzea

- 13:30 - 14:00 Larraitzen bildu berriro eta Abaltzisketako Zalbide sagardotegira bazkaltzera abiatu.

- Trikitilari, txistulari, bertsolari, eta beste izango dira egunean zehar.

Ausa-Gazteluko gaina leku sinbolikoa da Nafar Estatuaren historian, Erresumaren eki eta mendebaldea lotzen zituen bidexken zaintza-gune hau 1200eko konkistaren ondoren ere nafar instituzio legitimoen esku izan baitzen. Gaztelarren inbasioa baino hamarkada bat lehenago, Nafar erresuma egungo Santanderko Kastroraino zabaltzen zen. Honela adierazten du Britainiar Museoan dagoen 1190eko dokumentuak: "Jakina da Hispania arteko lur guztia Ingalaterrako erregearena dela; Oiarsouna izeneko porturaino zeinak banatzen du Ingalaterrako eta Nafarroako erregeen muga" Iparraldea ingelesen esku zegoen, "Eta Nafarroako erregearen lurra Oiarsouna portuan hasi eta Kastro-raino iristen da, non Nafarroako eta Gaztelako lurrak banatzen diren" (Enrike II.a Plantageneten "Division of kingdons of Navarre and Spain, 1177.eko laudoa).

Hala eta guztiz ere, oroitzapen historikoak erreibindikatzea baino haratagoko helburua du mendi martxa honek. Hain zuzen ere, Europar Batasunean Euskal Herriari nazio moduan eta beronen adierazpide nagusia izan behar duen Nafar Estatuari zor zaion begirunea aldarrikatzea.

Tolosaldeko antolatzaileek nafarzale guztiak deitu dituzte ekitaldi honetan parte hartzera. Gainera, eskertuko dute Nafarroako banderak eramatea eta lagunarteko bazkarirako maiatzaren 17a baino lehenago deitzea. Tel: 607 111 202

Web gune berria.

balerditik — Mon, 07 May 2007 08:08:01 +0000

Bedaiok badu beste txoko bat interneteko mundu zabalean. Izan ere Artubi Elkartearen bitartez web orri bat zintzilikatu dute.

www.bedaio.com domeinua erosi dute. Klikatu eta ikusi.

Ardi gazta egiten

balerditik — Sun, 22 Apr 2007 09:56:23 +0000

Asteburu kulturalaren baitan, Illoretan izan ginen. Karlos eta Begoñak azaldu ziguten gazta nola egiten duten, baita mokadutxo goxoa prestatu ere. Ondoren Errotara jeitxi, artiriñe egin eta sozidadera taloak jatea, hemen dituzue argazki batzuk.

Tolosaldeko Hitzan Albistea

Asteburu Kulturala

balerditik — Wed, 18 Apr 2007 17:40:05 +0000

Artubi Kultur Elkarteak antolatuta Apirilean, asteburu kulturala ospatuko da Bedaion.

Ostiralean, hilak 20.

20:00etan Bideo Emanaldia izango da. Haurrentzako eta helduentzako filme bana.

Larunbata, hilak 21.

16:00etan Ardi gaztaren ingurukoak. Gaztaren produkzioa eta kalitatezko gazta egiteko hartu beharreko neurriak azalduko dizkigute… (Illorretako Karlos-en eskutik, Illorrreta bertan). Ondoren nahi duenak Errota ikusteko aukera izango du.

Artubin talo jatea izango da.

Igandea, hilak 22.

Goizeko 10etan abiatuz Ibilaldia Bedaioko bailara ezagutuaz. PR-112 egingo da. 7.6 km ditu eta bi ordu eta erdian egin daiteke. Ondoren bazkaria Artubin.

Asteburuan zehar Bedaioko argazki zaharrak ikusgai Artubi Elkartean.

Albistea Hitzan.

Txolarre irratian Berpiztu planaz.

balerditik — Wed, 04 Apr 2007 11:15:17 +0000

Hona hemen Txolarre Irratian 2007-03-07n Bedaiori buruzko saioa entzungai, bertan Berpiztu planaz mintzatzen dira Ainhoa Arregi eta Imanol Olano.

Tolosaldeko eta Leitzaldeko Hitza.

balerditik — Mon, 02 Apr 2007 21:18:20 +0000

Tolosaldeko eta Leitzaldeko Hitzak RSS jario zerbitzua eskeintzen du bere Web horrian. Lastima, baino oraingoz Bedaioko albisteetara ezin da sindikatu.

Jario-irakurleei esker (RSS jarioak irakurtzeko programa edo guneak) nahi bezain besteko webgune edo blogen eduki laburtua eskuratu daiteke sistema eragilearen mahaigainean, posta elektronikoko aplikazioetan edo jario-irakurle bezala funtzionatzen duten aplikazioetan. Ez da beharrezkoa web nabigatzailea ireki eta webgune guztiak banaka bisitatzea.

Hau da RSS jarioen ikurra.

Bedaio, nahiz eta egun Tolosako auzo bat izan herri izaera du, eta tratamendu hori beharko luke. Hitzakoei honi buruz galdetu ta hau erantzun zuten:

"Kontua da gure sistemak ez duela baimentzen Bedaio herri bezala onartzea. Beraz, Bedaioko albisteak jasotzeko Tolosara sindikatu beharko duzu. Aldaketaren bat egiterik lortuko bagenu, abixatuko genizueke.
Eskerrik asko,
Tolosaldeko eta Leitzaldeko Hitza."

Ea egia den eta Bedaioko albisteetara sindikatzea lortzen dugun, abixuaren zain geratzen gara..

Bedaioko blogaren galdeketa alderdi politikoei.

balerditik — Wed, 28 Mar 2007 04:59:17 +0000

Bedaion, 2007ko martxoaren 28an.

Kaixo:

Jadinik, lanean hasita egongo zarete udal haustenkundeei begira.

Bedaion Blog bat egiten dugu, http://balerditik.blogsome.com eta Tolosako alderdi politikoei galdeketa hau luzatzea pentsatu dugu, erantzuna, oso osorik gure blog-ean argitaratzeko.

- Zer tarte du Bedaiok zuen programa elektoralean?

- Zer konpromezu hartzeko prest zaudete?

(Hirigintza, zerbitzuak, azpiegiturak…)

Eskerrikasko aldez aurretik.

Erantzunik jasotzen ez dugun alderdien tartea hutsik utziko dugu, programarik ez dutela interpretatuz.

P.D. Hauxe da alderdi politikoei bidalitako mezua, ikusiko dugu zer erantzuten duten.

Glaziarrak urtutzen.

balerditik — Fri, 16 Mar 2007 17:56:58 +0000

Eguraldia aldatzen ari dela begi-bistakoa da, sahatsa aspaldin loretan dago, baño ikusi bi argazki hauek, lehenengo argazkia 1941koa eta bestea gaur egungoa, biak toki berberrean.
Ikusi nola glaziarrak urtutzen ari diren.

Euskal herri tropikala ezagutuko ote dugu ba!

Iturria: http://nsidc.org/data/glacier_photo/special_collection.html

Ingelesez dago. 14 glaziarrek azkeneko 120 urte hauetan izan dituzten aldaketak aztertzen dituzte.

Deslokalizazioa

balerditik — Wed, 14 Mar 2007 22:51:24 +0000

Baserria Txinan izan duen harrera ona ikusita, Sustatu-n ere tartea izan du, gazte sarean deslokalizaziori buruz idatzitakoa hemen zabaltzea pentsatu dut.

Globalizazioa edo mundializazioa, wikipediak definitzen duen moduan, gaur egun dagoen komunikatzeko eta garraiatzeko erraztasuna dela eta, merkatuen arteko batasuna eta kultura eta gizarteen arteko hurbilketa bultzatzen duen prozesua da. Globalizazioa gerta zedin, hainbat aldaketa sozial, ekonomiko eta politiko jazo behar izan dira, baita ondorio esanguratsuak ekarri ere, deslokalizazioak esaterako. Enpresa multinazionalek herrialde garatu batetik beste herrialde batera (azpigaratuetara normalean) euren lantegietako bat lekuz aldatzeko prozesuari deritzo.

Deslokalizazioa bultzatzen duten faktoreak hauek izan ohi dira:

Lan-eskuaren kostu ekonomiko txikiagoa lortzea.
Lan baldintza prekariagoak bilatzea, flexibilitate handiagorekin, lan-egonkortasun txikiagoa, lan-ordu luzeagoak…
Ingurumena zaintzeko legislazio arinagoak, kontaminazio isurketa handiagoak edukitzeko baimenarekin bat.

Azpimarragarria da enpresak ez dituztela mugitzen errentagarritasun faltagatik, baizik eta multinazionalen etekinak biderkatzeko da. Bide honetatik, hauek dira deslokalizazioaren ondorio arruntenak:

Langabezia areagotzea jatorrizko herrialdean.
Destinuko herrialdean lanbideen kalitateak behera egitea.
Kontaminazioa eta ingurumenaren kaltetzea.
Domino efektua enpresa lehiakorren artean; deslokalizatuta dagoen enpresarekin lehiatu ahal izateko, konpetentziak bere burua deslokalizatu beharko du.
Azken produktuaren kalitatearen murrizketa, kualifikazio gutxiagodun langileek ekoiztuko baitute, edo behintzat baldintza kaskarragoetan.

Nola da posible Europako ez dakit zer herrialdetik ekarritako tomateak, nere baratzakoak baino merkeagoak izatea?

Bertako tomateak ez al dira askoz hobeak?

Urrutiko intxaurrak hamalau, gerturatu eta lau.

Arto transgenikoa

balerditik — Tue, 13 Mar 2007 22:10:09 +0000

Gaur zabaldutako albistea da, ikerketa baten arabera, ganadu eta giza-kontsumorako erabiltzen den arto transgeniko batek arazoak sortzen ditu gibelean eta giltxurdinetan. Arto hau MON863 bezela ezagutzen da, beraz baztertu hau eta transgenikoak diren guztiak.

Europar Komisioak pentsutan erabiltzeko baimena eman zuen 2005eko abuztuan eta 2006ko urtarrilean giza-kontsumorako baimendu zuen.

Informazio gehiago nahi baduzu, sakatu argazkian, informazioa erdaraz dago.

Baserria Txinan

balerditik — Fri, 09 Mar 2007 18:22:39 +0000

Jada ez nau ezerk harritzen… zion kanta, eta hala da.

Non eta Txinan, Kunshan herrian bai, han eraiki dute baserri eder hau. Txina, Asiar erraldoia suspertzen ari da, hemen baserri mundua goitik behera datorrenean…

Ardi latxa batzuk eraman eta Idiazabal gazta egiten hasi behar ote dugu?

Mundu globalizatuaren deslokalizazioa.

Ejem ea bertokok laguntza gehiago izaten dugun gure baserriei eusteko.

P.D.Kunshan herrian MCC-k eraiki duen baserria, aterpe eta industrialde bateko kudeaketa gune bezala erabiliko da.

Bereziartua Sagardotegia

balerditik — Sun, 04 Mar 2007 11:05:35 +0000

Martxoaren 17an izango da Sagardotegira irteera, nahiz ta hasiera batean hilaren 10erako deialdia egin, azkenean 17an izango da. Animatu ta txoootx…

Barrikotea

balerditik — Tue, 06 Feb 2007 21:24:40 +0000

Apa lagunok, tarte hau probestu nahi dut datorren larunbatean Otsailak 10, ordua ez dakit zihur baino 8rak aldera edo Artubi Elkartean barrikotea izango dela esateko, beraz badakizute, janaz eta edariaz gozatu nahi duenak gerturatu dadila.

Ondo pasa!

Negua heldu da…

balerditik — Thu, 25 Jan 2007 10:58:59 +0000

San Simon eta San Juda, joan da uda eta negua heldu da…

Bai azkenean heldu da negue, kostata bañan bortitz ari da baztarrak hastintzen. Atzo (2007-01-24) ateratako argazki batzuk daude hemen zintzilik, ea zuen gustokoak diren.

Momentu hontan 2007-01-25 eguardiko 12etan 25 zentimetro elur daude frontoi inguruan, auskalo zabalkin zer egongo den…

Mendi irteera deialdia

balerditik — Sun, 21 Jan 2007 07:59:19 +0000

Heldu den igandean, Urtarrilak 28, Alegiko Tontokaletik, goizeko 9tan, mendi irteera baterako deialdia egin du Alegiako mendi asanbladak.

Irteera Alegitik izango da ta, Arterreka, Aristizabal, Iruña ta Jazku goikotik ibili ondoren Eskoletxen izango du bukaera, bertan autobusa izango da Alegira bueltatzeko. Beraz, badakizue paraje ederrez gozatzeko aukera hau ez galdu.

Bedaioko mugak

balerditik — Tue, 16 Jan 2007 22:03:05 +0000

Post honen bidez, Bedaioko mugak zein diren ezagutarazi nahi dut, aurrerago mugarriak kokatzen jaongo naiz. Kolore ezberdinez bereiztu ditu herri desberdinak:

Morea:Alegia

Laranja: Altzo

Horia: Lizartza

Larrosa: Gaztelu

Urdiñe: Azkarate

Urdiñe/Gorria-ren artean (Artubigañe): Enirio-Aralar

Beltza: Ugarte

Gorria: Amezketa

Sutea Bedaion

balerditik — Fri, 29 Dec 2006 14:26:34 +0000

Bart, Abenduak 28, iluntzeko 7ak aldera, sute bat piztu zen Eletxe baserrian. Sutea Eugenionen hasi zen, ikuiluan hain zuzen. Bertan dagoen su bajuaren ondorioz, tximiniko tubotik gertu dagoen solibo batek sua hartu zuen.

Inguruko baserritarren erantzun azkarrak, suteak ondorio larriak izatea ekiditu zuen, su-hiltzaileek ere ala adierazi zuten: "gu etortzeako, baserria kixkalita egongo zen" .

Tolosako udalak ere honen berri izan du, eta ur-puntuak eta mangerak behar diren bezela jartzeko asmoa azaldu du. Orain erabat utzita daude, momentu honetan erabilpen egokirako bermerik ez dute.

Bestalde, eskerrak eman laguntzea azaldu zineten guztioi, zuengatik izan ez balitz gaur agian, ez genuke Eletxe zutirik ikusteko aukerarik izango, eskerrikasko gutztioi!!!

Flickr

balerditik — Sun, 24 Dec 2006 16:34:53 +0000

Zer da Flickr?

Flickr argazkiak beste erabiltzaileekin elkarbanatzeko webgunea da, Web 2.0 taldean sailkatu daitekeena. Argazki pertsonalak konpartitzeko erabiltzeaz gain, blogari askok irudien biltegi bezala erabiltzen dugu. Bedaioko argazkiak igo ditzazkezu, bertan “bedaio” etiketa gehitu eta horrela denon hartean bilduma polita osatuko degu.

Egin klik… ea zuen gustokoak diren.

Kantuz kantu

balerditik — Sat, 23 Dec 2006 18:36:08 +0000

Abenduak 24ean 15:00tatik aurrera, urtero legez, herriko gazteak kantari ibiltzen dira baserriz baserri. Aurten, iaz bezela, "Bedaioko egutegie" banatuko dute. Argazkiak biltzen Izaskun Jauregi ibili da, eta muntaia egiten Txarli Gesteira. Kantu eta kantu artean, baserrietan eztarria bustitzeko aukera izaten dute gazteek, bertakoek "mokadutxo bat eta tragoska bat" eskeintzen bait dizkiete.

Beraz badakizute, Abenduak 24, 15:00tatik aurrera baserriz baserri kantari.

Bedaio bizirik

balerditik — Thu, 21 Dec 2006 21:54:06 +0000

Bedaio bizirik bai, eta teknologia berriak erabiltzeko prest (eskerrak eman Iñigo Balerdi informatiko alegitarrari bere euskarri teknikoarengatik).

Hemendik aurrera Bedaio munduari ezagutarazten saiatuko naiz.