San Fermin eguna Azkaraten

Ostirala, 2009ko uztailaren 3a

Bedaiotik Azkaratera
San Fermin eguna gerturatzen ari da, egun haundia izango da Iruñean, baita Azkaraten ere. Bedaio eta Azkaratek nahiz eta elkarrekin muga egin, kotxez joan nahi izan ezkero, 31 km-ko ibilbidea egin behar da. Urtero bezela, Gurdillaundiko langa zabalik izango da, San Fermin egunez, eta kotxez (todoterrenoz hobe!), Azkaratera joateko aukera izango degu, honela 4,7 km besterik egin behar izango ditugu. Oinez egiteko ere ez da aukera txarra.

Egitaraue, Bedaion bezela urteroko antzekoa:

Hamaiketan erromeria herriko plazatik San Fermin ermitaraino eta jarraian meza. Eguerdian, herriko plazan Otsolar taldeko dantzariak. Bakaldu aurretik Zeberio eta Mañukorta bertsolarien saioa plazan. Ondoren Balerdi Elkarteak antolatuta, bertsolari eta trikitilariekin bazkaria. Arratsaldeko 7etan, afizionatu mailako pilota partidua Urmeneta- Insausti. Egun osoan zehar, Laja eta Landakanda trikitilariak.

Baño, Naparron ba al da festik entzierroik bare?
TO ENTZIERROA…

Berriak, Bideoak

zabaldu | del.icio.us |   | FriendFeed  |  Spanish |  harpidetu |  (0) Iruzkin

Auzolandegia Bedaion

Osteguna, 2009ko ekainaren 18a

Eusko Jaurlaritzak, uztailean, Bedaioko garbitokia eta ur-aska errekuperatzea, bai eta bertara iristeko zubia eta bidea ere errekuperatzeko auzolandegi deialdia egin du .
Ba dirudi, iaz idatzitako postak bere fruituak emango dituela, eta auzolandegia aurrera ateratzen bada, Beko Itturie berriro eta inguruak berreskuratuko ditugula.
Hona hemen Martin Balerdiren hitzetan, Beko Itturiaren nondik norakoak, 1930.urte ingurkoa omen.

Berriak, Historia, Bideoak

zabaldu | del.icio.us |   | FriendFeed  |  Spanish |  harpidetu |  (0) Iruzkin

“Famosoak” Bedaion

Asteazkena, 2009ko ekainaren 17a

Dakizuenez, duela aste pare bat edo, ludotekaren inaugurazioa zela eta, Iñake Irastorza, JM Goiko, Aimar Irigoien ete Abel Barriolarekin kontu kontari aritzeko aukera izan genuen.
Saio irratiz, Txolarre Irratia, eta telebistaz, Artubi Telebista, jarraitzeko aukera izan genuen, baño seguro batenbatek ezin izan zuela saioa segitu, edota berriro ere pasarte batzuk berriro bizitu nahi dituela.
Ba hementxe dezu aukera, izan ere saio osoa dezu eskuragarri.

Artubi Telebistan saioa atalka ikusi dezakezu.

Bideoak

zabaldu | del.icio.us |   | FriendFeed  |  Spanish |  harpidetu |  (0) Iruzkin

Izar behoka jaiotzen

Ostirala, 2009ko ekainaren 12a

Oso zaila da behor bat erditzen ikustea. Normalean guaez edota, izktuan egiten bai dute. Guk izugarrziko suerte izan genuen, ta gainera, beste lan bat egiteko, kamara soinean genuen. Irudiak zenbait momentutan ez dira oso onak, badakit, momentuko nerbioak. Gainera behorra lasai egotea ezinbestekoa zen, ez genuen enbarazorik egin nahi. Erditzen ikustea harrigarria bada ere, are eta gehiago, jaio eta handik bi ordutara behoka saltoka jolasean ikustea. Ta hau dena Balerdi mendiaren magalean…

Berriak, Natura, Bideoak

zabaldu | del.icio.us |   | FriendFeed  |  Spanish |  harpidetu |  (4) Iruzkin

Bedaioko 3. mendi martxa

Ostirala, 2009ko ekainaren 5a

Klikatu irudiaren gainean haundiagoa ikusteko.

Ekainak 14, igandean izango da zita. Oinezkoak goizeko 7.30etan irtengo dira eta bizikletaz egin nahi dutenek, goizeko 8.30etan. Oinezko ibilbidea 6 ordutan egin daiteke, eta bizikletan aldiz 3-4 ordutan. Aurten ze aitzeki jarri behar det? Aspaldian sasoi gutxikin egon arren…

Bedaioko Mendi martxa

ARAUAK:

* Federatuak eta ez federatuak parte har dezakete.
* Izen ematea Ekainaren 14an irteera baino ordu erdi lehenago.
* Ibilbideko kontrol guztietan sinadura eta ordua jaso behar dira.
* Kontrol txartela 10 € truk izango da. Bukaera arte, ondo jaso txartel hau amaieran jatekoaz trukatu eta hainbat produkturen zozketan erabiltzeko.
* Amaierako kontrola 17:00 bukatuko da.
* Zakarrak kontrol guneetan bota.
* Ingurugiro naturalean zaude, animaliak ez uxatu eta landaretza errespetatu.
* Landa lurrak eta jabetza pribatuak errespetatuz zeharkatu.
* Antolakuntzak ez du inolako ardurarik izango gertatu daitekeen edozein istripuaren aurrean.

Beraz, herria ezagutu eta naturaz eta paraje ederrez gozatu nahi duenak, ekainaren 14an du zita, izena hemen eman dezakezu.

Berriak, Natura

zabaldu | del.icio.us |   | FriendFeed  |  Spanish |  harpidetu |  Iruzkin(1)

Solasaldi umoretsua

Astelehena, 2009ko ekainaren 1a

Larunbatean estreinikoz, Tele Artubbik, (dagoeneko izena aldatu badiote ere… Artubi Telebista aurrerantzean) bere zuzeneko lehenengo saioa egin zuen. Irudiak ondo ailegatu ziren, baño audioa nonbait saturatuegie ailatzen zen, beraz batek baño gehiagok ezpainak irakurtzen saio politte egingo zuen.
Bai, bai, batek baño gehiagok, zeren momentu batean 6 lagun zeuden batera Artubi Telebista ikusten, eta 4 ikusleren media izan genuen saio osoan. Tarte horretan, Bedaioko giza serara partaide berri bat gehitu zen. Horregatik ,merezi izan zuela esan dezakegu. Gustora geratu giñen, bai hoixe.
Hemendik, hau posible izatea lagundu duten guztiei nere esker beroena, Oskar, Iñigo eta bere portatilleari, Julen, Ana eta bere pazientziari, Txolarrekoei, eta zuri. Ta nola ez, lau protagonistei! Eskerrik asko!

Umorez beteriko saioa izan zen, ondo pasa genuen gerturatu giñen guztiok, 2 ordu pasatako saioa izan bazen ere.

Aimar, Herri txiki honetan bataiatu zen harrijasotzaile bezela, lau urtekin egin zuen bere lehenengo exibibizioa, Barriolak, ez zen inoiz heldu Bedaiora baño harritute geratu zen. Iñakek lehendik ere ezaugtzen zuen bedaio eta Goikok Donostia eta Bedaioren artean aukeratu behar eta Bedaio aukeratu zuen…

Zuzenean segitzeko aukera izan ez zenuteneontzat bideotxo hau, Artubi telebistan gehiago izango dituzue, pixkanaka gehitzen jaongo naiz:

Berriak, Historia, Bideoak, Teknologia

zabaldu | del.icio.us |   | FriendFeed  |  Spanish |  harpidetu |  Iruzkin(1)

Asteburu Kulturala Bedaio 2009

Ostirala, 2009ko maiatzaren 29a

OSTIRALA 29

Arratsaldeko 19etan BEDAIOKO GIDAren AURKEZPENA

Bedaioko Gida turistikoa azalduko da bertan. Turismoko bulegoa, Tolosako udala eta Bedaioko herritarren artean egindakoa. Bertan Bedaioko baliabide turistikoen berri ematen da.

LARUNBATA 30

LUDOTEKA INAUGURAZIOA eta HITZALDIA

Artubi Elkartearen gainean dagoen lokala haur eta gazteen liburutegi (Ludeoteka) bezela atondu eta egokitu da. Ordenadore eta internetak iada martxan daudela, inaugurazioa egitea tokatzen zaigu.

Horretarako IRRATSAIO bat egingo dugu, Txolarre irratia eta hemen zuzenean segitzeko aukera izango dezue, kirol eta kultura alorreko pertsonai ezagunei SOLASALDI / GALDEKETA egingo diegularik.
Solasaldian parte hartuko dute beste batzuren artean Abel Barriola pilotaria, Aimar Irigoien Harrijasotzailea eta Jose Manuel Goikoetxea –“ Goiko” (aktore eta ahots doblatzailea) eta beste zenbait sorpresa.
Gazte ospetsu hauek haur eta gazteek prestaturiko galderei erantzuten saiatuko dira.
2 orduko saioaren ondoren afaria egongo da, bertara hurbilduko direnentzat. Giroa ordu txikitara eramanez.

IGANDEA 31

Goizeko 11etan TXANGOA Bedaio eta Lizartzako mugetatik barrena.

Sagardotegitik aterako gara, ondoren, oinez Zumizketa baserritik aterako geralarik.
Zelai eta pagadietatik barrena ordubete ondoren , Arraunetara iritxiko gera, beste ordubeteren barruan, Gaztelu, eta Orexatik barrena Lizartzan sartzeko. Hemen, Pagoluze izeneko tokian aurkituko ditugu enborrean 4.5 metrodun perimetroa duten pagoak., eta bertan baita ere Leize Gaiztok izeneko arkaitz zuloak.
Dagoeneko bazkaltzeko ordua gertu dugularik, Bedaion sartuko gera berriro, eta Pagohaundiko dolmenera abiatuko gara. Bertan egingo dugu bakoitzak etxetik eramandako ogitartekoekin bazkaria.
Azkenik Jazkura jetxi eta kotxez itzuliko gera hasierako abiapuntura.
Honekin emango diogu amaiera asteburu kulturalari.
Gerturatzen zreten guztioi, ondo pasa!

Berriak

zabaldu | del.icio.us |   | FriendFeed  |  Spanish |  harpidetu |  (0) Iruzkin

Ausa Gaztelura mendi martxa

Astelehena, 2009ko maiatzaren 25a

Goierri eta Tolosaldeko Nafarrek, Ausa Gaztelura mendi martxa antolatu dute aurten ere, 3. urtez jarraian. Bertan, “Euskal Herri osoak Europako Nafar Estatua berreskuratzeko duen zilegitasuna” aldarrikatuko dute. Zita, maiatzak 31ean izango da, goizeko 10etan Larraitzen bildu eta Txindoki aurrean dagoen eta hain ezaguna ez den 904 metroko mendixka igoko dute. Bertako gazteluaren aztarnak bisitatu, Nafarroako bandera ipini eta komunikatu bat irakurriko dute. Hona hemen egun horretarako prestaturiko egitaraua.

Berriak, Historia

zabaldu | del.icio.us |   | FriendFeed  |  Spanish |  harpidetu |  Iruzkin(1)

Bedaioko Telebista digitala martxan

Osteguna, 2009ko maiatzaren 21a

Dagoeneko martxan dagoela esan dezakegu, naiz eta beta eran (probetan) egon. Maiatzaren 30ean, larunabata, Bedaioko “liburutegia” inauguratuko da. Horretarako ekitaldi berezi bat antolatu da, eta Kultur eta Kirol arloko hiru lagunen bixita izango degu. Abel Barriola, Aimar Irigoien eta J.M. Goikoetxea “Goiko” izango dira bertan, emakumezkorik lortzea ezinezkoa izan da. Herriko haur eta gazteek galderak egingo dizkiete. Tertulin aitzeko aukera earra!
Ekitaldia irratiz eta internetez emango da. Neri internetez emateko prestakuntza lenen erantzunkizuna egokitu zait.
Horregatik sortu degu Bedaioko Telebista digitala, “Tele Artubbi”.
Horretarako Teketen-en bitartez, Patxi Gaztelumendirekin, irratia.com-eko kidea, jarri nintzen harremanetan. Hilara hauek probestuz, Patxik hasieratik laguntzeko izan duen borondatea publikoki eskertu nahi det. Berari esker ezagutu det livestream, bideoa internetez zuzenean eskeintzeko webgunea. Nahikoa da PC bat, webcam edo bideo kamara bat eta interneterako konexio txukun bat izatea, internetez zuzenean emititzeko.
Horregatik, gauzak guk nahi ditugun bezela irtetzen badira, egun horretan prest izango gera Bedaiotik zuzenean mundu guztira bertan gertatzen ari dena erakusteko.
Blog honetan eskubiko zutabean aurkituko duzue, ae zer iruditzen zaizuen.

Berriak, Bideoak, Teknologia

zabaldu | del.icio.us |   | FriendFeed  |  Spanish |  harpidetu |  (0) Iruzkin

Harri jaia 2

Asteartea, 2009ko maiatzaren 19a

Ja, beitu ze topatu deten. ETB3n botatzen duten, Nickdutnik saioan, Euskaltuberi buruz Haritz Rodrigez-i, egindako erreportaian, Harri jaiaren “kameoa”…. Maiatzaren 28an dela jartzea bakarrik falta zen.

Publicidad encubierta ote da… 6:30 mintutik 6:42era, Eletxeko Martin, Illorreta, Harri jaie,… ikusi, ikusi.

Argazkiak, Nere gauzek

zabaldu | del.icio.us |   | FriendFeed  |  Spanish |  harpidetu |  (0) Iruzkin